Yeremia 51:9 - An Bibel Kernewek 20234 (Kernewek Kemmyn)

⁹ Ni a assayas yaghhe Babylon, mes ny allas hi bos yaghhes. Gesewgh hi, ha gwren ni mos peub dh'y vro y honan; rag hy barn re dhrehedhas bys yn nev ha re beu drehevys hwath dhe'n ebron.

Yeremia 51:9 ပူးပေါင်းရင်းမြစ်များ

2 Kroniklys 28:9

Mes yth esa profoes a'n Arloedh ena, Oded y hanow; ev eth yn-mes dhe vetya an lu a dheuth dhe Samaria, hag ev a leveris dhedha, ‘Drefenn an Arloedh Duw agas tasow dhe serri orth Yuda, ev re's ros yn agas leuv, mes hwi re's ladhas yn konnar re hedhas bys y'n nev.

Ezra 9:6

ha leverel, ‘Ow Duw, meth a'm beus hag ankombrys ov may trehavav ow fas dhis, ow Duw: drefenn bos agan drogoberow ynkressys a-ugh agan penn, ha'gan kammweyth ughelhes bys y'n nevow.

Ysay 13:14

Kepar hag ewik ownekhes, ha kepar ha deves heb denvyth dh'aga huntell, peub a dhehwel dh'y bobel, peub a fi dh'y dir y honan.

Ysay 47:15

Yndella dhis yw an re may lavursys gansa, neb re genwerthas genes a-dhia'th yowynkneth. I oll a wander yn aga hynsyow aga honan; nyns eus denvyth dhe'th sawya.

Yeremia 46:16

Dha lu a drebuchyas ha koedha, ha leverel an eyl dh'y gila, ‘Dewgh, dehwelyn dh'agan pobel agan honan ha dhe dir agan genesigva, drefenn kledha an arwasker.’

Yeremia 46:21

Ynwedh hy gwer arvethys yn hy kres yw avel leughi peskys; rag i ynwedh re dreylyas ha fia war-barth, ny sevsons; rag dydh aga therroes re dheuth warnedha, ha termyn aga hessydhyans.

Yeremia 50:16

Treghewgh an gonador dhiworth Babylon, hag ev neb a handel an gromman yn prys mysi; drefenn kledha an arwasker i oll a dhehwel dh'aga fobel aga honan, hag i oll a fi dh'aga thir aga honan.

Yeremia 8:20

‘An drevas yw tremenys, an hav yw gorfennys, ha nyns on ni sawys.’

Hosea 7:13

Go-i, rag i re fias ahanav vy! Terroes dhedha, rag i re rebellyas er ow fynn! My a's dasprenas hag i a wowleveris er ow fynn.

Diskwedhyans 18:4

Ha my a glewas ken lev dhiworth nev, ow leverel, ‘Dewgh yn-mes anedhi, ow fobel, ma na vewgh kevrennogyon a'y feghosow, ha ma na dhegemmerrowgh a'y flaow.

Diskwedhyans 18:5

Rag hy feghosow re beu gorrys yn bern bys yn nev, ha Duw re borthas kov a'y drogoberow.