Yeremia 7:26 - An Bibel Kernewek 20234 (Kernewek Kemmyn)

²⁶ mes ny woslowsons orthiv, na ny blegsons aga skovarn, mes i a galeshas aga hilbenn. I a wrug gweth ages aga thasow.

Yeremia 7:26 ပူးပေါင်းရင်းမြစ်များ

1 Myghternedh 14:22

Yuda a wrug an pyth o drog yn golok an Arloedh; i a'n brovokyas dhe avi gans an peghosow a wrussons, moy ages pup-tra re wrussa aga thasow.

1 Myghternedh 14:9

mes ty re wrug drog a-ugh oll dha ragresegydhyon; ty re wrug duwow erell ragos, ha delowyow teudh, orth ow frovokya dhe sorr, orth ow thewlel a-dryv dha geyn.

2 Myghternedh 17:14

Ny vynnsens goslowes mes kales aga hilbenn ens, dell ens aga thasow na grysi y'n Arloedh aga Duw.

2 Myghternedh 17:15

I a asas y laghys, ha'y gevambos a wrug ev gans aga thasow, ha'n gwarnyansow a ros ev dhedha. I a siwyas idolys koeg hag eth ha bos koeg aga honan; i a siwyas an kenedhlow esa a-dro dhedha, hag a-dro dhedha an Arloedh re worhemmynnsa na dalvia dhedha gul yndella.

2 Kroniklys 30:8

Na vedhewgh kales agas kilbenn lemmyn dell vedha agas tasow; ystynnewgh leuv dhe'n Arloedh ha dewgh dh'y sentri, re sakras bys vykken, ha servyewgh an Arloedh rag may treyllyo y gonnar dhiworthowgh.

2 Kroniklys 33:10

An Arloedh a gewsis dhe Manasse ha dh'y bobel, mes ny woslowsons.

2 Kroniklys 33:23

Ny omuvelhas a-rag an Arloedh, dell omuvelhasa y das Manasse, mes an keth Amon ma a drespassas moy ha moy.

Nehemia 9:29

Ha ty a's gwarnyas rag aga threylya arta dhe'th lagha. Hwath i a faryas gans bedhekter ha ny obaysons dha worhemmynnow, mes i a beghas erbynn dha vreusow, a re bewnans dhe'n re a's gwith. Mes i a gildennas an skoedh, ha kaleshe aga hilbenn ha ny obaysons.

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Ysay 48:4

Drefenn my dhe wodhvos dha vos gorth, ha'th konna dhe vos giowenn a horn, ha'th tal dhe vos brest,

Ysay 5:4

Pandr'a allsen gul moy rag ow gwinlann na wrug vy rygdhi? Pan waytis hi dhe wul grappys, prag y hwrug grappys trenk?

Yeremia 11:8

Mes ny woslowsons, na ny blegsons aga skovarn, mes i a gerdhas peub yn gorthter aga thebel golonn: ytho my a dhre warnedha oll geryow an kevambos ma, a worhemmynnis dhedha dh'y wul; mes ny wrussons.

Yeremia 16:12

ha hwi re omdhug gweth ages agas tasow; rag otta, hwi a gerdh peub herwydh gorthter y golonn dhrog, ow nagha goslowes orthiv.

Yeremia 17:23

Mes ny woslowsons, na plegya aga skovarn, mes kaleshe aga hilbenn, ma na glewsons, na degemmeres dyskybleth.

Yeremia 19:15

Yndellma y lever Arloedh an luyow, Duw Ysrael: Otta, my a dhre war an sita ma hag oll hy threvow oll an drogedh re gewsis er hy fynn, drefenn i dhe galeshe aga hilbenn ma na glewvens ow geryow.

Yeremia 22:21

My a gewsis er dha bynn y'th sewena, mes ty a leveris, ‘Ny woslowav.’ Hemma re beu dha fordh a'th yowynkneth, rag ny woslewsys orth ow lev.

Yeremia 25:3

A-dhia drydhegves blydhen Yosia mab Amon myghtern Yuda, bys y'n jydh ma, henn yw an tressa blydhen warn ugens, ger an Arloedh re dheuth dhymm, ha my re gewsis dhywgh yn tiwysyk, mes ny woslewsowgh.

Yeremia 25:7

Mes ny woslewsowgh orthiv, yn-medh an Arloedh, ma'm provoksowgh dhe sorr gans ober agas diwleuv, dh'agas pystik agas honan.

Yeremia 26:5

dhe glewes geryow ow servysi an brofoesi re dhannvenis dhywgh, orth aga dannvon arta hag arta, mes ny woslewsowgh;

Yeremia 29:19

drefenn na glewsons ow geryow, yn-medh an Arloedh, a dhannvenis dhedha gans ow servysi an brofoesi, orth aga dannvon arta hag arta, mes ny woslowsons, yn-medh an Arloedh.

