Yeremia 51:55 - An Bibel Kernewek 20234 (Kernewek Kemmyn)

⁵⁵ Rag yma an Arloedh ow kwastya Babylon, hag ow koselhe hy lev meur. Aga thonnow a darenn avel dowrow pals, son aga thros a dhassen;

Yeremia 51:55 ပူးပေါင်းရင်းမြစ်များ

Salmow 124:2

na ve an Arloedh genen ni, pan sevis tus er agan pynn;

Salmow 124:4

Ena an dowrow a livsa dreson, ha galsa an fros dres agan enev.

Salmow 18:4

Yth esa kerdyn ankow a-dro dhymm, ha frosow sherewynsi a wrug euth dhymm;

Salmow 65:7

Ev a spavennha tros an mor, tros an mordonnow ha freudh an poblow.

Salmow 69:2

My a sedh yn leysek dhown, ma nag eus tyller may seffiv; my re dheuth yn dowrow down, may hwra an livow resek warnav.

Ysay 15:1

Profoesans a-dro dhe Moab: Ar yn Moab yw gwastys, distruys yn unn nos. Kir yn Moab yw gwastys, distruys yn unn nos.

Ysay 17:13

Kenedhlow a darenn avel tarennans dowrow pals, mes ev a's keredh hag y fions pell, helghys avel us war an menydhyow a-rag an gwyns, hag avel has askall a-rag an awel.

Ysay 47:5

Esedh yn taw, ha ke yn tewlder, A vyrgh Kaldea! Rag ny'th henwir na fella mestres gwlaskordhow.

Yeremia 25:10

Ynwedh my a gemmer a-dhiworta lev lowender ha lev lowena, lev an gour pries ha lev an venyn bries, son an meyn melin ha golow an gantol.

Yeremia 51:42

An mor re sevis war Babylon; hi re beu kudhys gans tervans y donnow.

Ezekiel 26:3

rakhenna yndellma y lever an Arloedh Duw: Otta, yth esov er dha bynn, A Tyr, ha my a dhre yn-bann lies kenedhel er dha bynn, kepar dell wra an mor dri y donnow yn-bann.

Luk 21:25

‘Hag y fydh toknys y'n howl ha'n loer ha'n ster, ha war an nor angoes dhe'n kenedhlow, fienasow drefenn tarenna an mor ha'n tonnow.

Diskwedhyans 17:15

Hag yn-medh ev dhymm, ‘An dowrow a welsys le may ma an hora esedhys yw poblow ha routhow, ha kenedhlow ha tavosow.