Yeremia 7:22 - An Bibel Kernewek 20234 (Kernewek Kemmyn)

²² Rag ny gewsis dh'agas tasow, na ny worhemmynnis dhedha y'n jydh ma's dres yn-mes a bow Ejyp, a-dro dhe offrynnow leskys na sakrifisow.

Yeremia 7:22 ပူးပေါင်းရင်းမြစ်များ

Salmow 40:6

Nyns osta hwansek dhe sakrifis hag offrynn; mes ty re igoras ow diwskovarn. Offrynn leskys hag offrynn peghes ny wovynnsys.

Yeremia 32:30

Rag ny wrug mebyon Ysrael ha mebyon Yuda marnas drogedh a-ragov a'ga yowynkneth; rag ny wrug mebyon Ysrael travyth marnas ow frovokya dhe sorr der ober aga diwleuv, yn-medh an Arloedh.

Hosea 6:6

Rag my a hwans tregeredh, a-der sakrifis, ha skians Duw, a-der offrynnow leskys.

Matthew 9:13

Lemmyn ewgh ha dyskewgh styr an lavar ma, Ny vynnav sakrifis, mes tregeredh; rag nyns o'ma devedhys dhe elwel an re wiryon mes peghadoryon.’

Mark 12:33

hag “y gara gans oll an golonn, ha gans oll an skians, ha gans oll an enev, ha gans oll an nerth”, ha “kara y gentrevek kepar hag ev y honan”, hemm yw moy ages oll an offrynnow kowlleskys ha'n sakrifisow.’

Dewteronomi 17:3

ha mos ha servya duwow erell, ha plegya dhe'n dor a-ragdha, po dhe'n howl po dhe'n loer po dhe oll lu an nev, pyth na wrugavy y worhemmynna;

1 Samuel 15:22

Hag yn-medh Samuel, ‘A gyv an Arloedh plesour meurra yn offrynnow leskys ha sakrifisow, ages yn obayans lev an Arloedh? Yn sur, obaya yw gwell ages sakrifia, ha goslowes ages blonek hordhes.