Yeremia 6:26 - An Bibel Kernewek 20234 (Kernewek Kemmyn)

²⁶ A vyrgh ow fobel, omwrogys yn yskar, hag omrol yn lusu: gwra kyni, avel rag dha unn vab, kynvann a'n hwerwa: rag a-dhistowgh an distruer a dheu warnan.

Yeremia 6:26 ပူးပေါင်းရင်းမြစ်များ

Jenesis 21:16

Ha hi eth hag esedha a-dal dhodho, pell lowr, a-dro dhe denn gwarak, rag hi a leveris, ‘Na as vy dhe weles mernans an flogh.’ Ha hi a esedhas a-dal dhodho, ha drehevel hy lev hag oela.

Job 15:21

Yma sonyow euthyk yn y dhiwskovarn; yn sewena an distruer a dheu warnodho.

Job 2:8

Hag ev a gemmeras darn a briweyth may halla omdhiruska ganso, hag ev a esedhas yn mysk an lusu.

Ysay 22:12

An Arloedh, Duw an luyow, a elwis y'n jydh na rag oelva ha rag kynvann, rag bloghter ha rag omwrogysa gans yskar.

Ysay 22:4

Rakhenna my a leveris, Mirewgh dhe-ves dhiworthiv, my a oel yn hwerow. Na assayewgh ow honfortya drefenn terroes myrgh ow fobel.

Ysay 3:24

Yn le spisys y fydh fler, hag yn le grogys pann y fydh kordenn, yn le gols plethys y fydh bloghter, yn le dillas teg y fydh yskar, ha kreyth leskys yn le tekter.

Ysay 30:13

rakhenna an kammweyth ma a vydh ragowgh avel aswa yn fos ughel parys dhe goedha, deantell, balek, may teu hy thorrva distowgh, a-dhesempis.

Ysay 32:11

Krenewgh, hwi venynes yw attes; skruthewgh, hwi yw fydhyansek; omstryppyewgh ha bedhewgh lomm, grogysewgh agas diwglun gans yskar.

Yeremia 12:12

An dhistruoryon yw devedhys war oll an ugheldiryow moel y'n gwylvos: rag kledha an Arloedh a wra devorya dhiworth an eyl tu a'n tir bys yn y gila: kig vyth ny'n jevydh kres.

Yeremia 13:17

Mes mar ny vynnowgh y glewes, ow enev a wra oela yn tylleryow kevrinek drefenn agas balghder; ha'm lagas a wra oela yn hwerow, ha resek gans dagrow, drefenn flokk an Arloedh dhe vos kemmerys avel kethyon.

Yeremia 14:17

Ytho ty a lever an ger ma dhedha: Diveres ow lagas dagrow yn-nans nos ha dydh, na hedhens: rag an wyrghes, myrgh ow fobel, yw gweskys gans goli meur, gans strekys pur ankensi.

Yeremia 15:8

Aga gwedhwesow yw ynkressys dhymm moy es tewes an moryow; my re dhros erbynn mammow an wer yowynk diswrier dhe hanter-dydh: my re wrug skruth hag euth dhe goedha distowgh warnedha.

Yeremia 18:22

Re bo klewys kri a'ga chiow, pan dhredh bagas a soudoryon warnedha a-dhistowgh: rag i re balasas pytt dhe'm kachya, ha kudha maglennow rag ow threys.

Yeremia 30:5

Rag yndellma y lever an Arloedh: Ni re glewas kri a skruth, own a-der kres.

Yeremia 4:11

Y'n termyn na y fydh leverys dhe'n bobel ma ha dhe Yerusalem: Gwyns toemm a'n ugheldiryow moel y'n gwylvos war-tu ha myrgh ow fobel, mes ny vydh dhe groedra, na dhe lanhe;

Yeremia 4:20

Distruyans a siw distruyans; rag oll an tir yw diswrys: distowgh ow thyldow yw diswrys, ha'm kroglennow yn hwers.

Yeremia 4:8

Rakhenna omwrogysewgh gans yskar, kynewgh hag oulyewgh: ‘Ny dreylyas ahanan sorr fers an Arloedh.’

Yeremia 6:14

I re sawyas goli myrgh ow fobel gans skavder, ow leverel, ‘Kres, kres’, pan nag eus kres.

Yeremia 8:19

Otta, lev kri myrgh ow fobel dre hys ha les an tir: ‘A nyns usi an Arloedh yn Sion? A nyns usi hy myghtern ynni?’ ‘Prag y hwrussons ow frovokya dhe sorr gans aga imajys gravys ha'ga idolys estren koeg?’

Yeremia 8:21

Rag pystik myrgh ow fobel yth ov pystigys; kyni a wrav; euth re'm dalghennas.

Yeremia 9:1

Unnweyth a pe ow fenn dowrow, ha'm dewlagas fenten a dhagrow, mayth oellen dydh ha nos rag an re ledhys a vyrgh ow fobel!

Yeremia 9:10

Rag an menydhyow my a dhalleth oela ha kyni, ha rag peurvaow an gwylvos y hwrav kynvann, rag leskys yns, ma na yll nagonan tremena; na ny yll tus klewes son an gwarthek; hag ydhyn an nev ha'n bestes re fias; gyllys yns.

Kynvannow 1:16

Rag an re ma yth oelav dagrow; ow lagas a dhinwa dowr; rag pell ahanav yw neb a'm konfortyo, ow kul dhe'm enev dasvewa; ow mebyon yw forsakys, rag an eskar re dryghis.

Kynvannow 1:2

Oela a wra hi truan nosweyth, ha'y dagrow war hy diwvogh; Nyns eus dhedhi konforter vyth a'y haroryon oll; Pubonan a'y howetha re's toellas, i re dheuth ha bos hy eskerens.

Kynvannow 2:11

Ow dewlagas a fyllis der oela dagrow; ow holodhyon yw troblys; ow bystel yw diverys war an dor drefenn terroes myrgh ow fobel, drefenn an fleghes ha'n re ow tena dhe glamdera yn plenys an sita.

Kynvannow 3:16

Ev re vrewis ow dyns gans growynn, hag ow maga gans lusu.

Kynvannow 3:48

Goverow a dhowr a dhever yn-nans dhiworth ow lagas drefenn terroes myrgh ow fobel.

Kynvannow 4:10

Diwla benynes truedhek re vrojyas aga fleghes aga honan, gyllys yns i yn boes dhedha yn terroes myrgh ow fobel.

Kynvannow 4:3

Ynwedh owrgeun a ri aga bronn ha gasa aga helyn dhe sugna, mes myrgh ow fobel yw gyllys fell kepar ha strusyow y'n difeythtir.

Kynvannow 4:6

Brassa yw kessydhyans myrgh ow fobel ages an kessydhyans rag pegh Sodom, a veu domhwelys yn unn lamm, kyn na veu leuv vyth gorrys warnedhi.

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.

Yona 3:6

Pan dheuth an ger dhe vyghtern Nineve, ev a sevis a'y se ha diwiska y bows ryel, hag omgwetha gans yskar, hag esedha yn lusu.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Luk 7:12

Ha pan dheuth nes dhe yet an sita, awotta den re varwsa neb eses orth y dhoen yn-mes, an unn vab a'y vamm, ha hi gwedhwes, hag yth esa routh veur a'n sita gensi.

Jamys 4:9

Gwrewgh galari, ha kyni hag oela. Bedhes agas hwarth treylys dhe gynvann, ha'gas lowena dhe dristyns.

Jamys 5:1

Dewgh lemmyn, a dus rych, gwrewgh oela ha kyni war agas galarow ow tos warnowgh.