Yeremia 6:10 - An Bibel Kernewek 20234 (Kernewek Kemmyn)

¹⁰ Piw y kowsav dhodho, ha ri gwarnyans, may klewvons? Otta, aga skovarn yw antrodreghys, ha ny's teves goslowes; otta, ger an Arloedh yw keredh dhedha; ny's teves lowender ynno.

Yeremia 6:10 ပူးပေါင်းရင်းမြစ်များ

Salmow 1:2

mes yma y dhelit yn lagha an Arloedh, hag yn y lagha y preder ev dydh ha nos.

Salmow 119:16

My a lowenha y'th ordenansow; ha ny wrav ankevi dha er.

Salmow 119:174

My re yeunis war-lergh dha selwyans, A Arloedh, ha'th lagha yw ow lowena.

Salmow 119:24

Dha dhustuniow ynwedh yw ow lowena, ow husulyoryon.

Salmow 119:35

Gwra dhymm mos yn hyns dha worhemmynnow, rag ynno yma ow lowena.

Salmow 119:70

Maga tew avel an blonek yw aga holonn, mes my a lowenha y'th lagha.

Salmow 119:77

Des dhymm dha druedh, may fiv vy bew; rag dha lagha yw ow lowena.

Salmow 40:8

My re vynnas gul dha volonjedh, ow Duw, yma dha lagha yn kres ow holonn.

Eksodus 6:12

Mes Moyses a leveris a-rag an Arloedh, ‘Otta, ny goelas mebyon Ysrael orthiv; fatell wra Faro goslowes orthiv ha my antrodreghys ow diwweus?’

Ysay 42:20

Ev a wel lies tra, mes ny wra vri anedha, igor yw y dhiwskovarn mes ny glew ev.

Ysay 53:1

Piw re grysis an pyth re glewsyn? Ha piw dhodho y feu diskwedhys bregh an Arloedh?

Yeremia 35:13

Yndellma y lever Arloedh an luyow, Duw Ysrael: Ke ha leverel dhe bobel Yuda ha dhe annedhysi Yerusalem, ‘A ny vynnowgh degemmeres dyskans ha klewes ow geryow? yn-medh an Arloedh.

Yeremia 4:4

Omdrodreghewgh dhe'n Arloedh ha kemmerewgh dhe-ves kudhgenn agas kolonn, hwi wer Yuda ha trigoryon Yerusalem, ma nag ello ow honnar yn-mes avel tan, ha leski, heb denvyth dh'y dhifeudhi, drefenn drogedh agas gwriansow.

Yeremia 5:21

Klewewgh hemma lemmyn, A bobel dhiboell, ha heb konvedhes; neb a's teves lagasow ha ny welons; neb a's teves skovornow, ha ny glewons.

Yeremia 7:13

Ha lemmyn, drefenn hwi dhe wul oll an taklow ma, yn-medh an Arloedh, ha my a gewsis dhywgh, ow sevel a-varr hag ow kewsel, mes ny glewsowgh; ha my a elwis dhywgh, mes ny worthybsowgh;

Yeremia 7:26

mes ny woslowsons orthiv, na ny blegsons aga skovarn, mes i a galeshas aga hilbenn. I a wrug gweth ages aga thasow.

Yeremia 9:26

Ejyp, ha Yuda, hag Edom, ha'n Ammonysi, ha mebyon Moab, hag oll an re ma'th yw treghys blew aga thalyow; rag oll an kenedhlow ma yw antrodreghys, hag oll chi Ysrael yw antrodreghys y'n golonn.

Ezekiel 3:7

Mes chi Ysrael ny vynn goslowes orthis, rag ny vynnons goslowes orthiv vy, drefenn oll chi Ysrael dhe vos penn-kales ha gorth a golonn.

Ezekiel 33:3

ha mar kwel ev an kledha ow tos war an tir, ha hwytha an hirgorn, ha gwarnya an bobel,

Ezekiel 33:9

Mes mar redh gwarnyans dhe'n tebelwas dhe dreylya dhiworth y fordh, ha ny dreyl dhiworth y fordh, ena ev a verow yn y gammhynseth, mes ty re sawyas dha enev.

Amos 7:10

Ena Amasia, oferyas Bethel, a dhannvonas dhe Yeroboam myghtern Ysrael, ow leverel: ‘Amos re vrasas er agas pynn yn kres chi Ysrael; ny yll an tir godhav y eryow oll.

Matthew 3:7

Hag ev, ow kweles meur a Fariseow ha Sadukeow ow tos dh'y vesydh, a leveris dhedha, ‘Hwi askorr nadres! Piw re'gas gwarnyas dhe fia dhiworth an sorr a dheu?

Luk 11:45

Onan a'n laghysi a worthybis ha leverel dhodho, ‘Mester, pan leverydh henna ty a'gan keredh ni maga ta.’

Luk 20:19

Ha'n skribys ha'n bennoferysi a hwilas settya dalghenn ynno y'n eur na, mes own a's teva a'n bobel, rag i a wodhva ev dhe gewsel an barabolenn ma er aga fynn i.

Yowann 7:7

Ny yll an bys agas kasa, mes ev a'm kas, rag my a dheg dustuni anodho, y wriansow dhe vos drog.

Yowann 9:40

Ha re a'n Fariseow neb esa ganso a glewas hemma, ha leverel dhodho, ‘On ni ynwedh dall?’

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Oberow 7:60

hag ow mos war benn-dewlin ev a grias, ughel y lev, ‘Arloedh, na syns an pegh ma er aga fynn.’ Pan lavarsa hemma, ev a goedhas yn kosk.

Romanyon 7:22

Rag y lowenhav yn lagha Duw y'm kowses usi ynnov ow honan,

Dewteronomi 29:4

Mes ny ros dhywgh an Arloedh kolonn dhe wodhvos, na dhewlagas dhe weles, na dhiwskovarn dhe glewes bys y'n jydh hedhyw.

Kolossianys 1:28

Ni a'n deriv, ow keski pub den ha dyski pub den yn pub furneth, may kwrellyn profya pub den perfydh yn Krist.

2 Timothi 4:3

Rag an termyn a dheu ma na berthons dyskas yagh, mes war-lergh aga hwansow, kuntell dyskadoryon ragdha aga honan a wrons i, ow kosa aga diwskovarn,

Ebrowyon 11:7

Dre fydh Noy wosa bos gwarnys gans Duw a-dro dhe daklow na veu gwelys hwath, hag ev ownek, a dhrehevis gorhel rag sawya y vayni; dre hemma ev a dhampnyas an bys ha dos ha bos her an ewnder a dheu dre fydh.