Yeremia 6:11 - An Bibel Kernewek 20234 (Kernewek Kemmyn)

¹¹ Ytho leun ov vy a gonnar an Arloedh; skwith ov vy owth omfronna. Gwra hy dinewi war an fleghes y'n stret, ha war guntelles an wer yowynk maga ta: rag hwath an gour gans an wreg a vydh maglennys, an henavek ha'n den leun a dhydhyow.

Yeremia 6:11 ပူးပေါင်းရင်းမြစ်များ

Ysay 40:30

Bys y'n re yowynk yth or klamderek ha skwithys, ha gwer yowynk fest a drebuch;

Yeremia 15:17

Ny esedhis yn kuntelles an re a wra ges, na ny lowenhis; my a esedhas ow honan drefenn dha leuv: rag ty a'm lenwis a sorrvann.

Yeremia 15:6

Ty re'm denaghas, yn-medh an Arloedh, ty yw gyllys war-dhelergh: ytho my a ystynn ow leuv er dha bynn, ha'th tistrui; skwith ov ow koedha yn edrek.

Yeremia 18:21

Ytho ro aga fleghes dhe'n divoetter, ha'ga delivra dhe nerth an kledha; ha re wrello aga gwragedh kelli aga fleghes, ha'ga gwer bos gorrys dhe'n mernans; ha'ga gwer yowynk ledhys gans an kledha yn batel.

Yeremia 20:9

Ena my a leveris, ‘Ny'n kampoellav, na kewsel namoy yn y hanow.’ Mes ynnov yma neppyth haval dhe dan ow leski deges y'm eskern, ha skwith ov owth omfronna, ha ny allav y berthi.

Yeremia 5:9

A ny wrav aga hessydhya drefenn an traow ma? yn-medh an Arloedh: hag a ny vydh ow enev diellys war genedhel a'n par ma?

Yeremia 7:20

Ytho yndellma y lever an Arloedh Duw: Otta, ow sorr ha'm konnar a vydh dinewys war an tyller ma, war dhen ha vest, ha war wydh an mes, ha war frut an dor; ha leski a wra, ha ny vydh difeudhys.

Yeremia 9:20

Ytho klewewgh ger an Arloedh, hwi venynes, ha gwres agas skovarn degemmeres an ger a'y anow, ha dyskewgh kynvann dh'agas myrghes, ha peub dh'y hentrevek galargan:

Yeremia 9:21

‘Ankow re dheuth yn-bann dh'agan fenestri, hag entra yn agan lysyow, dhe dreghi an fleghes dhiworth an stretys, ha'n wer yowynk dhiworth an plenys.’

Kynvannow 1:15

An Arloedh re dewlis diwdhorn dhe-ves oll ow thus krev y'm mysk; ev a guntellas lu er ow fynn rag brewi flour ow gwer yowynk; an Arloedh re drettyas kepar hag yn gwinwask war an wyrghes, myrgh Yuda.

Kynvannow 2:21

Yma tus yowynk ha tus koth a'ga growedh y'n stretys; ow morenyon ha'm gwer yowynk re goedhas der an kledha; tyb re's ladhas yn dydh dha sorr; ty re ladhas heb truedh.

Ezekiel 24:21

Lavar dhe ji Ysrael, Yndellma y lever an Arloedh Duw: Awottavy ow tisakra ow sentri, goeth agas nerth, desir agas dewlagas, ha delit agas enev. Agas mebyon ha'gas myrghes, a wrussowgh aga gasa, a goedh der an kledha.

Ezekiel 3:14

Ena an spyrys a'm drehevis hag a'm kemmeras, ha gyllys veuv yn hwerowder, yn sorr ow spyrys, ha leuv an Arloedh o krev warnav.

Ezekiel 3:3

Hag yn-medh ev dhymm, A vab den, gwra dhe'th torr dybri, ha lanw dha groth a'n rol-skrifa ma esov ow ri dhis. Ytho my a's dybris hag y feu y'm ganow maga hweg avel an mel.

Ezekiel 9:6

Ledhewgh henavek, den yowynk, ha gwyrghes, ha flogh, ha benynes; mes pub gour may ma an merk warnodho na dhewgh nes dhodho. Dallethewgh dhiworth ow sentri.’ Ytho i a dhallathas gans an henavogyon esa a-rag an chi.

Mika 3:8

Saw my, lenwys a alloes ov vy, a spyrys an Arloedh, a wirvreus ha nerth, rag disklerya dhe Yakob y gammweythres ha dhe Ysrael y beghadow.

Luk 17:34

My a lever dhywgh, an nos na y fydh dewdhen yn unn gweli: an eyl a vydh kemmerys, y gila a vydh gesys.

Oberow 17:16

Hag yn Athenys, ha Powl orth aga gortos, grevys veu y spyrys ynno pan welas an sita leun a idolys.

Oberow 18:5

Ha pan dheuth Silas ha Timothi yn-nans a Makedonia, Powl a omri moy ha moy dhe'n ger, ow toen dustuni dhe'n Yedhewon bos Yesu an Krist.

Oberow 4:20

rag ny yllyn ni omwitha rag kewsel a-dro dhe'n taklow re welsyn ha klewes.’

Diskwedhyans 16:1

Ha my a glewas lev ughel yn-mes a'n tempel ow leverel dhe'n seyth el, ‘Kewgh dhe skoellya an fiolyow a'n sorr a Dhuw war an dor.’