Yeremia 51:45 - An Bibel Kernewek 20234 (Kernewek Kemmyn)

⁴⁵ Dewgh yn-mes anedhi, ow fobel! Sawyewgh agas bewnans, peub ahanowgh, a-dhiworth sorr fers an Arloedh!

Yeremia 51:45 ပူးပေါင်းရင်းမြစ်များ

Ysay 48:20

Kewgh yn-mes a Babylon, fiewgh dhiworth Kaldea, dyllewgh hemma gans garm a lowender, ha'y dherivas, dannvenewgh e bys yn penn an norvys; leverewgh, ‘An Arloedh re dhasprenas Yakob y was.’

Yeremia 50:28

Klewir son an re a fi, hag a skap yn-mes a bow Babylon, dhe dheklarya yn Sion dial an Arloedh agan Duw, dial rag y dempel.

Yeremia 50:8

Fiewgh a gres Babylon, kewgh dhe bow an Kaldeanys, ha bedhewgh avel boghes a-rag an flokk.

Yeremia 51:50

Hwi re dhienkas dhiworth an kledha, kewgh, na daryewgh! Perthewgh kov a'n Arloedh a-bell, ha gesewgh Yerusalem dhe dhos yn agas brys.

Yeremia 51:6

Fiewgh yn-mes a Babylon, re sawyo peub y vewnans! Na ewgh dhe goll drefenn hy anewnder, rag hemm yw termyn dial an Arloedh; ev a attal dhedhi hy gober.

Yeremia 51:9

Ni a assayas yaghhe Babylon, mes ny allas hi bos yaghhes. Gesewgh hi, ha gwren ni mos peub dh'y vro y honan; rag hy barn re dhrehedhas bys yn nev ha re beu drehevys hwath dhe'n ebron.

Zekaria 2:7

Yn-sol, A Sion! Diank, ty neb eus trigys gans Myrgh Babylon!

Niverow 16:26

Hag ev a leveris dhe'n kuntelles, ‘Diberthewgh, my a'gas pys, a dyldow an debel wer ma, ha na dochyewgh travyth yw dhedha ma na vowgh diswrys gans aga feghosow oll.’

Oberow 2:40

Ha gans meur a eryow erell ev a dhug dustuni ha'ga ynnia, ow leverel, ‘Bedhewgh selwys a'n henedh gorth ma.’

2 Korinthianys 6:17

Rakhenna dewgh yn-mes a-dhiworta, ha bedhewgh diberthys, yn-medh an Arloedh, ha na dochyewgh travyth avlan, ha my a wra agas degemmeres,

Diskwedhyans 18:4

Ha my a glewas ken lev dhiworth nev, ow leverel, ‘Dewgh yn-mes anedhi, ow fobel, ma na vewgh kevrennogyon a'y feghosow, ha ma na dhegemmerrowgh a'y flaow.