Yeremia 51:51 - An Bibel Kernewek 20234 (Kernewek Kemmyn)

⁵¹ Ni yw gorrys dhe veth drefenn ni dhe glewes keredh; disenor re gudhas agan fas, rag estrenyon re dheuth yn tylleryow sans chi an Arloedh.

Yeremia 51:51 ပူးပေါင်းရင်းမြစ်များ

Salmow 109:29

Bedhes ow huhudhoryon gwiskys yn disenor, ha gwiskens i aga meth avel mantell.

Salmow 71:13

Perthens i meth ha mos dhe goll, neb yw eskerens ow enev; bedhens i kudhys gans mewl ha disenor, neb a hwila ow fystik.

Salmow 79:1

A Dhuw, an kenedhlow re dheuth y'th ertach; i re dhefolas dha dempel sans, ha gorra Yerusalem yn bern a vagoryow.

Salmow 79:12

Daskorr seythplek dhe askra agan kentrevogyon rag an skorn ma'th skornsons jy, A Arloedh.

Salmow 79:4

Ni re dheuth ha bos mewl dh'agan kentrevogyon, skorn ha ges dhe'n re usi yn agan kyrghynn.

Salmow 89:46

Pygemmys prys, A Arloedh? A omgudhydh jy bynitha? A lesk dha sorr avel tan?

Ysay 13:1

Profoesans a-dro dhe Babylon, a wrug Ysay mab Amos y weles.

Ysay 14:1

Rag an Arloedh a gemmer truedh a Yakob, ha dewis Ysrael arta, ha ri powes dhedha war aga thiredh. Alyons a jun gansa, ha glena orth chi Yakob.

Ysay 21:1

Profoesans a-dro dhe wylvos an mor. Kepar dell dremen hwaffys awelyow y'n Negeb, ev a dheu dhiworth an gwylvos, dhiworth tir euthyk.

Ysay 47:1

Deus yn-nans hag esedh y'n doust, A wyrghes, myrgh Babylon! Esedh war an dor heb tron, myrgh Kaldea! Rag ny'th henwir na fella tender ha bleudh.

Yeremia 14:3

Aga ugheloryon re dhannvonas aga gwesyon rag dowr: i a dheuth dhe'n dowrarghow, ny gavons dowr; i a dhehwelis gwag aga lestri; methek ens ha konfondys, hag a gudhas aga fenn.

Yeremia 25:26

hag oll myghternedh a'n gogledh, pell hag ogas, an eyl wosa y gila, hag oll gwlaskordhow an bys, usi war enep an nor: ha myghtern Sheshak a'n yv war aga lergh.

Yeremia 31:19

Rag wosa my dhe dreylya, my a goedhas yn edrek, ha wosa my dhe vos dyskys, my a weskis ow mordhos; meth a'm bo ha my a veu iselhes, drefenn my dhe dhoen keredh ow yowynkneth.’

Yeremia 52:13

Ev a loskas chi an Arloedh, ha chi an myghtern, hag oll chiow Yerusalem; pub chi meur ev a loskas gans tan.

Kynvannow 1:10

An eskar re ystynnas y dhorn war oll hy fythow drudh; rag hi re welas an kenedhlow dhe entra yn hy thyller sans, an re a dhifennsys jy orta mayth entrons y'th kuntelles.

Kynvannow 2:20

Gwel, A Arloedh, ha mir. Piw a dhyghtsys yndella? A wra gwragedh dybri aga askorr, fleghes wynn heb namm? A ledhir oferyas ha profoes yn sentri an Arloedh?

Kynvannow 5:1

Porth kov, A Arloedh, a'n pyth re goedhas dhyn; mir ha gweles agan meth.

Ezekiel 24:21

Lavar dhe ji Ysrael, Yndellma y lever an Arloedh Duw: Awottavy ow tisakra ow sentri, goeth agas nerth, desir agas dewlagas, ha delit agas enev. Agas mebyon ha'gas myrghes, a wrussowgh aga gasa, a goedh der an kledha.

Ezekiel 36:30

My a voghha froeth an gwydh hag askorr an gwel, ma na berthowgh arta skorn an kenedhlow drefenn divoetter.

Ezekiel 7:18

I a wisk yskar, ha kren a's kudh. Meth a vydh dhe bub fas, ha moelder war oll aga fennow.

Ezekiel 9:7

Ena yn-medh ev dhedha, ‘Defolewgh an chi ha lenwewgh an klosyow a'n re ledhys. Kewgh!’ Ytho i eth dhe-ves ha gweskel y'n sita.

Daniel 11:31

Luyow dannvenys ganso a wra defola an tempel ha'n ger, defendya dhe-ves an offrynn pub-dydhyek hag yn y le gorra pyth kasadow an difeythter.

Amos 7:9

Tylleryow ughel Ysak a vydh forsakys, ha sentris Ysrael a vydh difeythys ha my a sev erbynn chi Yeroboam gans an kledha.

Mika 6:16

Ordenansow Omri yw gwithys, hag oberow oll chi Ahab, ha hwi a gerdh herwydh aga husul. Rakhenna my a'th wra avel euth, ha'y thrigoryon a vydh hwibana, ha hwi a berth mewl ow fobel!

Mika 7:10

Ena y'n gwel ow eskares, ha meth a's kudh; yn-medh hi dhymm, ‘Ple'ma an Arloedh, dha Dhuw?’ Ow dewlagas a lowenha orth hy gweles. Lemmyn hi a vydh trettys dhe'n dor haval dhe leys an stretow.