Yeremia 51:27 - An Bibel Kernewek 20234 (Kernewek Kemmyn)

²⁷ Drehevewgh baner y'n tir, hwythewgh hirgorn yn mysk an kenedhlow; pareusewgh an kenedhlow rag bresel er hy fynn, gelwewgh er hy fynn an gwlaskordhow, Ararat, Minni hag Ashkenaz; ordenewgh kaslewydh er hy fynn, drewgh yn-rag mergh avel hes lokustes.

Yeremia 51:27 ပူးပေါင်းရင်းမြစ်များ

Jenesis 10:3

Mebyon Gomer: Ashkenaz, Rifath ha Togarma.

Jenesis 8:4

Hag y'n seythves mis, yn seytegves dydh an mis, an gorhel a bowesas war venydhyow Ararat.

2 Myghternedh 19:37

Hag y hwarva, pan esa ow kordhya yn chi y dhuw Nisrok, y vebyon Adrammelek ha Shareser a'n ladhas gans an kledha, hag i a skapyas dhe bow Ararat. Hag Esarhaddon y vab a reynyas yn y le.

1 Kroniklys 1:6

Mebyon Gomer: Ashkenaz, Rifath, ha Togarma.

Ysay 18:3

Oll trigoryon an norvys hag annedhysi an bys, pan vydh baner drehevys war an menydhyow, mirewgh! ha pan vydh hirgorn hwythys, klewewgh!

Ysay 37:38

Hag y hwarva, pan esa ow kordhya yn chi Nisrok y dhuw, Adrammelek ha Shareser y vebyon a'n ladhas gans an kledha, hag i a skapyas dhe bow Ararat. Hag Esarhaddon y vab a reynyas yn y le.

Yeremia 25:14

Rag i a vydh gwrys kethyon gans lies kenedhel ha myghternedh veur, i ynwedh; ha my a attal dhedha herwydh aga gwriansow hag ober aga diwleuv.

Yeremia 46:23

I a derr hy hoeswik, yn-medh an Arloedh, kynth yw re dew dhe hwithra, drefenn aga bos moy niverus ages an lokustes, heb nivera yns i.

Yeremia 50:2

Diskleryewgh yn mysk an kenedhlow ha derivewgh, sevewgh baner ha derivewgh, na'n kudhewgh, leverewgh: Babylon yw kemmerys, Bel yw gorrys dhe veth, Merodak yw dyegrys. Hy imajys yw gorrys dhe veth, hy idolyow yw digolonnek.

Yeremia 50:3

Rag yn-mes a'n gogledh y teu kenedhel er hy fynn, a wra hy thir ynyal, ha ny drig denvyth ynno, ha den ha best a fi dhe-ves.

Yeremia 50:9

Rag otta, my a dhifun kuntelles a genedhlow meur a dir an gogledh, ha'ga dri yn-bann erbynn Babylon; hag i a omsett yn aray er hy fynn; alena hi a vydh kemmerys. Aga sethow yw avel kasor sleygh na dhehwel gwag y leuv.

Yeremia 51:12

Sevewgh baner erbynn fosow Babylon; krevhewgh an goel; settyewgh goelyadoryon; pareusewgh an kontrewaytyansow; rag an Arloedh re dewlis ha re wrug an pyth a gewsis a-dro dhe annedhysi Babylon.

Yeremia 51:14

Arloedh an luyow re dos re y honan: Yn sur my a'th lenow gans luyow avel hes lokustes, hag i a sev garm budhogoleth warnas.

Yeremia 51:28

Pareusewgh an kenedhlow er hy fynn, myghternedh an Medys gans aga governours ha'ga soedhogyon ha pub gwlas yn-dann aga gwarthevyans.

Yeremia 6:1

Fiewgh rag sawder, A hwi fleghes Benyamin, yn-mes a Yerusalem, ha hwytha an hirgorn yn Tekoa, ha drehevewgh arwoedh-dan yn Beth-hakkerem: rag drogedh a omdhiskwedh yn-mes a'n gogledh, ha distruyans meur.

Yoel 3:9

Deklaryewgh hemma yn mysk an kenedhlow: pareusewgh rag bresel sans, gwrewgh dhe'n vreselyoryon difuna. Des oll an soudoryon yn-rag, i yn-bann.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Zekaria 14:2

My a wra kuntell oll an kenedhlow erbynn Yerusalem rag kas; ha'n sita a vydh kemmerys, ha'n chiow pyllys, ha'n benynes defolys. Hanter an sita a dheu yn divroedh, mes an remenant ny vydh treghys dhe-ves dhiworth an sita.

Breusysi 6:5

Rag i ha'ga chatel a dho yn-bann, hag i a dhri aga thyldow, kemmys ha lokustes; nyns ens i dhe nivera, naneyl i aga honan na'ga howrvergh; i a entras an tir dh'y wastya.