Yeremia 51:3 - An Bibel Kernewek 20234 (Kernewek Kemmyn)

³ Na esewgh an sether dhe blegya y warak, na gwiska y gaspows. Na sparyewgh hy gwer yowynk; kowldhistruyewgh oll hy lu.

Yeremia 51:3 ပူးပေါင်းရင်းမြစ်များ

Salmow 137:9

Gwynn y vys neb a gemmerro dha fleghigyow ha'ga deghesi erbynn an meyn.

Yeremia 46:4

Hernessyewgh an vergh; yskynnewgh, marghogyon! Kemmerewgh agas savleow gans agas basnettow, gwrewgh dh'agas lonsow lentri, gwiskewgh agas kaspowsyow.

Yeremia 50:14

Omsettyewgh yn aray erbynn Babylon oll a-dro; hwi oll neb a bleg an warak, tennewgh orti, na sparyewgh sethow, rag hi re beghas erbynn an Arloedh.

Yeremia 50:21

Ke yn-bann erbynn tir Merathaym, hag erbynn annedhysi Pekod, ha'ga gorladha, ha'ga sakra dhe dhistruyans leun, yn-medh an Arloedh; gwra pup-tra re worhemmynnis dhis.

Yeremia 50:27

Ledhewgh oll hy lodhnow, gesewgh i dhe vones yn-nans dhe'n ladhva. Go-i, aga dydh yw devedhys, termyn aga hessydhyans!

Yeremia 51:53

Kyn yskynno Babylon dhe nev, ha kyn kerro hy ughelder krev, a-dhiworthiv distruoryon a dheu warnedhi, yn-medh an Arloedh.

Yeremia 9:21

‘Ankow re dheuth yn-bann dh'agan fenestri, hag entra yn agan lysyow, dhe dreghi an fleghes dhiworth an stretys, ha'n wer yowynk dhiworth an plenys.’

Dewteronomi 32:25

A-ves, an kledha a wra dhe dus bos anvap, hag a-ji, yma euth rag gour yowynk ha gwyrghes, an flogh ow tena, gans an gour a vlew loes.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.