Yeremia 6:20 - An Bibel Kernewek 20234 (Kernewek Kemmyn)

²⁰ Pandr'a amont dhymm frankynkys a-dhiworth Sheba, ha'n kalamus drudh a bow pell? Nyns yw agas offrynnow leskys kemmeradow, na nyns yw agas sakrifisow hweg plegadow dhymm.

Yeremia 6:20 ပူးပေါင်းရင်းမြစ်များ

2 Samuel 15:12

Pan esa Absalom owth offrynna sakrifisow, ev a dhannvonas war-lergh Ahithofel an Gilonyas, kusulyer Davydh, dhiworth y sita Gilo. Ha'n bras o krev; rag an bobel a gressyas prest gans Absalom.

1 Myghternedh 10:10

Ena hi a ros dhe'n myghtern hwegh-ugens talent a owr, myns meur a spisyow, ha gemmweyth drudh; bythkweth arta ny dheuth an spisyow yn kemmys palster ages an pyth a ros myghternes Sheba dhe vyghtern Solomon.

Salmow 40:6

Nyns osta hwansek dhe sakrifis hag offrynn; mes ty re igoras ow diwskovarn. Offrynn leskys hag offrynn peghes ny wovynnsys.

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Eksodus 30:23

Kemmer dhis an gwella spisyow: a lin myrr pymp kans shekel, hag a sinnamon hweg y vlas hanter an myns, henn yw dew kans ha hanter-kans, hag a galamus hweg y sawer dew kans ha hanter-kans,

Lavarow Koth 15:8

Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Lavarow Koth 21:27

Sakrifis an debeles yw tra gasadow; kemmys moy pan y'n dro gans tebel borpos.

Ysay 1:11

Pandra yw dhymm sakrifisow pals? yn-medh an Arloedh. Gwalghys ov a offrynnow leskys a hordhes ha blonek lodhnow peskys. Nyns eus dhymm delit yn goes terewi, nag eyn gorow, na gever.

Ysay 60:6

Bush bras a gowrvergh a'th kudh, kowrvergh yowynk dhiworth Midyan hag Efa; i oll a dheu dhiworth Sheba; owr ha frankynkys a dhegons, ha disklerya gormola an Arloedh.

Ysay 66:3

Ladher ojyon yw kepar ha ladher gour; neb a sakrifi davas yw avello ev neb a derr konna ki; neb a dhrehav offrynn greun yw avello ev neb a offrynn goes hogh; neb a offrynn rann kovadh a frankynkys yw avello ev neb a vennik idol. I re dhewisas aga fordhow, hag yn aga thaklow kasadow aga enev y'n jeves delit.

Yeremia 14:10

Yndellma y lever an Arloedh dh'y bobel: Yn hwir i re garas gwandra, ny fronnsons aga threys, yndella ny's degemmer an Arloedh; lemmyn ev a wra perthi kov a'ga drogoberow, ha kessydhya aga feghosow.

Yeremia 14:12

Pan wrons penys, ny glewav aga kri; ha pan offrons offrynn leskys hag offrynn greun, ny's degemmerav: mes my a's distru der an kledha, ha gans an divoetter, ha gans an pla.

Ezekiel 20:39

Ha hwi, chi Ysrael, yndellma y lever an Arloedh Duw: Kewgh, servyowgh agas idolys, hwi oll. A-wosa hwi a woslow dhymm yn sur, ha ny dhisakrowgh ow hanow sans arta gans agas rohow ha gans agas idolys.

Ezekiel 27:22

Marchons a Sheba ha Raama o dha varchons; an gwella spisyow hag oll meyn drudh hag owr a rens yn keschanj rag dha wara.

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Hosea 9:4

Ny dhiverons offrynnow gwin dhe'n Arloedh, ha ny vydh aga sakrifisow plegadow dhodho. Y fydh dhedha avel bara kynvann, peub neb a'n deber a vydh avlan: aga bara yw ragdha aga honan; ny dheu yn chi an Arloedh.

Malaki 1:10

Piw yn agas mysk a wra degea darasow an tempel, ma na enowowgh ow alter yn euver? Nyns ov vy pes da ahanowgh hwi, yn-medh Arloedh an luyow. Ny dhegemmerav offrynn a'gas diwleuv.