Yeremia 6:13 - An Bibel Kernewek 20234 (Kernewek Kemmyn)

¹³ Rag a'n lyha anedha bys y'n meurra pubonan yw hwansek dhe wayn anewn; hag a'n profoes bys y'n oferyas pubonan a wra falsuri.

Yeremia 6:13 ပူးပေါင်းရင်းမြစ်များ

Ysay 28:7

An re ma ynwedh a drebuch dre win, ha sowdhanas dre gorev; oferyas ha profoes a drebuch dre gorev, ha sowdhanas dre win, i a sowdhan dre gorev; i a drebuch yn gwelesigeth, ha gwandra yn ervirans.

Ysay 57:17

My a sorras orth anewnder y govaytis; my a'n gweskis, my a gudhas ow fas hag a veu serrys; mes ev a gerdhi dislen yn fordh y golonn y honan.

Yeremia 14:18

Mars av yn-rag dhe'n mes, otta an re ledhys gans an kledha! Ha mars av a-ji dhe'n sita, otta an re yw klav gans divoetter. Rag an profoes ha'n oferyas re wandras dhe dir na wodhons.

Yeremia 17:11

Dell esedh an rugyar, heb gori; yndellma yw an re a wayn golusogneth, heb ewnder; yn hanter y dhydhyow hi a'n gas, hag yn y dhiwedh ev a vydh foll.

Yeremia 2:26

Dell vydh meth dhe'n ladher pan vydh kevys, yndellma y fydh meth dhe ji Ysrael: i, aga ruwyon, aga fennsevigyon, ha'ga oferysi, ha'ga frofoesi;

Yeremia 2:29

Prag y krodhvolowgh warnav? Hwi oll re dreuspassyas er ow fynn, yn-medh an Arloedh.

Yeremia 2:8

Ny leveris an oferysi, ‘Ple ma an Arloedh?’ Ha ny'm aswonni an re a dhyght an lagha: an vugeledh ynwedh a dreuspassyas er ow fynn, ha'n brofoesi a brofoesas yn hanow Baal, ha kerdhes war-lergh taklow nag yw dhe les.

Yeremia 22:17

Mes nyns yw dha dhewlagas ha'th kolonn marnas rag gwayn anewn, ha rag skoellya goes gwiryon, ha rag gul arwask ha freudh.

Yeremia 23:10

Rag an tir yw leun a avoutroryon; drefenn an molleth an tir a dhesygh, ha peurvaow an difeythtir yw krinys. Aga hyns yw drog, ha'ga nerth nyns yw ewn.

Yeremia 23:11

Rag ha profoes hag oferyas yw ansans; hwath yn ow chi my re gavas aga drogedh, yn-medh an Arloedh.

Yeremia 27:15

Rag ny's dannvenis, yn-medh an Arloedh, mes i a brofoes gow y'm hanow, ma'gas fesyav yn-mes hag yth ewgh dhe goll, hwi ha'n brofoesi a brofoes dhywgh.

Yeremia 32:32

drefenn oll drogedh fleghes Ysrael ha fleghes Yuda, a wrussons dhe'm provokya dhe sorr, i, aga fennsevigyon, aga oferysi, ha'ga frofoesi, ha gwer Yuda, hag annedhysi Yerusalem.

Yeremia 42:1

Ena oll pennsevigyon an luyow, ha Yohanan mab Kareagh ha Yezania mab Hoshaia, hag oll an bobel a'n lyha dhe'n meurra a dheuth nes

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Yeremia 8:10

Ytho my a re aga gwragedh dhe re erell ha'ga farkow dhe'n re a's erit: rag pubonan a'n lyha dhe'n moyha yw kemmerys gans krefni; a'n profoes bys y'n oferyas pubonan a dhyght yn fals.

Kynvannow 4:13

Y feu rag pegh hy frofoesi, drefenn kammwriansow hy oferysi hag a skoell goes an dus wiryon a-berth ynni.

Ezekiel 22:12

Ynnos i re gemmeras falswober dhe skoellya goes; ty re gemmeras oker ha goroker, ha kemmeres gwayn dhiworth dha gentrevek der arwask, ha ty re'm ankevsys, yn-medh an Arloedh Duw.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Mika 3:5

Yndella yn-medh an Arloedh a-dro dhe'n brofoesi neb a hembronk ow fobel yn sowdhan, neb a gri ‘Kres’ pan y's teves neppyth dhe dhybri, mes i a wra gwerrya orth seul na worr travyth yn aga ganow.

Luk 16:14

Ha'n Fariseow, karoryon mona, a glewo oll an taklow ma ha skornya ganso.

1 Timothi 3:3

heb eva re nag omdhal, mes klor, ha digavyllek, heb kara mona;

2 Peder 2:1

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.