Yeremia 51:30 - An Bibel Kernewek 20234 (Kernewek Kemmyn)

³⁰ Breselyoryon Babylon re hepkorras omladh, i a worta yn aga dinasow; aga nerth re fyllis, i res eth ha bos avel benynes; tan re beu gorrys yn hy annedhow, hy barrow yw terrys.

Yeremia 51:30 ပူးပေါင်းရင်းမြစ်များ

Salmow 107:16

Rag ev re dorras an porthow a vrons, ha treghi an barrys a horn.

Salmow 147:13

Rag ev re grevhas barrys dha borthow; ev re vennigas dha fleghes a-bervedh ynnos.

Salmow 76:5

An re golonnek o pyllys; i a goedhas yn kosk; ny wodhya nagonan a'n vreselyoryon gul devnydh a'y dhiwleuv.

Ysay 19:16

Y'n jydh na Ejyp a vydh avel benynes. I a gren rag own, a-rag leuv Arloedh an luyow, a wra ev hy shakya er aga fynn.

Ysay 47:14

Mir, avel sowl yth yns, an tan a's lesk; ny's teves omdhelivra dhiworth nerth an flamm. Nyns yw hemma glow rag omdoemma, na tan mayth esedhir a-ragdho.

Yeremia 48:41

an sitys a vydh kemmerys ha'n dinasow dalghennys. Kolonn kasoryon Moab y'n jydh na a vydh kepar ha kolonn benyn yn hy gwelivesi.

Yeremia 50:15

Germewgh orti a bub tenewen, ‘Hi re omros; hy thouryow yw koedhys, hy fosow yw tewlys dhe'n dor.’ Rag hemm yw dial an Arloedh: diellewgh warnedhi, gwrewgh dhedhi an pyth a wrug hi.

Yeremia 51:32

an rysyow re beu sesys, ha'n gorthfosow leskys gans tan, ha'n soudoryon a's teves own.

Yeremia 51:57

My a wra medhwi hy fennsevigyon ha'y doethyon, ynwedh hy governours, hy soedhogyon ha'y breselyoryon; i a gosk yn kosk bys vykken heb difuna nevra, yn-medh an Myghtern, ha'y hanow Arloedh an luyow.

Kynvannow 2:9

Hy yetys re sedhis y'n dor; ev re dhiswrug ha terri hy barrys; yma hy myghtern ha'y fennsevigyon yn mysk an kenedhlow; nyns usi an lagha namoy, nyns eus hwath dh'y frofoesi gwelesigeth dhiworth an Arloedh.

Amos 1:5

dralya a wrav barr Damaskus, ha terri an annedhyas dhiworth nans Aven, ha'n den a syns an welenn dhiworth Beth-eden; divres vydh pobel Aram bys yn Kir, yn-medh an Arloedh.

Nahum 3:13

Awotta, dha dus a-berth ynnos yw benynes; igerys a-les dhe'th eskerens yw porthow dha dir, tan a dhevor barrys dha yetys.

Diskwedhyans 18:10

I a sev a-bell der own a'y fayn, ow leverel, ‘Tru, tru, an sita vras, Babylon, an sita grev! rag yn unn our re dheuth dha vreus.’