Yeremia 51:24 - An Bibel Kernewek 20234 (Kernewek Kemmyn)

²⁴ My a attal dhe Babylon ha dhe oll annedhysi Kaldea rag oll an drog re wrussons yn Sion yn agas golok, yn-medh an Arloedh.

Yeremia 51:24 ပူးပေါင်းရင်းမြစ်များ

Salmow 79:10

Prag y lever an kenedhlow, ‘Ple'ma aga Duw?’ Bedhes diskwedhys dhe'n kenedhlow yn agan golok ni dial rag an goes skoellys a'th wesyon.

Ysay 48:14

Omguntellewgh, hwi oll, ha klewewgh: piw anedha re dhiskwedhas an taklow ma? An Arloedh a'n kar, ev a gowlwra y borpos war Babylon, ha'y vregh a vydh erbynn Kaldea.

Ysay 61:2

dhe dhisklerya blydhen favour an Arloedh, ha dydh dial agan Duw; dhe gonfortya oll kynoryon;

Ysay 66:6

Son tervans dhiworth an sita, son dhiworth an tempel! Son an Arloedh owth attyli gober dh'y eskerens!

Yeremia 25:14

Rag i a vydh gwrys kethyon gans lies kenedhel ha myghternedh veur, i ynwedh; ha my a attal dhedha herwydh aga gwriansow hag ober aga diwleuv.

Yeremia 50:10

Kaldea a vydh pyllys; ha peub a's pyll a vydh gwalghys, yn-medh an Arloedh.

Yeremia 50:15

Germewgh orti a bub tenewen, ‘Hi re omros; hy thouryow yw koedhys, hy fosow yw tewlys dhe'n dor.’ Rag hemm yw dial an Arloedh: diellewgh warnedhi, gwrewgh dhedhi an pyth a wrug hi.

Yeremia 51:11

Lymmewgh an sethow! Lenwewgh an goenyow! An Arloedh re dhrehevis spyrys myghternedh an Medys, rag y dowl a-dro dhe Babylon yw hy distrui, rag henn yw dial an Arloedh, dial rag y dempel.

Yeremia 51:23

genes my a vrew an bugel ha'y flokk; genes my a vrew an tiek ha'y yew a oghen; genes my a vrew governours ha soedhogyon.

Yeremia 51:35

Re bo diellys war Babylon an drog gwrys er ow fynn hag erbynn ow hig’, yn-medh annedhysi Sion. ‘Re bo diellys ow goes war annedhysi Kaldea’, yn-medh Yerusalem.

Yeremia 51:49

Babylon a dal koedha drefenn an re ledhys a Ysrael, dell goedhas re ledhys oll an nor drefenn Babylon.

Yeremia 51:56

rag distruer re dheuth er hy fynn, erbynn Babylon; hy breselyoryon yw kemmerys, aga gwaregow yw terrys; rag an Arloedh yw Duw a attal, ev a attal yn leun.

Kynvannow 3:64

Attal dhedha aga gwrians A Arloedh herwydh ober aga diwleuv.

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

Diskwedhyans 18:24

Hag ynni hi y feu kevys goes profoesi ha syns, hag oll an re a veu ledhys war an nor.’

Diskwedhyans 6:10

Hag i a armas, ughel aga lev, ow leverel, ‘Pygemmys prys, A Arloedh sans ha gwir, na vreusydh na diella agan goes war an re a drig war an norvys?’