Yeremia 51:6 - An Bibel Kernewek 20234 (Kernewek Kemmyn)

⁶ Fiewgh yn-mes a Babylon, re sawyo peub y vewnans! Na ewgh dhe goll drefenn hy anewnder, rag hemm yw termyn dial an Arloedh; ev a attal dhedhi hy gober.

Yeremia 51:6 ပူးပေါင်းရင်းမြစ်များ

Salmow 94:1

A Arloedh, ty Dhuw a dhial, ty Dhuw a dhial, omdhiskwa.

Lavarow Koth 13:20

Neb a gerdh gans tus fur a dheu ha bos fur, mes koweth an re foll a berth dregynn.

Ysay 48:20

Kewgh yn-mes a Babylon, fiewgh dhiworth Kaldea, dyllewgh hemma gans garm a lowender, ha'y dherivas, dannvenewgh e bys yn penn an norvys; leverewgh, ‘An Arloedh re dhasprenas Yakob y was.’

Ysay 63:4

Rag yth esa dydh dial y'm kolonn, ha blydhen ow daspren re dheuth.

Yeremia 25:14

Rag i a vydh gwrys kethyon gans lies kenedhel ha myghternedh veur, i ynwedh; ha my a attal dhedha herwydh aga gwriansow hag ober aga diwleuv.

Yeremia 25:16

Hag i a yv ha trebuchya, drefenn an kledha a wrav vy y dhannvon yntredha.

Yeremia 27:7

An kenedhlow oll a'n serv, ha'y vab, ha mab y vab, bys pan dheu termyn y dir y honan; ena lies kenedhel ha myghternedh veur a wra y gethhe.

Yeremia 46:10

Rag hemm yw dydh an Arloedh, Duw an luyow, dydh a dhial, dhe dyli dial war y eskerens. An kledha a dhevor hag a vydh gwalghys, ha medhwys gans aga goes. Rag an Arloedh, Duw an luyow, a'n jeves sakrifis yn tir an gogledh ryb an avon Ewfrates.

Yeremia 48:6

Fiewgh, omsawyewgh, ha bedhewgh avel asen gwyls y'n difeyth.

Yeremia 50:15

Germewgh orti a bub tenewen, ‘Hi re omros; hy thouryow yw koedhys, hy fosow yw tewlys dhe'n dor.’ Rag hemm yw dial an Arloedh: diellewgh warnedhi, gwrewgh dhedhi an pyth a wrug hi.

Yeremia 50:28

Klewir son an re a fi, hag a skap yn-mes a bow Babylon, dhe dheklarya yn Sion dial an Arloedh agan Duw, dial rag y dempel.

Yeremia 50:31

Otta, yth esov er dha bynn, A dhen balgh, yn-medh an Arloedh, Duw an luyow; rag dha dhydh yw devedhys, an termyn ma'th kessydhyav.

Yeremia 50:8

Fiewgh a gres Babylon, kewgh dhe bow an Kaldeanys, ha bedhewgh avel boghes a-rag an flokk.

Yeremia 51:11

Lymmewgh an sethow! Lenwewgh an goenyow! An Arloedh re dhrehevis spyrys myghternedh an Medys, rag y dowl a-dro dhe Babylon yw hy distrui, rag henn yw dial an Arloedh, dial rag y dempel.

Yeremia 51:36

Ytho yndellma y lever an Arloedh: Otta, my a bled dha gen ha diella ragos. My a dhesygh hy mor ha gul dh'y fenten bos sygh;

Yeremia 51:45

Dewgh yn-mes anedhi, ow fobel! Sawyewgh agas bewnans, peub ahanowgh, a-dhiworth sorr fers an Arloedh!

Yeremia 51:50

Hwi re dhienkas dhiworth an kledha, kewgh, na daryewgh! Perthewgh kov a'n Arloedh a-bell, ha gesewgh Yerusalem dhe dhos yn agas brys.

Yeremia 51:56

rag distruer re dheuth er hy fynn, erbynn Babylon; hy breselyoryon yw kemmerys, aga gwaregow yw terrys; rag an Arloedh yw Duw a attal, ev a attal yn leun.

Yeremia 51:9

Ni a assayas yaghhe Babylon, mes ny allas hi bos yaghhes. Gesewgh hi, ha gwren ni mos peub dh'y vro y honan; rag hy barn re dhrehedhas bys yn nev ha re beu drehevys hwath dhe'n ebron.

Kynvannow 3:64

Attal dhedha aga gwrians A Arloedh herwydh ober aga diwleuv.

Niverow 16:26

Hag ev a leveris dhe'n kuntelles, ‘Diberthewgh, my a'gas pys, a dyldow an debel wer ma, ha na dochyewgh travyth yw dhedha ma na vowgh diswrys gans aga feghosow oll.’

Dewteronomi 32:25

A-ves, an kledha a wra dhe dus bos anvap, hag a-ji, yma euth rag gour yowynk ha gwyrghes, an flogh ow tena, gans an gour a vlew loes.

Dewteronomi 32:41

pan lymmav lughes ow kledha, ha'm leuv a sett dalghenn ynno yn breus, my a dal dial war ow eskerens, hag attyli an re a'm kas.

Dewteronomi 32:43

Germewgh yn lowen, kenedhlow, gans y bobel, rag ev a gemmer dial war woes y servysi, ha tewlel dial war y eskerens, ha dasprena tir y bobel.

1 Timothi 5:22

Na worr diwla yn uskis war dhenvyth, ha na gemmer rann yn peghadow tus erell. Gwra omwitha dha honan glan.

Diskwedhyans 16:19

Ha'n sita vras a veu rynnys yn teyr rann, ha'n sitys a'n kenedhlow a goedhas: ha Babylon vras a veu kovhes a-dherag Duw, dhe ri dhedhi hanaf an gwin a gonnar y sorr.