Yeremia 51:56 - An Bibel Kernewek 20234 (Kernewek Kemmyn)

⁵⁶ rag distruer re dheuth er hy fynn, erbynn Babylon; hy breselyoryon yw kemmerys, aga gwaregow yw terrys; rag an Arloedh yw Duw a attal, ev a attal yn leun.

Yeremia 51:56 ပူးပေါင်းရင်းမြစ်များ

Jenesis 49:24

mes y warak a dhuryas fyrv ha giow y dhiwdhorn dre dhiwdhorn an Galloesek a Yakob, yn hanow an Bugel, karrek Ysrael,

Salmow 137:8

A Vyrgh Babylon, re bi ty ynwedh distruys, gwynn y vys neb a attal dhis kepar dell wrussys dhyn ni.

Salmow 37:15

Aga kledha a dheu yn aga holonn i, ha'ga gwaregow a vydh terrys.

Salmow 46:9

Ev a wra dhe vreselyow hedhi bys yn pennow an nor; ev a derr an warak, ha treghi an guw, ha leski an charettow y'n tan.

Salmow 76:3

Ena y torras ev sethow an warak, an skoes ha'n kledha hag arvow bresel. Sela.

Ysay 21:2

Gwelesigeth asper yw disklerys dhymm; an traytour a drayt, an gwastyer a wast. Yskynn, Elam, gwra esedhva, Media; my a wrug dhe oll hy hanasow hedhi.

Ysay 34:8

Ytho yma dhe'n Arloedh dydh dial, blydhen attal rag mentena ken Sion.

Ysay 35:4

Leverewgh dhe'n re gans kolonn brederus, ‘Bedhewgh krev, na berthewgh own; otta, agas Duw a dheu gans dial, gans attal duwel. Ev a dheu ha'gas sawya.’

Ysay 59:18

Herwydh aga gwriansow, yndella ev a attal; sorr dh'y erbynnoryon, attal dh'y eskerens; ev a re attal dhe'n ynysow.

Yeremia 49:35

Yndellma y lever Arloedh an luyow: My a derr gwarak Elam, penn aga nerth;

Yeremia 50:10

Kaldea a vydh pyllys; ha peub a's pyll a vydh gwalghys, yn-medh an Arloedh.

Yeremia 50:36

Kledha erbynn an goelyogyon, mayth ellons ha bos fellyon! Kledha erbynn hy breselyoryon, may fons lenwys a euth!

Yeremia 51:24

My a attal dhe Babylon ha dhe oll annedhysi Kaldea rag oll an drog re wrussons yn Sion yn agas golok, yn-medh an Arloedh.

Yeremia 51:30

Breselyoryon Babylon re hepkorras omladh, i a worta yn aga dinasow; aga nerth re fyllis, i res eth ha bos avel benynes; tan re beu gorrys yn hy annedhow, hy barrow yw terrys.

Yeremia 51:48

Ena an nevow ha'n nor ha peub eus ynna, a arm rag lowender war Babylon; rag an dhistruoryon a dheu er aga fynn yn-mes a'n gogledh, yn-medh an Arloedh.

Yeremia 51:53

Kyn yskynno Babylon dhe nev, ha kyn kerro hy ughelder krev, a-dhiworthiv distruoryon a dheu warnedhi, yn-medh an Arloedh.

Yeremia 51:6

Fiewgh yn-mes a Babylon, re sawyo peub y vewnans! Na ewgh dhe goll drefenn hy anewnder, rag hemm yw termyn dial an Arloedh; ev a attal dhedhi hy gober.

Kynvannow 3:64

Attal dhedha aga gwrians A Arloedh herwydh ober aga diwleuv.

Ezekiel 39:3

My a wysk dha warak yn-mes a dha dhorn gledh, ha gul dhe'th sethow koedha yn-nans yn-mes a dha dhorn dhyghow.

Ezekiel 39:9

Ena an re trigys yn sitys Ysrael a yn-mes ha gorra tan y'n arvow ha'ga leski, skoesow ha boklers, gwaregow ha sethow, fustow-dorn ha guwow. Seyth blydhen i wra tan gansa.

Amos 2:15

Ny sev an den a syns an warak, na ny skap an den skav y dreys, na ny yll an marghek omsawya.

Obadia 1:15

Rag ogas yw dydh an Arloedh rag oll an kenedhlow. Kepar dell wrussys, yndellma y fydh gwrys dhiso jy; dha attal a dheu war dha benn dha honan.

Habakkuk 2:8

Rag ty dhe bylla lies kenedhel, an remenant oll a'n kenedhlow a'th pyll; drefenn goes mab-den, ha garowder erbynn tiryow, erbynn sitys, hag oll an dus usi trigys ynni.

Dewteronomi 32:35

Dial yw dhymm, hag attal, yn termyn may hwra aga throes trebuchya; rag ogas yw dydh aga therroes, ha'ga thenkys a fisten dhedha.

2 Thessalonianys 1:6

Rag gwiryon yw dhe Dhuw dhe attyli galar dhe'n re a wra agas duwenhe,

Diskwedhyans 17:16

Ha'n deg korn a welsys ha'n best: an re ma a wra kasa an hora ha'y gul gwastys ha noeth hag a wra dybri hy hig ha'y leski gans tan.

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

Diskwedhyans 19:2

rag gwir hag ewn yw y vreusow; rag ev re vreusis an hora vras a legris an nor gans hy fornikasyon, hag ev re dhiallas goes y wesyon warnedhi.’

1 Samuel 2:4

Gwaregow gwer alloesek yw terrys, ha'n re a drebuch yw grogysys gans nerth.