Yeremia 6:15 - An Bibel Kernewek 20234 (Kernewek Kemmyn)

¹⁵ Esa meth dhedha pan wrussons pyth kasadow? Na, ny's teva meth vytholl, na ny's teva rudha: rakhenna i a wra koedha yn mysk an re a goedh: y'n termyn ma's kessydhyav i a vydh domhwelys, yn-medh an Arloedh.

Yeremia 6:15 ပူးပေါင်းရင်းမြစ်များ

Jenesis 19:34

Ha ternos y hwarva an kynsa-genys dhe leverel dhe'n yowynka, ‘Awotta, my a wrowedhas de gans ow thas. Gwren ni gul dhodho eva gwin haneth ynwedh, ha ke tejy dhe wrowedha ganso, may hyllyn gwitha has der agan tas.’

Eksodus 32:34

Mes lemmyn, ke, hembronk an bobel dhe'n tyller a gewsis dhis anodho; otta, ow el a wra mos a-ragos. Byttegyns, an jydh may tyffiv, my a wra aga hessydhya a'ga fegh.’

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Ysay 10:4

ma na blattyowgh yn mysk an brisnoryon, na koedha yn mysk an re ledhys? Yn despit dhe oll hemma ny dreylyas y sorr, ha'y leuv yw hwath ystynnys.

Ysay 3:9

Semlans aga fas a worthyp er aga fynn ha disklerya aga fegh avel Sodom; ny's kudhons. Go-i aga enevow! rag i re dhros drog warnedha aga honan.

Yeremia 14:15

Ytho yndellma y lever an Arloedh a-dro dhe'n brofoesi a brofoes y'm hanow vy, kyn na's dannvenis, mes hwath i a lever, ‘Ny vydh kledha na divoetter y'n tir ma’: Dre gledha ha divoetter y fydh distruys an brofoesi na.

Yeremia 18:23

Byttegyns, Arloedh, ty a woer oll aga husul er ow fynn dhe'm ladha. Na av aga hammweyth, na dilea aga fegh a'th wolok, mes gas i dhe vos domhwelys a-ragos. Gwra aga dyghtya yn termyn dha sorr.

Yeremia 23:12

Ytho aga fordh a vydh avel hynsyow slynk y'n tewlder, may fydhons herdhys ynna ha koedha: rag my a dhre drogedh warnedha yn blydhen aga hessydhyans, yn-medh an Arloedh.

Yeremia 3:3

Rakhenna an kowasow re beu skonys, ha ny dheuth an glaw diwedhes; ha ty a'th o tal hora, ty a naghas kemmeres meth.

Yeremia 44:10

Ny's teva edrek, na ny borthsons own, na ny gerdhsons y'm lagha ha'm ordenansow a worris a-ragowgh hag a-rag agas tasow.

Yeremia 5:29

A ny wrav aga hessydhya drefenn an traow ma? yn-medh an Arloedh, a ny vydh ow enev diellys war genedhel a'n par ma?

Yeremia 5:9

A ny wrav aga hessydhya drefenn an traow ma? yn-medh an Arloedh: hag a ny vydh ow enev diellys war genedhel a'n par ma?

Yeremia 8:12

Esa meth dhedha pan wrussons pyth kasadow? Na, ny's tevo meth vytholl, na ny's tevo rudha. Ytho i a wra koedha yn mysk an re a goedh: yn termyn aga hessydhyans i a vydh domhwelys, yn-medh an Arloedh.

Yeremia 8:9

Yma meth dhe'n dus fur, dyegrys yns ha kechys: otta, i re naghas ger an Arloedh, ha pana furneth eus dhedha?

Ezekiel 13:14

My a derr an fos a wynngalghsowgh, ha my a's tewl dhe'n dor, may fo hy selyow diskudhys. Pan goedh, hwi a vydh distruys a-ji dhedhi. Ena hwi a woer my dhe vos an Arloedh.

Ezekiel 2:4

Mebyon penn-kales yns i ha gorth aga holonn; yth esov orth dha dhannvon dhedha. Lavar dhedha, ‘Yndellma y lever an Arloedh Duw.’

Ezekiel 24:7

Rag yma an goes a skoellyas a-berth ynni; hi a'n dinewis war garrek lomm; ny'n diveris war an dor dh'y gudha gans doust.

Hosea 4:5

Ty a drebuch dydhweyth, an profoes ynwedh a drebuch nosweyth, ha my a dhistru dha vamm.

Hosea 9:7

Dydhyow an kessydhyans re dheuth, dydhyow an dial re dheuth. Ysrael a'n godhvydh. An profoes yw boba, an gour spyrysel yw muskok, drefenn dha lies kammhynseth, ha'n kas meur.

Mika 3:6

Rakhenna, y fydh nos dhywgh, heb gwelesigeth, ha tewlder dhywgh, heb dewinieth. An howl a wra sedhi war an brofoesi, ha'n jydh a vydh du a-ughta;

Mika 7:4

An gwella anedha yw haval dhe spedhasenn, an moyha ewnhynsek haval dhe ge dren. Dydh dha woelyoryon ha'th kessydhyans yw devedhys: yma aga deray ow tegynsiwa.

Sefania 2:1

Omguntellewgh war-barth, omguntellewgh, a genedhel dhiveth;

Sefania 3:5

An Arloedh yw gwiryon a-berth ynni; ny wra ev sherewneth: myttin wosa myttin ev a re y vreus, pub bora ny fyll ev; mes ny woer an drogoberer meth.

Zekaria 13:4

Y'n jydh na, pub profoes a vydh methek a'y welesigeth, pan wra ev profoesa. Ny wisk mantell blew rag may toello.

Matthew 15:14

Gesewgh i dhe vos; hembrenkysi dhall yns i a dus dhall. Mar kwra den dall hembronk den dall, i aga dew a goedh yn kleudh.’

Filippianys 3:19

Aga diwedh yw diswrians, aga duw yw an dorr, hag yma aga glori yn aga meth, gorrys aga brys war daklow an dor.