Yeremia 51:33 - An Bibel Kernewek 20234 (Kernewek Kemmyn)

³³ Rag yndellma y lever Arloedh an luyow, Duw Ysrael: Myrgh Babylon yw avel leur-drushya y'n termyn mayth yw trettys; hwath unn pols byghan ha termyn hy threvas a dheu.

Yeremia 51:33 ပူးပေါင်းရင်းမြစ်များ

Ysay 18:5

Ytho, kyns an drevas, pan yw an vleujenn gyllys ha'n flour re dheuth ha bos grappa owth adhvesi, ev a dregh an barrennow gans higow-skethra, ha remova ha tenna yn-mes an skorrennow.

Ysay 21:10

Ow fobel, drushys ha noethys, an pyth a glewis dhiworth Arloedh an luyow, Duw Ysrael, my re dherivas orthowgh.

Ysay 47:1

Deus yn-nans hag esedh y'n doust, A wyrghes, myrgh Babylon! Esedh war an dor heb tron, myrgh Kaldea! Rag ny'th henwir na fella tender ha bleudh.

Yeremia 51:32

an rysyow re beu sesys, ha'n gorthfosow leskys gans tan, ha'n soudoryon a's teves own.

Hosea 6:11

Ragos jy ynwedh, A Yuda, yma trevas settys, pan dreylyav kethneth ow fobel.

Yoel 3:13

Kemmerewgh yn-bann an gromman, rag an drevas yw adhves. Dewgh, trettyewgh, rag leun yw an winwask. An kerynyow a fenn, rag bras yw aga droktra.

Amos 1:3

Yndellma y lever an Arloedh: Rag tri hammweythres a Damaskus, ha rag peswar, ny wrav vy hepkorr an kessydhyans; drefenn i dhe dhrushya Gilead gans draylellow-drushya a horn.

Mika 4:12

Mes ny wodhons i tybyansow an Arloedh, ny gonvedhsons y dowl, ev dh'aga huntell avel manalow dhe'n leur-drushya.

Mika 4:13

Sav ha drushya, A vyrgh Sion, rag my a vynn gwruthyl dha gorn a horn ha'th karnow a vrons; ty a wra brewi lies pobel, ha sakra aga freydh dhe'n Arloedh, aga rychys dhe Arloedh an norvys oll.

Habakkuk 3:12

Ty a gerdh der an norvys gans sorrvann, ty a stank war genedhlow gans sorr.

Matthew 13:30

Gesewgh an dhew dhe devi war-barth bys y'n drevas hag yn prys an drevas my a lever dhe'n vysoryon, Kyns oll kuntellewgh war-barth an ivra ha'y gelmi yn manalow rag y leski, mes kuntellewgh an ys y'm skiber.” ’

Matthew 13:39

ha'n eskar neb a's gonedhas yw an jowl, ha'n drevas yw diwedh an oes, ha'n vysoryon yw eledh.