Yeremia 7:12 - An Bibel Kernewek 20234 (Kernewek Kemmyn)

¹² Kewgh lemmyn bys y'm tyller esa yn Shilo, le may hwrugavy ow hanow dhe driga yn kynsa, ha gwelewgh an pyth a wrug dhodho drefenn drogedh ow fobel Ysrael.

Yeremia 7:12 ပူးပေါင်းရင်းမြစ်များ

1 Myghternedh 9:7

ena my a dregh Ysrael dhiworth an tir re res vy dhedha; ha my a dewl yn-mes a'm golok an chi re sakris rag ow hanow; hag Ysrael a vydh henlavar ha parabolenn yn mysk poblow oll.

Yeremia 26:6

ena my a wra an chi avel Shilo ha gul an sita ma bos molleth dhe oll genedhlow an nor.

Yeremia 7:14

ytho my a wra dhe'n chi ma, may feu ow hanow gelwys warnodho, ynno may fydhyowgh, ha dhe'n tyller a res dhywgh ha dh'agas tasow, par dell wrug vy dhe Shilo.

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Dewteronomi 12:5

Mes hwi a hwila an tyller a wra an Arloedh agas Duw y dhewis dhiworth oll agas loethow, dhe worra y hanow ena rag y drigva; ha ty a dheu di.

Yoshua 18:1

Oll kuntelles mebyon Ysrael a omguntellas yn Shilo, ha settya ena tylda an kuntelles. Ha'n tir a veu fethys a-ragdha.

Yoshua 18:10

Yoshua a dewlis prennyer ragdha yn Shilo a-rag an Arloedh; hag ena Yoshua a rannas an tir dhe'n Ysraelysi war-lergh aga rannow.

Breusysi 18:31

Yndella i a dhrehevis ragdha aga honan an imaj re wrussa Mika, hag y feu ena oll an termyn may feu chi Duw yn Shilo.

1 Samuel 1:3

Ha'n gour ma a wre mos yn-bann mes a'y sita blydhen wosa blydhen dhe wordhya ha sakrifia dhe Arloedh an luyow yn Shilo, le mayth esa an dhew vab a Eli, Hofni ha Finehas, oferysi an Arloedh.

1 Samuel 4:22

Yn-medh hi, ‘An glori re dhibarthas a-dhiworth Ysrael, rag argh Duw re beu kemmerys.’