Yeremia 7:18 - An Bibel Kernewek 20234 (Kernewek Kemmyn)

¹⁸ An fleghes a guntell prenn, ha'n tasow a enow an tan, ha'n benynes a does an toes, dhe wul tesennow dhe vyghternes nev; hag i a dhinwa offrynnow diwes dhe dhuwow erell, ma'm provoksons dhe sorr.

Yeremia 7:18 ပူးပေါင်းရင်းမြစ်များ

1 Myghternedh 14:9

mes ty re wrug drog a-ugh oll dha ragresegydhyon; ty re wrug duwow erell ragos, ha delowyow teudh, orth ow frovokya dhe sorr, orth ow thewlel a-dryv dha geyn.

1 Myghternedh 16:2

‘A-ban y'th trehevis yn-mes a'n doust ha gul dhis bos rewler war ow fobel Ysrael, ha ty dhe gerdhes yn fordh Yeroboam, ha gul dhe'm pobel Ysrael pegha, orth ow frovokya dhe sorr gans aga feghow,

Salmow 16:4

Aga galarow a voghha, seul a fysk war-lergh duw arall; ny offrynnav goes aga offrynnow-diwes, ha ny gemmerav aga henwyn y'm diwweus.

Ysay 3:8

Rag Yerusalem re drebuchyas ha Yuda re goedhas, drefenn bos aga thaves ha'ga gwriansow erbynn an Arloedh, ow rebellya erbynn golok y wolewder.

Ysay 57:6

Y'n meyn leven a nans yw dha rann; i, i yw an prenn tewlys ragos. Dhedha i ty re dhinewis offrynn diwes hag offrynna offrynn greun. A vydhav diserrys gans an re ma?

Ysay 65:11

Mes hwi neb a forsak an Arloedh, hag ankevi ow menydh sans, ha pareusi moes rag Fortun ha lenwel bollow a win kemmyskys rag Tenkys;

Ysay 65:3

pobel usi orth ow frovokya dhe sorr dhe'm fas heb hedhi, usi prest ow sakrifia y'n lowarthyow hag ow leski offrynnow war alteryow brykkys;

Yeremia 1:16

Ha my a lever ow breusow er aga fynn drefenn aga sherewynsi; rag i re'm eskasas, ha re loskas offrynnow dhe dhuwow erell, ha gordhya oberow aga diwla aga honan.

Yeremia 11:17

Rag Arloedh an luyow, neb a'th plansas, re gewsis drogedh er dha bynn, rag an drogedh a wrug chi Ysrael ha chi Yuda, orth ow brovokya dhe sorr dre leski offrynnow dhe Baal.

Yeremia 17:2

rag bos aga mebyon ow perthi kov a'ga alteryow ha'ga Asherim ryb an gwydh glas war an breow ughel,

Yeremia 19:13

ha chiow Yerusalem, ha chiow myghternedh Yuda, a vydh defolys kepar ha tyller Tofeth, oll an chiow may losksons offrynnow war aga thohow dhe oll lu nev, ha dinewi offrynnow diwes dhe dhuwow erell.

Yeremia 25:7

Mes ny woslewsowgh orthiv, yn-medh an Arloedh, ma'm provoksowgh dhe sorr gans ober agas diwleuv, dh'agas pystik agas honan.

Yeremia 32:29

An Kaldeanys neb a omladh erbynn an sita ma a dheu ha gorra tan ynni ha'y leski, war-barth gans an chiow may feu offrynnys ynkys dhe Baal war aga thohow hag offrynnow diwes dinewys dhe dhuwow erell dhe'm provokya dhe sorr.

Yeremia 44:25

Yndellma y lever Arloedh an luyow, Duw Ysrael: Hwi ha'gas gwragedh re gewsis gans agas ganow, ha kowlwul gans agas diwleuv, ow leverel, “Ni a gollenow agan ambosow re wrussyn, dhe leski offrynnow dhe vyghternes nev, ha dhe dhinewi offrynnow diwes dhedhi.” Kollenwewgh ytho agas ambosow, ha gwrewgh agas offrynnow diwes!

Yeremia 44:4

Mes my a dhannvonas dhywgh oll ow servysi an brofoesi, orth aga dannvon arta hag arta, ow leverel, ‘My a'gas pys ma na wrellowgh an dra euthyk ma hag yw kasadewder dhymm.’

Yeremia 7:17

A ny welydh an pyth a wrons yn sitys Yuda hag yn stretow Yerusalem?

Kynvannow 5:13

Gwer yowynk yw konstrynys dhe'n melinyow, ha mebyon a drebuch yn-dann veghyow keunys.

Ezekiel 16:26

Ty a wrug fornikasyon gans mebyon Ejyp, dha gentrevogyon bras aga hig, ha ty a lieshas dha fornikasyon, dhe'm provokya dhe sorr.

Ezekiel 20:28

My a's dros dhe'n tiredh may trehevis vy ow leuv ragdho, ow ti dh'y ri dhedha; mes peskweyth may hwelsons menydh ughel pynag po gwydhenn dhelyek pynag, i a wrug aga sakrifisow ena, ha ri ena rohow dhe'm provokya dhe sorr, hag offrynna ena aga sawer plegadow, ha diveri ena aga offrynn diwes.

Ezekiel 8:16

Ena ev a'm dros dhe'n klos a-bervedh a ji an Arloedh; hag otta, orth daras tempel an Arloedh, ynter an yet ha'n alter, yth esa a-dro dhe bymp gour warn ugens, gans aga heynow troha tempel an Arloedh ha'ga fasow troha'n est, owth omblegya dhe'n howl y'n est.

Ezekiel 8:17

Ena yn-medh ev dhymm, ‘A welsys, mab den? Yw ev tra drufel rag chi Yuda, i dhe wul an taklow vil re wrussons omma? Rag i re lenwis an tir a freudh, ha'm serri hwath moy. Ottensi ow korra skorrenn dh'aga throen.

1 Korinthianys 10:22

A wren ni gul dhe'n Arloedh perthi avi? On ni kreffa agesso ev?

Dewteronomi 32:16

I a'n gwrug avius dre dhuwow estren; dre daklow kasadow i a'n sorras.

Dewteronomi 32:21

I a'm gwrug avius dre neppyth nag yw duw, i a'm sorras gans aga idolys koeg; rakhenna my a's gwra avius dre bobel dhistyr, my a wra aga serri dre genedhel gokki.

Dewteronomi 4:19

Ha pan dhrehevydh dha dhewlagas war-tu ha'n ebron ha gweles an howl, ha'n loer, ha'n ster, oll lu an nevow, na vedhewgh kammledys dh'aga gordhya na'ga servya – taklow a wrug an Arloedh dha Dhuw kevrenna dhe oll an poblow yn-dann an ebron dhien.