Yeremia 6:23 - An Bibel Kernewek 20234 (Kernewek Kemmyn)

²³ I a dhalghenn an warak ha'n guw; fell yns, ny's teves truedh; aga lev a romm kepar ha'n mor; i a varghogeth war vergh, arayys rag kas avel gwer bresel er dha bynn, A vyrgh Sion.

Yeremia 6:23 ပူးပေါင်းရင်းမြစ်များ

Ysay 13:18

Aga gwaregow a vrew gwer yowynk; ny gemmerons truedh a frut an brys; ny vir aga lagas gans piteth war fleghes.

Yeremia 50:42

I a syns an warak ha'n guw, i yw fell ha ny dhiskwedhons truedh. Aga lev a romm avel an mor; i a varghogeth war vergh, settys yn aray avel gour rag batel, er dha bynn, A vyrgh Babylon!

Yeremia 30:14

Oll dha garoryon re'th ankovas; ny'th hwilons rag my re'th holyas gans goli eskar, gans keredh a dhen fell, drefenn bos meur dha anewnder, drefenn dha beghosow dhe ynkressya.

Yeremia 5:16

Aga goen-sethow yw avel bedh igor, kasoryon alloesek yns pub huni.

Yeremia 4:29

An sita oll a wra fia rag tros an varghogyon ha'n sethoryon; i a wra mos y'n kaswydh, hag yskynna war an kerrek: pub sita a vydh eskesys, ha ny wra triga denvyth ynna

Yeremia 4:13

Otta, ev a yskynn avel kommol, ha'y jarettow a vydh avel korwyns: y vergh yw uskissa ages eryon. Go-ni! rag diswrys on ni.

Ysay 19:4

My a dhelirv Ejyp yn leuv arlydhi fell; myghtern fers a's rewl, yn-medh an Arloedh, Arloedh an luyow.

Dewteronomi 28:49

An Arloedh a dhrehav er dha bynn kenedhel a bellder, dhiworth penn an norvys, mar skav dell nij an er yn-nans, kenedhel ma na gonvedhydh hy thaves,

Ysay 10:32

Poran an jydh ma ev a worta yn Nob ha shakya y dhorn erbynn menydh myrgh Sion, erbynn brenn Yerusalem.

Ysay 17:12

Ogh tru, an tervans a lies pobel, ow terva kepar ha tervans an moryow; ha tarennans poblow kepar ha tarennans dowrow krev!

Yeremia 6:4

‘Pareusewgh bresel er hy fynn; sevewgh, ha deun yn-bann y'n hanter-dydh.’ ‘Go-ni! rag an jydh a dremen, rag skeusow an gorthugher yw ystynnys.’

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Ezekiel 21:31

My a dhinwa ow sorrvann warnas; gans tan ow honnar y hwithav warnas. My a'gas re yn leuv gwer vilus, skentel yn distruyans.

Yeremia 4:16

Menegewgh dhe'n kenedhlow, ‘Ottava’; dyllewgh erbynn Yerusalem, ‘Yma eskerens ow tos a bow pell, hag i a lev erbynn sitys Yuda.

Yeremia 8:16

Ronkow aga mergh a veu klewys a-dhiworth Dan: orth son kryghias aga mergh krev an tir kowal a grenas; i re dheuth ha gwastya an tir, ha pup-tra eus ynno: an sita ha'n re usi trigys ynni.

Yeremia 25:32

Yndellma y lever Arloedh an luyow: Otta, drogedh a yn-rag a genedhel dhe genedhel, ha korwyns meur a vydh difunys a bella rannow an nor.

Yeremia 50:41

Otta, yma pobel ow tos a'n gogledh; kenedhel veur ha lies myghtern a dhrehav a-dhiworth pella rannow an nor.