Yeremia 51:16 - An Bibel Kernewek 20234 (Kernewek Kemmyn)

¹⁶ Pan dhrehav y lev yma tervans dowrow y'n nevow, hag ev a wra niwl dhe sevel a-dhiworth pennow an nor. Ev a wra lughes gans an glaw, hag ev a dhre gwyns yn-mes a'y dresoryow.

Yeremia 51:16 ပူးပေါင်းရင်းမြစ်များ

Jenesis 8:1

Mes Duw a borthas kov a Noy hag oll an bestes, hag oll an chatel esa ganso y'n gorhel ha Duw a wrug dhe wyns tremena war an nor ha bashes veu an dowrow.

Job 37:13

Po rag kessydhyans, po rag y dir po rag tregeredh, ev a wra dhedha dos.

Job 38:22

‘A entersys yn gwithvaow an ergh, po gweles gwithvaow an keser

Job 40:9

Eus bregh dhis kepar ha bregh Duw, a yll dha lev tarenna kepar ha'y lev ev?

Salmow 104:7

Orth dha geredh i a fias dhe'n fo; orth lev dha daran i a fyskas dhe-ves.

Salmow 135:7

Ev a wra dhe'n kommol yskynna dhiworth penn an nor; ev a wra lughes rag an glaw, ow tri an gwynsow yn-mes a'y dresorvaow.

Salmow 147:18

Ev a dhyllo y lavar ha'ga theudhi; ev a wra dh'y wyns hwytha, ha'n dowrow a dhewrak.

Salmow 18:13

An Arloedh ynwedh a darennas y'n nevow, ha'n Ughella a ros y lev, keser ha kolennow tan.

Salmow 46:6

An kenedhlow a dervas, an gwlaskordhow a grenas; ev a ros y lev, an nor a deudhis.

Salmow 68:33

dhe neb a varghok war an nevow, an nevow koth; otta, ev a dhyllo y lev, ha henn yw lev galloesek.

Salmow 78:26

Ev a wrug dhe wyns an howldrevel hwytha y'n nevow, ha der y nerth ev a dhros gwyns an dyghow.

Eksodus 10:13

Ytho Moyses a ystynnas y welenn dres pow Ejyp, ha'n Arloedh a dhros gwyns a'n howldrevel war an tir oll an jydh na hag oll an nos na; ha pan o myttin, gwyns an howldrevel a dhros an lokustes.

Eksodus 10:19

Ha'n Arloedh a dreylyas gwyns pur grev a'n howlsedhes, a dhrehevis an lokustes ha'ga herdhya y'n Mor Rudh; ny veu gesys lokust vyth yn pow Ejyp oll.

Eksodus 14:21

Ena Moyses a ystynnas y dhorn dres an mor; ha'n Arloedh a herdhyas an mor war-dhelergh dre wyns krev a'n howldrevel oll an nos, ha gul dhe'n mor bos dor sygh, ha'n dowrow a veu rynnys.

Ezekiel 10:5

Son eskelli an cherubim o klewys bys y'n klos a-ves, kepar ha lev Duw Ollgalloesek pan usi ow kewsel.

Amos 9:7

A nyns owgh hwi kepar ha mebyon an Ethiopysi dhymm, A vebyon Ysrael? yn-medh an Arloedh. A ny dhres vy Ysrael yn-mes a bow Ejyp, ha'n Filistysi yn-mes a Kaftor, hag Aram yn-mes a Kir?

Yona 1:4

Mes an Arloedh a dheghesis gwyns bras war an mor, hag yth esa annawel vras y'n mor, may feu an gorhel yn peryll a vos terrys.

Yona 4:8

Ha pan dhrehevis an howl, Duw a dhannvonas gwyns toemm dhiworth an howldrevel, ha'n howl a weskis war benn Yona, may klamderas. Hag ev a bysis may farwa, ow leverel, ‘Gwell dhymm yw merwel es bewa.’