Yeremia 6:16 - An Bibel Kernewek 20234 (Kernewek Kemmyn)

¹⁶ Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Yeremia 6:16 ပူးပေါင်းရင်းမြစ်များ

1 Myghternedh 8:36

ena klew yn nev, ha gav pegh dha wesyon, dha bobel Ysrael, pan dhyskydh dhedha an fordh dha dhe gerdhes ynni; ha dannvon glaw war dha dir, a resys dhe'th pobel avel eretons.

2 Kroniklys 19:11

Amaria an arghoferyas, yma ev warnowgh yn oll an traow a doch an Arloedh; ha Zebadia mab Yshmael, pennsevik chi Yuda, yn oll antraow a doch an myghtern; ha'n Levysi yw agas soedhogyon. Bedhewgh krev ha hardh, ha re bo an Arloedh gans an re 'vas!’

Salmow 116:7

Dehwel dhe'th powesva, ow enev, rag an Arloedh re beu da orthis.

Ysay 2:5

Chi Yakob, dewgh, kerdhyn ni yn golow an Arloedh.

Ysay 28:12

dhedha may leveris ‘Homm yw an bowesva, gwrewgh an den skwith dhe bowes, ha hemm yw tyller diskwitha’, mes ny vynnens klewes.

Ysay 30:21

Dha dhiwskovarn a glew ger a-dryv dhis, ow leverel, ‘Hemm yw an fordh, kerdhewgh ynni’, pan dreylyowgh dhe'n dyghow, po pan dreylyowgh dhe'n kledh.

Ysay 46:9

Perthewgh kov a'n taklow koth a henys; rag my yw Duw, ha nyns eus ken; my yw Duw, ha nyns eus onan haval dhymm,

Ysay 57:2

Ev a enter bys yn kres. I a bowes war aga gweliow, ow kerdhes yn kompes.

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Yeremia 12:16

Hag ena, mar tyskons yn tiwysyk fordhow ow fobel, dhe di ren ow hanow, ‘Dell vew an Arloedh’ par dell dhysksons ow fobel dhe di re Baal; ena i a vydh drehevys yn mysk ow fobel.

Yeremia 18:12

Hag i a leveris, ‘Nyns eus govenek: ni a hol agan towlow agan honan, ha pub huni a wra herwydh gorthter y golonn dhrog.’

Yeremia 18:15

Mes ow fobel re'm ankovas, i a lesk offrynnow dhe dhuwow koeg neb a wrug dhedha trebuchya yn aga fordhow, y'n hynsyow koth, dhe gerdhes yn hynsyow nag yns drehevys yn-bann,

Yeremia 2:25

Gwith dha droes rag bos dieskis, ha'th vryansenn rag syghes: mes ty a leveris, ‘Nyns eus govenek, rag my re garas estrenyon, ha war aga lergh yth av.’

Yeremia 22:21

My a gewsis er dha bynn y'th sewena, mes ty a leveris, ‘Ny woslowav.’ Hemma re beu dha fordh a'th yowynkneth, rag ny woslewsys orth ow lev.

Yeremia 31:21

Drehav arwoedhyow-fordh, gwra dhis postow kevarwoedh; gorr dha golonn troha'n fordh-veur, an fordh mayth ythys. Treyl arta, A wyrghes Ysrael, treyl arta dhe'n sitys ma usi dhis.

Yeremia 42:3

may hwrello an Arloedh dha Dhuw diskwedhes dhyn an fordh may kerdhyn ynni ha'n pyth a wren.’

Yeremia 44:16

‘A-dro dhe'n ger a gewssys dhyn yn hanow an Arloedh, ny woslowyn orthis.

Yeremia 50:5

I a wovynn an fordh dhe Sion ha'ga fasow treylys war-tu hag ev, hag i a dheu ow leverel, ‘Dewgh ha glena agan honan dhe'n Arloedh gans kevambos bys vykken, na vydh ankevys.’

Yeremia 7:23

Mes an dra ma a worhemmynnis dhedha, ow leverel, ‘Bedhewgh gostydh dhe'm lev, ha my a vydh agas Duw, ha hwi a vydh ow fobel; ha kerdhewgh yn oll an fordhow may hworhemmynnis dhywgh, may fo yn ta genowgh.’

Yeremia 7:24

Mes ny woslowsons, na ny blegsons aga skovarn, mes i a gerdhas war-lergh kusulyow ha gorthter aga holonn dhrog, ha mos war-dhelergh yn le war-rag.

Yeremia 7:3

Yndellma y lever Arloedh an luyow, Duw Ysrael: Gwellhewgh agas fordhow ha'gas gwriansow, ha my a wra dhywgh triga y'n tyller ma.

Malaki 4:4

Perthewgh kov a lagha ow gwas Moyses, an ordenansow ha'n breusow a erghis vy dhodho war Horeb rag oll Ysrael.

Luk 16:29

Abraham a leveris, “Yma dhedha Moyses ha'n brofoesi; gwrens i goslowes orta i.”

Yowann 12:35

Ena Yesu a leveris dhedha, ‘Hwath pols byghan yma an golow genowgh. Kerdhewgh hedre vo genowgh an golow, ma na wrello tewlder agas dalghenna. Neb a gerdh y'n tewlder ny woer ple'th a.

Yowann 13:17

Mar konvedhowgh an taklow ma, gwynn agas bys mara's gwrewgh.

Yowann 5:39

‘Hwi a hwila an skryptors, rag ynna y tybowgh hwi dhe gavoes bewnans heb diwedh. Hag i aga honan yw an re a dheg dustuni ahanav;

Oberow 17:11

ha'n dus ma o gwell yn aga gnas ages an re na yn Thessalonika, rag i a dhegemmeras an ger gans mall meur, ow hwithra an skryptors pub dydh, dhe weles mar pe gwir an taklow ma.

Romanyon 4:12

Hag yndella ev yw tas an re trodreghys, an re nag yns unnsel trodreghys, mes ynwedh ymons ow kerdhes yn olow fydh agan tas ni Abraham kyns ev dhe vos trodreghys.

Dewteronomi 32:7

Porth kov a'n dydhyow koth prederewgh an blydhynyow a lies henedh: govynn orth dha das hag ev a'n deriv dhis, orth dha henavogyon hag i a'n lever dhis.

Kolossianys 2:6

Rakhenna, dell dhegemmersowgh Krist Yesu an Arloedh, gwrewgh kerdhes ynno,

Ebrowyon 11:2

Rag dredho y kavas an henavogyon dustuni da.

Ebrowyon 6:12

ma na vowgh syger mes holyoryon an re a erit, dre fydh ha perthyans, an ambosow.

Breusysi 2:17

Mes hwath ny woslowens orth aga breusysi, mes yth esens ow horya war-lergh duwow erell ha plegya dhedha; i a dreylya yn skon a-dhiworth an fordh may kerdhi aga thasow, neb re beu gostydh dhe worhemmynnow an Arloedh, ha ny wrens yndella.