Yeremia 51:5 - An Bibel Kernewek 20234 (Kernewek Kemmyn)

⁵ Rag ny veu Ysrael na Yuda gwrys gwedhow gans aga Duw, Arloedh an luyow, kynth yw aga thir leun a gabel erbynn an Sans a Ysrael.

Yeremia 51:5 ပူးပေါင်းရင်းမြစ်များ

1 Myghternedh 6:13

My a vydh trigys yn mysk fleghes Ysrael ha ny eskasav ow fobel Ysrael.’

2 Myghternedh 21:16

Hag ynwedh Manasse a skoellyas meur a woes gwiryon, bys pan lenwis ev Yerusalem a'n eyl penn dh'y gila, war-barth gans an pegh may hwrug ev dhe Yuda y begha, ow kul an pyth o drog yn golok an Arloedh.

Ezra 9:9

Rag kethyon on ni; byttegyns ny'n eskasas agan Duw yn agan kethneth, mes ystynn tregeredh dhyn a-wel dhe vyghternedh Persia, may rollo dhyn dasvewnans, dhe dhasdrehevel chi agan Duw, hag ewnhe y vagoryow, hag ev re ros dhyn fos yn Yuda hag yn Yerusalem.

Salmow 94:14

Drefenn na as an Arloedh y bobel; ha ny forsak y ertach.

Ysay 44:21

Porth kov a'n re ma, A Yakob, hag Ysrael, rag ty yw ow gwas; my a'th formyas, ty yw ow gwas; A Ysrael, ny vydhydh ankevys genev.

Ysay 51:15

Rag my yw an Arloedh, dha Dhuw, neb a ankres an mor, may tarenno an tonnow; Arloedh an luyow yw ow hanow.

Ysay 62:12

I a vydh gelwys, ‘An bobel sans, An re dasprenys gans an Arloedh’; ha ty a vydh gelwys Hwilys, Sita Nag yw Forsakys.

Yeremia 14:19

A wruss'ta denagha Yuda yn tien? A wrug dha enev kasa Sion? Prag y hwruss'ta agan gweskel ma na vydh yaghheans dhyn? Ni a hwilas kres mes nyns eus dader: rag termyn yeghes, hag otta browagh.

Yeremia 14:9

Prag y fydhydh avel gour penndegys, avel gour galloesek na yll sawya? Mes yth esos yn agan mysk, A Arloedh, ha dha hanow re beu gelwys warnan; na wra agan gasa.

Yeremia 16:18

Hag yn kynsa my a attal rag aga hammhynseth ha'ga fegh yn tewblek; drefenn i dhe dhefola ow thir gans korfow aga idolys, ha lenwel ow eretons gans aga thaklow kasadow.

Yeremia 19:4

Drefenn i dhe'm forsakya, ha defola an tyller ma, ha leski offrynnow ynno dhe dhuwow erell, na aswonnsons i na aga thasow, na myghternedh Yuda, ha lenwel an tyller ma a woes tus wiryon.

Yeremia 23:15

Ytho yndellma y lever Arloedh an luyow a-dro dhe'n brofoesi: ‘Otta, my a's boes gans fuelenn ha gul dhedha eva dowr gwenonek; rag a-dhiworth profoesi Yerusalem ansansoleth res eth yn oll an tir.’

Yeremia 31:37

Yndellma y lever an Arloedh: Mar kyll bos musurys an nevow a-ugh, ha hwithrys selveyn an nor dhe-woeles, ena my a dewl dhe-ves oll has Ysrael drefenn an pyth re wrussons, yn-medh an Arloedh.

Yeremia 46:28

Ha ty, na vydh ownek, ow gwas Yakob, yn-medh an Arloedh, rag yth esov genes. My a wra diwedh dhe oll an kenedhlow le ma'th skattris, mes ny wrav dha leun dhistrui. My a'th kessydh yn ewn musur, mes ny wrav dha asa heb kessydhyans yn tien.

Yeremia 50:20

Y'n dydhyow na hag y'n termyn na, yn-medh an Arloedh, anewnder Ysrael a vydh hwithrys ha ny vydh nagonan; ha peghosow Yuda, ha ny vydh kevys nagonan; rag my a av an re a wrav aga gasa.

Yeremia 51:19

Nyns yw rann Yakob avella, rag ev yw Gwrier pup-tra, hag Ysrael yw loeth y eretons; Arloedh an luyow yw y hanow.

Ezekiel 8:17

Ena yn-medh ev dhymm, ‘A welsys, mab den? Yw ev tra drufel rag chi Yuda, i dhe wul an taklow vil re wrussons omma? Rag i re lenwis an tir a freudh, ha'm serri hwath moy. Ottensi ow korra skorrenn dh'aga throen.

Ezekiel 9:9

Hag yn-medh ev dhymm, ‘Anewnder chi Ysrael ha Yuda yw pur, pur vras; an tir yw leun a woes, ha'n sita yw leun a gammder; rag yn-medhons, “An Arloedh re forsakyas an tir, ha ny wel an Arloedh.”

Hosea 1:10

Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’

Hosea 2:1

Leverewgh dh'agas breder, ‘Ammi’, ha dh'agas hwerydh, ‘Ruhama.’

Hosea 2:3

ma na wrav vy hy destryppya noeth, ha'y gorra kepar hag yn dydh hy genesigeth; my a's gwrav avel gwylvos, ha'y settya avel syghtir, ha'y ladha gans syghes.

Hosea 4:1

Klewewgh ger an Arloedh, mebyon Ysrael, rag yma dhe'n Arloedh ken erbynn trigoryon an tir. Nyns eus gwiryonedh, na tregeredh, nag aswonnvos Duw y'n tir.

Hosea 4:2

Mollethi, toella, ladha, ladra, hag avoutri – fenna a wrons; ha krow a hol krow.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Mika 7:20

Ty a dhiskwa lenduri dhe Yakob ha tregeredh dhe Abraham, dell desys dh'agan tasow a-dhia'n dydhyow koth.

Zekaria 12:6

Y'n jydh na, my a wra kordhow Yuda avel pott tanek yn mysk prennyer, avel faglenn tan yn mysk manalow. I a wra devorya dhe'n dyghow ha dhe'n kledh oll an poblow y'n kyrghynn, mes Yerusalem a vydh annedhys arta yn hy thyller hi, yn Yerusalem.

Zekaria 12:8

Y'n jydh na an Arloedh a vydh skoes dhe drigoryon Yerusalem; ev neb yw difredh yn aga mysk an jydh na a vydh avel Davydh, ha chi Davydh a vydh avel Duw, avel el an Arloedh a-ragdha.

Zekaria 2:12

An Arloedh a wra erita Yuda avel y rann y'n tir sans hag ev a dhewis Yerusalem arta.

1 Samuel 12:22

Rag ny wra an Arloedh forsakya y bobel, a-barth y hanow meur, drefenn bos plegadow dhe'n Arloedh agas gwruthyl y bobel.