Yeremia 6:25 - An Bibel Kernewek 20234 (Kernewek Kemmyn)

²⁵ Na ge yn-mes dhe'n gwel; na kerdhes war an fordh; rag yma kledha dhe'n eskar, hag euth a bub tu.’

Yeremia 6:25 ပူးပေါင်းရင်းမြစ်များ

2 Kroniklys 15:5

Y'n termynyow na, ny ylli tus mos yn-mes na dos a-ji yn sawder, drefenn an deray bras esa war oll trigoryon an tiryow.

Job 18:11

Browaghow a'n euthyk war bub tu, ha'y helghya, ow pratha orth y dhewseudhel.

Salmow 31:13

Rag my re glewas kabel lies huni; yth esa euth a bub tu, hag i owth omgusulya war-barth er ow fynn; i a dewlis towl dhe gemmeres ow bewnans.

Ysay 1:20

mes mar skonyowgh ha rebellya, hwi a vydh dybrys gans an kledha; rag ganow an Arloedh re gewsis.

Yeremia 14:18

Mars av yn-rag dhe'n mes, otta an re ledhys gans an kledha! Ha mars av a-ji dhe'n sita, otta an re yw klav gans divoetter. Rag an profoes ha'n oferyas re wandras dhe dir na wodhons.

Yeremia 20:10

Rag my a glewas kabel lies huni: ‘Euth a bub tu! Kuhudh e, gwren y guhudha.’ Yth esa oll ow neskerens ow kwaytya my dhe drebuchya, ow leverel, ‘Martesen ev a vydh dynys, ha ni a wra y fetha, ha tyli agan dial warnodho.’

Yeremia 30:5

Rag yndellma y lever an Arloedh: Ni re glewas kri a skruth, own a-der kres.

Yeremia 4:10

Ena my a leveris, ‘Ogh A Arloedh Duw! Yn sur ty re doellas an bobel ma ha Yerusalem, ow leverel, “Kres a'gas bydh”; mes seulabrys an kledha a dhrehedh bys y'n enev.’

Yeremia 4:5

Derivewgh yn Yuda, ha deklaryewgh yn Yerusalem, ha leverel: Hwythewgh an hirgorn y'n tir; kriewgh yn ughel ha leverewgh, ‘Omguntellewgh, hag entryn y'n sitys kerys!’

Yeremia 46:5

Prag y's gwelis dyegrys ha treylys war-dhelergh? Aga breselyoryon yw gweskys, ha re fias yn fisten, heb mires war-dhelergh; yma euth a bub tu, yn-medh an Arloedh.

Yeremia 49:29

I a gemmer aga thyldow ha'ga flokkys, aga kroglennow hag oll aga gwara; i a gemmer aga hawrvergh dh'aga honan, hag i a gri dhedha: ‘Yma euth a bub tu!’

Yeremia 49:5

Otta, my a dhre euth warnas, yn-medh an Arloedh, Duw an luyow, a-dhiworth oll dha gentrevogyon; ha hwi a vydh skattrys, sket, heb denvyth dhe guntell an fowesigyon.

Yeremia 8:14

Prag yth on esedhys stag? Omguntellewgh, hag entryn y'n sitys kerys, ha merwel ena: rag an Arloedh agan Duw re'gan daskorras dhe'n mernans, ha ri dhyn dowr gwenonek dhe eva, drefenn ni dhe begha erbynn an Arloedh.

Yeremia 8:15

Agan govenek a veu kres, mes nyns esa dader; termyn yeghes, hag otta browagh.

Kynvannow 2:22

Ty a elwis seul a'm broweghi a'm kyrghynn kepar dell ve yn dy'goel; hag yn dydh sorr an Arloedh nyns esa denvyth a skapyas na diank; seul a wrug vy aga dineythi ha maga ow eskar re dhistruis.

Ezekiel 21:17

My ynwedh a dak ow diwleuv war-barth, ha gul dhe'm sorr powes. My an Arloedh re gewsis.

Ezekiel 7:18

I a wisk yskar, ha kren a's kudh. Meth a vydh dhe bub fas, ha moelder war oll aga fennow.

Luk 19:43

Rag an dydhyow a dheu warnas, pan dhrehav dha eskerens tommenn er dha bynn hag i a omsett a-dro dhis ha'th stroetha a bub tu;