Yeremia 6:4 - An Bibel Kernewek 20234 (Kernewek Kemmyn)

⁴ ‘Pareusewgh bresel er hy fynn; sevewgh, ha deun yn-bann y'n hanter-dydh.’ ‘Go-ni! rag an jydh a dremen, rag skeusow an gorthugher yw ystynnys.’

Yeremia 6:4 ပူးပေါင်းရင်းမြစ်များ

Job 7:2

Kepar ha kethwas neb a'n jeves hwans a skeus, ha kepar hag arvethesik a hwila y wober,

An Gan a Ganow 2:17

Bys pan anello an jydh, ha'n skeusow a vo fiys dhe'n fo, treyl, ow haradow, bydh kepar hag ewik, po karow yowynk, war an menydhyow a spisys.

Yeremia 15:8

Aga gwedhwesow yw ynkressys dhymm moy es tewes an moryow; my re dhros erbynn mammow an wer yowynk diswrier dhe hanter-dydh: my re wrug skruth hag euth dhe goedha distowgh warnedha.

Yeremia 15:9

Hi neb re dhineythis seyth a vydh ydhil: hi re dhyenas; hy howl yw sedhys pan yw hwath dydh; hi re borthas meth ha bismer; ha'n re yw gesys anedha my a dhannvon dhe'n kledha a-rag aga eskerens, yn-medh an Arloedh.

Yeremia 5:10

Kewgh yn-bann dre rewyow hy gwinbrennyer, ha distrui; mes na wra diwedh leun: tennewgh dhe-ves hy barrennow: rag nyns yns i dhe'n Arloedh.

Yeremia 6:23

I a dhalghenn an warak ha'n guw; fell yns, ny's teves truedh; aga lev a romm kepar ha'n mor; i a varghogeth war vergh, arayys rag kas avel gwer bresel er dha bynn, A vyrgh Sion.

Yeremia 8:20

‘An drevas yw tremenys, an hav yw gorfennys, ha nyns on ni sawys.’

Yoel 3:9

Deklaryewgh hemma yn mysk an kenedhlow: pareusewgh rag bresel sans, gwrewgh dhe'n vreselyoryon difuna. Des oll an soudoryon yn-rag, i yn-bann.

Obadia 1:1

Gwelesigeth Obadia. Yndellma y lever an Arloedh Duw a-dro dhe Edom: Ni re glewas nowodhow dhiworth an Arloedh, ha kannas re beu dannvenys yn mysk an kenedhlow: ‘Sevewgh hwi, ha sevyn ni er hy fynn rag an gas.’

Mika 3:5

Yndella yn-medh an Arloedh a-dro dhe'n brofoesi neb a hembronk ow fobel yn sowdhan, neb a gri ‘Kres’ pan y's teves neppyth dhe dhybri, mes i a wra gwerrya orth seul na worr travyth yn aga ganow.

Sefania 2:4

Rag Gaza a vydh forsakys hag Ashkelon difeythtir: tus Ashdod a vydh chasyes dhe-ves dhe hanter-dydh, hag Ekron a vydh diwreydhys.