Yeremia 7:14 - An Bibel Kernewek 20234 (Kernewek Kemmyn)

¹⁴ ytho my a wra dhe'n chi ma, may feu ow hanow gelwys warnodho, ynno may fydhyowgh, ha dhe'n tyller a res dhywgh ha dh'agas tasow, par dell wrug vy dhe Shilo.

Yeremia 7:14 ပူးပေါင်းရင်းမြစ်များ

2 Myghternedh 25:9

Ev a loskas chi an Arloedh, ha chi an myghtern, hag oll chiow Yerusalem; pub chi bras ev a loskas gans tan.

2 Kroniklys 7:21

Ha'n chi ma, lemmyn ughelhes, pubonan a dremena dresto a'n jevydh skruth hag a lever, “Prag y hwrug an Arloedh tra a'n par ma dhe'n tir ma ha dhe'n chi ma?”

Salmow 78:60

Ytho ev a forsakyas an tabernakel yn Shilo, an tylda a worrsa yn mysk mab-den.

Ysay 64:11

Agan chi sans ha gloryus, le may hwre agan tasow dha wormel yw leskys gans tan, hag oll agan tylleryow teg re dheuth ha bos magoryow.

Yeremia 12:7

My re asas ow chi, my re skonyas ow ertach; my re ros karadow ow enev yn leuv hy eskerens.

Yeremia 23:39

rakhenna otta, my a'gas ankev yn tien, ha'gas tewlel dhe-ves dhiworth ow fas, hwi ha'n sita a res dhywgh ha dh'agas tasow.

Yeremia 26:18

‘Mika a Moreseth a brofoesas yn dydhyow Hezekia myghtern Yuda, ha kewsel orth oll pobel Yuda, ow leverel, “Yndellma y lever Arloedh an luyow, Sion a vydh erys avel park, ha Yerusalem a vydh bern a vagoryow, ha menydh an chi avel tylleryow ughel a goeswik.”

Yeremia 26:4

Ty a lever dhedha, Yndellma y lever an Arloedh: Mar ny woslewowgh orthiv, dhe gerdhes yn ow lagha hag a worris a-ragowgh,

Yeremia 7:10

hag ena dos ha sevel a-ragov y'n chi ma, may feu ow hanow gelwys warnodho, ha leverel, ‘Saw on’, mes ow pesya gul an traow kasadow ma?

Yeremia 7:12

Kewgh lemmyn bys y'm tyller esa yn Shilo, le may hwrugavy ow hanow dhe driga yn kynsa, ha gwelewgh an pyth a wrug dhodho drefenn drogedh ow fobel Ysrael.

Yeremia 7:4

Na fydhyewgh yn geryow gow, ow leverel, ‘Hemm yw tempel an Arloedh, tempel an Arloedh, tempel an Arloedh.’

Kynvannow 2:7

An Arloedh re skonyas y alter, ha nagha y sentri; ev re ros yn leuv an eskar fosow hy lysyow; i a dhrehevis tros yn chi an Arloedh kepar dell ve yn dy'goel.

Kynvannow 4:1

Ass yw an owr tewlhes, ass yw treylys an owr pur! Meyn an sentri yw skattrys orth penn pub stret.

Ezekiel 23:31

Ty re gerdhas yn fordh dha hwoer; rakhenna my a re hy hanaf y'th leuv jy.

Ezekiel 24:21

Lavar dhe ji Ysrael, Yndellma y lever an Arloedh Duw: Awottavy ow tisakra ow sentri, goeth agas nerth, desir agas dewlagas, ha delit agas enev. Agas mebyon ha'gas myrghes, a wrussowgh aga gasa, a goedh der an kledha.

Dewteronomi 12:5

Mes hwi a hwila an tyller a wra an Arloedh agas Duw y dhewis dhiworth oll agas loethow, dhe worra y hanow ena rag y drigva; ha ty a dheu di.

Dewteronomi 28:52

Ev a omsett a-dro dhis yn oll dha yetys bys pan goettho dha fosow ughel ha kerys mayth esos ow trestya ynna der oll dha dir; hag ev a omsett a-dro dhis, yn oll dha yetys der oll dha dir, a ros an Arloedh dha Dhuw dhis.