Yeremia 3:13

Mes unnweyth aswonn dha dhrogober, may treuspassys erbynn an Arloedh dha Dhuw, ha may resys dha honan yn hel dhe estrenyon yn-dann bub gwydhenn las, ha ny woslewsowgh orth ow lev, yn-medh an Arloedh.

Yeremia 32:23

hag i a dheuth a-ji ha'y erita. Mes ny woslowsons orth dha lev na kerdhes y'th lagha; ny wrussons travyth a'n pyth oll a worhemmynnsys dhedha. Ytho ty a wrug oll an anfeusi dhe dhos warnedha.

Yeremia 34:14

‘Dhe benn seyth blydhen livrewgh peub y vroder ebrow re beu gwerthys dhis ha'th servya hwegh blydhen; ty a'n liver ahanas.’ Mes ny woslowas agas tasow orthiv, na treylya aga skovarn dhymm.

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Yeremia 35:17

Ytho, yndellma y lever an Arloedh, Duw an luyow, Duw Ysrael: My a dhre war Yuda ha war oll annedhysi Yerusalem pub terroes re leveris er aga fynn; rag my re gewsis dhedha ha ny woslowsons, my re elwis dhedha mes ny worthybsons.’

Yeremia 44:16

‘A-dro dhe'n ger a gewssys dhyn yn hanow an Arloedh, ny woslowyn orthis.

Yeremia 5:3

A Arloedh, a nyns yw dha lagas war an gwirder? ty re's gweskis mes ny wodhevons payn; ty re's diswrug, mes i re naghas degemmeres dyskybleth: i re wrug aga fasow kalessa ages karrek; i re naghas dehweles.

Yeremia 6:10

Piw y kowsav dhodho, ha ri gwarnyans, may klewvons? Otta, aga skovarn yw antrodreghys, ha ny's teves goslowes; otta, ger an Arloedh yw keredh dhedha; ny's teves lowender ynno.

Yeremia 6:17

Ha my a worras goelyadoryon warnowgh, ow leverel, ‘Goslowewgh orth son an hirgorn.’ Mes yn-medhons, ‘Ny vynnyn goslowes.’

Yeremia 7:24

Mes ny woslowsons, na ny blegsons aga skovarn, mes i a gerdhas war-lergh kusulyow ha gorthter aga holonn dhrog, ha mos war-dhelergh yn le war-rag.

Yeremia 9:13

Hag yn-medh an Arloedh: Rag i re forsakyas ow lagha a settis a-ragdha, ha ny vons gostydh dhe'm lev, na kerdhes ynni,

Ezekiel 12:2

Mab den, yth esos trigys yn kres chi diwostydh. Yma dhedha dewlagas dhe weles mes ny welons, yma dhedha diwskovarn dhe glewes mes ny glewons, rag chi diwostydh yns i.

Ezekiel 12:3

Ytho ty, A vab den, pareus ragos dha honan fardellow rag divroedh, hag yn golow dydh, hag i ow mires, ke dhe dhivroedh; ke dhiworth dha dyller dhe dyller arall a-wel dhedha. Y hyll bos, i dhe gonvedhes, kyn fons i chi diwostydh.

Ezekiel 20:30

Rakhenna lavar dhe ji Ysrael, Yndellma y lever an Arloedh Duw: A wrewgh omdhefola agas honan yn fordh agas tasow, ow kul avoutri gans aga thaklow kasadow?

Daniel 9:6

Ny woslowsyn orth dha servysi an brofoesi, neb a gewsi y'th hanow dh'agan myghternedh, dh'agan prynsys ha dh'agan tasow, ha dhe oll an bobel a'n pow.

Hosea 11:7

Ow fobel yw ervirys dhe dreylya ahanav vy. I a elow war-vann, mes ny wra ev aga ughelhe.

Zekaria 7:11

Mes i a skonyas a woslowes; i a dreylyas aga skoedh yn hworth ha stoppya aga skovornow a glewes.

Malaki 3:7

A-dhia dhydhyow agas tasow, hwi a dhibarthas a'm gorhemmynnow, ha ny wrussowgh aga obaya. Dehwelewgh dhymmo vy ha my a dhehwel dhywgh, yn-medh Arloedh an luyow. Hwi a lever, ‘Fatell dhehwelyn?’

Matthew 21:38

Mes an diogyon, pan welsons an mab a leveris an eyl dh'y gila, “Hemm yw an her; dewgh, gwren ni y ladha ha kavoes y ertach!”

Matthew 23:32

Lenwewgh ytho musur kammweyth agas tasow.

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

Dewteronomi 8:20

Kepar ha'n kenedhlow usi an Arloedh orth aga distrui a-ragowgh, yndella y fydhowgh distruys, drefenn na woslewsowgh dhe lev an Arloedh agas Duw.