Yeremia 7:30 - An Bibel Kernewek 20234 (Kernewek Kemmyn)

³⁰ Rag mebyon Yuda re wrug drogedh y'm golok, yn-medh an Arloedh; i re settyas aga thaklow kasadow y'n chi may feu ow hanow gelwys warnodho, dh'y dhefola.

Yeremia 7:30 ပူးပေါင်းရင်းမြစ်များ

2 Myghternedh 21:3

Ev a dastrehevis an tylleryow ughel a dhistruis y das Hezekia; ev a dhrehevis alteryow dhe Baal, ev a wrug Ashera, dell wrussa Ahab myghtern Ysrael, gordhya oll lu nev, ha'ga servya.

2 Myghternedh 21:4

Ev a dhrehevis alteryow yn chi an Arloedh, may lavarsa an Arloedh anedha, ‘Yn Yerusalem y hworrav ow hanow.’

2 Myghternedh 21:7

Ev a settyas an imaj gravys a Ashera re wrussa y'n chi may leveris an Arloedh anodho dhe Davydh ha dh'y vab Solomon, ‘Y'n chi ma hag yn Yerusalem, re dhewisis mes a oll kordhow Ysrael, my a worr ow hanow bys vykken.

2 Myghternedh 23:12

An myghtern a dorras dhe'n dor an alteryow war an to ryb chambour gwarthav Ahaz gwrys gans myghternedh Yuda, ha'n alteryow gwrys gans Manasse yn dew glos chi an Arloedh; ev a's tennas dhe'n leur ha'ga brewi dhe dhoust ha tewlel aga doust yn nans Kidron.

2 Kroniklys 33:15

Ev a dhug dhe-ves an duwow estren ha'n imaj gravys dhiworth chi an Arloedh, hag oll an alteryow re dhrehevis war venydh chi an Arloedh hag yn Yerusalem, hag ev a's tewlis dhe-ves an sita.

2 Kroniklys 33:3

Rag ev a dhastrehevis an tylleryow ughel re beu tennys yn-nans gans y das Hezekia, hag ev a dhrehevis alteryow dhe'n Baalim, hag a wrug Asherim. Ev a wordhyas oll lu an nev, ha'ga servya.

2 Kroniklys 33:7

Ev a worras an imaj gravys re wrussa yn chi Duw, anodho may leveris Duw dhe Davydh ha dh'y vab Solomon, ‘Y'n chi ma, hag yn Yerusalem re dhewisis yn-mes a oll kordhow Ysrael, y hworrav ow hanow bys vykken.

Ysay 66:4

Ytho my ynwedh a dhewis tebeldhyghtyans ragdha, ha dri warnedha an taklow a berthons own anedha; rag pan elwis vy, denvyth ny worthybis, ha pan gewsis vy, ny glewsons; mes i a wrug an pyth yw drog y'm dewlagas, ha dewis an dra ny'm beu delit ynno.

Yeremia 16:18

Hag yn kynsa my a attal rag aga hammhynseth ha'ga fegh yn tewblek; drefenn i dhe dhefola ow thir gans korfow aga idolys, ha lenwel ow eretons gans aga thaklow kasadow.

Yeremia 23:11

Rag ha profoes hag oferyas yw ansans; hwath yn ow chi my re gavas aga drogedh, yn-medh an Arloedh.

Yeremia 32:34

Mes i a sett aga thaklow kasadow y'n chi yw henwys gans ow hanow vy dh'y dhefola.

Yeremia 32:35

Hag i a dhrehevis an tylleryow ughel a Baal yn nans mab Hinnom, dhe wul dh'aga mebyon ha'ga myrghes tremena der an tan dhe Molek, kyn na worhemmynnis dhedha, na ny dheuth y'm brys may hwrellens an dra gasadow ma, ow kul dhe Yuda pegha.

Ezekiel 7:20

Goeth a's tevo yn tekter aga thegennow ha gansa i a wrug aga imajys kasadow, aga thaklow kasadow; rakhenna my a's gwra mostedhes ragdha.

Ezekiel 8:3

Ev a ystynnas furv leuv ha'm kemmeres er kudynn a wols ow fenn. An spyrys a'm drehevis ynter an nor ha'n nev, ha'm dri dhe Yerusalem yn gwelesigethow Duw, dhe dharas an yet a-bervedh, a vir troha'n gledhbarth, ple'th esa imaj an avi, a brovok dhe avi.

Daniel 11:31

Luyow dannvenys ganso a wra defola an tempel ha'n ger, defendya dhe-ves an offrynn pub-dydhyek hag yn y le gorra pyth kasadow an difeythter.

Daniel 9:27

Ha fastya ambos a wra ev gans lies der unn seythun; mes yn kres an seythun na y hwra ev dhe sakrifis hag offrynn hedhi; hag y'n tempel y fydh pyth kasadow an difeythter bys may fo an diwedh ordenys diverys war an distruer.’