Yeremia 6:17 - An Bibel Kernewek 20234 (Kernewek Kemmyn)

¹⁷ Ha my a worras goelyadoryon warnowgh, ow leverel, ‘Goslowewgh orth son an hirgorn.’ Mes yn-medhons, ‘Ny vynnyn goslowes.’

Yeremia 6:17 ပူးပေါင်းရင်းမြစ်များ

Ysay 21:11

Profoesans a-dro dhe Duma. Nebonan a elow dhymm dhiworth Seir, ‘Goelyador, pandr'yw gesys a'n nos? Goelyador, pandr'yw gesys a'n nos?’

Ysay 56:10

Y woelyadoryon yw dall, i oll yw heb godhvos; i oll yw keun avlavar na yllons hartha, owth hunrosa, ow krowedha, ow kara koska.

Ysay 58:1

Garm yn ughel, na fronn. Drehav dha lev avel hirgorn, ha deriv dhe'm pobel aga hammweyth, ha dhe ji Yakob aga feghosow.

Ysay 62:6

War dha fosow, A Yerusalem, my re settyas goelyadoryon; oll an jydh hag oll an nos nevra ny dewons. Hwi neb a with an Arloedh yn kov na vedhes taw dhywgh,

Yeremia 18:12

Hag i a leveris, ‘Nyns eus govenek: ni a hol agan towlow agan honan, ha pub huni a wra herwydh gorthter y golonn dhrog.’

Yeremia 25:4

Ha kyn tannvonas an Arloedh dhywgh oll y servysi an brofoesi, orth aga dannvon arta hag arta, ny woslewsowgh na ny blegsowgh agas skovarn dhe glewes.

Yeremia 6:18

Rakhenna klewewgh, hwi genedhlow, ha godhvydhewgh, A guntelles, pandr'a hwyrvydh dhedha.

Yeremia 7:28

Ty a lever dhedha, Homm yw an genedhel na veu gostydh dhe lev an Arloedh aga Duw, na ny dhegemmeras dyskybleth; gwirder res eth dhe goll, ha treghys yw a-dhiworth aga ganow.

Yeremia 8:5

Ytho prag y hwrug an bobel ma, Yerusalem, treylya yn kildennans pup-prys? I a syns fast dhe doell, i a nagh dehweles.

Ezekiel 3:7

Mes chi Ysrael ny vynn goslowes orthis, rag ny vynnons goslowes orthiv vy, drefenn oll chi Ysrael dhe vos penn-kales ha gorth a golonn.

Hosea 8:1

Gorr hirgorn dhe'th hanow; ev a varges avel er a-ugh chi an Arloedh, rag i dhe derri ow hevambos, ha rebellya erbynn ow lagha.

Habakkuk 2:1

Sevel a wrav war ow savla-gwitha hag omsettya war ow thour-goelyas ow mires dhe weles an pyth a vynn ev leverel dhymm, ha'n pyth a worthybav dhe'm krodhvol.

Zekaria 1:4

Na vedhewgh haval dh'agas tasow, a grias an brofoesi dhedha a-henys, ow leverel, ‘Yndellma y lever an Arloedh: Treylyewgh a'gas tebel fordhow ha'gas tebel oberow.’ Mes ny woslowsons na'm attendya, yn-medh an Arloedh.

Zekaria 7:11

Mes i a skonyas a woslowes; i a dreylyas aga skoedh yn hworth ha stoppya aga skovornow a glewes.

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.