Yeremia 51:62 - An Bibel Kernewek 20234 (Kernewek Kemmyn)

⁶² ha leverel, “A Arloedh, ty dha honan a gewsis erbynn an tyller ma dh'y dhistrui, ma na vydh trigys ynno travyth, naneyl den na best, hag y fydh ynyal bys vykken.”

Yeremia 51:62 ပူးပေါင်းရင်းမြစ်များ

Yeremia 25:12

Ha pan vydh diwedh dhe'n deg blydhen ha tri-ugens, my a gessydh myghtern Babylon ha'n genedhel na, yn-medh an Arloedh, rag aga anewnder, ha tir an Kaldeanys, ha'y wul difeyth bys vykken.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 33:12

Yndellma y lever Arloedh an luyow: Arta y'n tyller ma hag yw ynyal, heb den na best, hag yn oll y sitys, y fydh peurva rag bugeledh dhe ri powes dh'aga flokkys.

Yeremia 50:12

agas mamm a's tevydh meth glan, ha hi a'gas dineythis a vydh diskrassyes. Otta, hi a vydh an lyha a'n kenedhlow, ynyal, syghtir, ha difeythtir.

Yeremia 50:13

Drefenn sorr an Arloedh ny vydh hi annedhys, mes y fydh ynyal kowal; pubonan usi ow mos ryb Babylon a gemmer skruth ha hwibana orth oll hy flaow.

Yeremia 50:3

Rag yn-mes a'n gogledh y teu kenedhel er hy fynn, a wra hy thir ynyal, ha ny drig denvyth ynno, ha den ha best a fi dhe-ves.

Yeremia 51:29

Ha'n tir a gren hag a wynn, rag porposys an Arloedh erbynn Babylon a sev, dhe wul tir Babylon ynyal, heb annedhyas.

Yeremia 51:37

ha Babylon a vydh karnedhow, trigva owrgeun, tra euth ha hwibana, heb annedhyas.

Yeremia 51:43

Hy sitys yw devedhys ha bos euth, tir syghor ha difeythtir, tir le ma nag eus trigys denvyth, ha dredho ma na dremen mab-den.

Yeremia 51:61

Ha Yeremia a leveris dhe Seraya: ‘Pan dheudh dhe Babylon, gwayt lenna oll an geryow ma,

Ezekiel 35:9

My a'th wra ynyalder bys vykken, ha ny vydh dha sitys annedhys. Ena hwi a woer my dhe vos an Arloedh.