Yeremia 51:19 - An Bibel Kernewek 20234 (Kernewek Kemmyn)

¹⁹ Nyns yw rann Yakob avella, rag ev yw Gwrier pup-tra, hag Ysrael yw loeth y eretons; Arloedh an luyow yw y hanow.

Yeremia 51:19 ပူးပေါင်းရင်းမြစ်များ

Salmow 115:3

Mes agan Duw, yma ev y'n nevow; ev re wrug kekemmys a vynnas.

Salmow 135:4

Rag an Arloedh re dhewisas Yakob dhodho y honan, hag Ysrael avel y berghennogeth arbennik y honan.

Salmow 16:5

An Arloedh yw ow rann dhewisys ha'm hanaf; ty a syns ow hevrenn.

Salmow 33:12

Gwynnvys an genedhel hag yw an Arloedh hy Duw, an bobel dewisys ganso dhe vos y ertach y honan.

Salmow 73:26

Ow hig ha'm kolonn a fyll, mes Duw yw nerth ow holonn ha'm rann bys vykken.

Salmow 74:2

Porth kov a'th kuntelles a brensys seuladhydh, loeth dha ertach a dhasprensys, ha menydh Sion may trigsys ynno.

Ysay 47:4

Agan dasprenyas, Arloedh an luyow y hanow, an Sans a Ysrael.

Ysay 51:13

Ty re ankovas an Arloedh, dha Wrier, neb a lesas an nevow hag a fondyas selyow an norvys. Oll an jydh ty a berth own, drefenn konnar an gwasker, neb a'n jeves mall a dhistrui. Mes ple'ma konnar an gwasker?

Yeremia 10:12

Ev yw neb a wrug an nor der y nerth, ev re fondyas an nor der y furneth hag ystynn an nevow der y dhoethter.

Yeremia 10:16

Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Yeremia 33:2

Yndellma y lever an Arloedh a wrug an nor, an Arloedh a'n formyas dh'y fastya – an Arloedh yw y hanow:

Yeremia 50:11

Drefenn hwi dhe lowenhe, drefenn hwi dhe vos fest heudhik, hwi dhistruoryon ow ertach, kyn terlemmowgh avel denewes y'n aswels, ha kryghias avel mergh krev,

Yeremia 50:34

Aga Dasprenyas yw krev; Arloedh an luyow yw y hanow. Ev a bled aga hen yn sur, may rollo powes dhe'n tir, mes ankres dhe annedhysi Babylon.

Yeremia 51:5

Rag ny veu Ysrael na Yuda gwrys gwedhow gans aga Duw, Arloedh an luyow, kynth yw aga thir leun a gabel erbynn an Sans a Ysrael.

Kynvannow 3:24

‘Ow rann yw an Arloedh’, yn-medh ow enev, ‘rakhenna govenek a'm beus ynno.’

Dewteronomi 32:9

Rag rann an Arloedh yw y bobel; Yakob yw kevrenn y eretons.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.