Yeremia 51:25 - An Bibel Kernewek 20234 (Kernewek Kemmyn)

²⁵ Otta, yth esov er dha bynn, A venydh a dhistruyans, yn-medh an Arloedh, a dhistru oll an nor; my a ystynn ow leuv er dha bynn ha dha dhraylya dhe'n leur a'n klegeryow, ha gul dhis bos menydh leskys.

Yeremia 51:25 ပူးပေါင်းရင်းမြစ်များ

Jenesis 11:4

Hag yn-medhons i, ‘Dewgh, gwren ni drehevel sita ha tour, ha'y benn y'n nevow; ha gwren gul hanow ragon, rag own ni dhe vos skattrys a-les war enep oll an nor.’

Salmow 138:7

Kyn kerdhav yn kres anken, ty a with ow bewnans; ty a ystynn dha leuv erbynn sorr ow eskerens, ha'th leuv dhyghow a'm saw.

Ysay 13:2

War venydh moel drehevewgh baner, kriewgh yn ughel dhedha; gwevyewgh leuv rag may teffons yn yetys an ugheloryon.

Yeremia 25:12

Ha pan vydh diwedh dhe'n deg blydhen ha tri-ugens, my a gessydh myghtern Babylon ha'n genedhel na, yn-medh an Arloedh, rag aga anewnder, ha tir an Kaldeanys, ha'y wul difeyth bys vykken.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 50:25

An Arloedh re igoras y arvji, ha dri yn-mes arvow y sorr, rag hemm yw oberenn an Arloedh Duw an luyow yn tir an Kaldeanys.

Yeremia 50:31

Otta, yth esov er dha bynn, A dhen balgh, yn-medh an Arloedh, Duw an luyow; rag dha dhydh yw devedhys, an termyn ma'th kessydhyav.

Yeremia 51:53

Kyn yskynno Babylon dhe nev, ha kyn kerro hy ughelder krev, a-dhiworthiv distruoryon a dheu warnedhi, yn-medh an Arloedh.

Yeremia 51:58

Yndellma y lever Arloedh an luyow: Fos ledan Babylon a vydh terrys dhe'n leur, ha'y yetow ughel a vydh leskys gans tan. An bobel a lavur rag travyth, ha'n kenedhlow a omskwith rag tan.

Yeremia 51:7

Babylon o hanaf owr yn leuv an Arloedh, ow kul medhow oll an nor; an kenedhlow a evas a'y gwin; rakhenna an kenedhlow eth yn fuskok.

Daniel 4:30

An myghtern a gewsis ow leverel, ‘A nyns yw homma Babylon veur, hag a dhrehevis vy avel chi ryel dre nerth ow galloes, ha rag enor ow meuredh?’

Zekaria 4:7

Piw osta, A venydh krev? A-rag Zerubbabel y fydhydh gwastattir. Ena ev a wra dri yn-mes an pennmen, hag i ow karma, “Ras! Ras dhodho!” ’

2 Peder 3:10

Mes dydh an Arloedh a dheu kepar ha lader, hag ynno an nevow a wra tremena gans tros ughel hwyflyn, ha'n elvennow ow leski a vydh teudhys, ha'n norvys ha'n gwriansow usi ynno a vydh diskudhys.

Diskwedhyans 8:8

Ha'n nessa el a hwythas, hag y feu tewlys y'n mor kepar ha pan ve menydh meur ow leski gans tan; ha'n tressa rann a'n mor eth ha bos goes;