Yeremia 51:11 - An Bibel Kernewek 20234 (Kernewek Kemmyn)

¹¹ Lymmewgh an sethow! Lenwewgh an goenyow! An Arloedh re dhrehevis spyrys myghternedh an Medys, rag y dowl a-dro dhe Babylon yw hy distrui, rag henn yw dial an Arloedh, dial rag y dempel.

Yeremia 51:11 ပူးပေါင်းရင်းမြစ်များ

1 Myghternedh 11:14

Ena an Arloedh a dhrehevis eskar erbynn Solomon, Hadad an Edomyas, a deylu ryel Edom.

1 Myghternedh 11:23

Duw a sevis eskar arall erbynn Solomon, Rezon mab Elyada, re fias dhiworth y arloedh, Hadadezer myghtern Soba.

1 Kroniklys 5:26

Ytho Duw Ysrael a wrug dhe spyrys Pul myghtern Assyria difuna, spyrys Tiglath-pileser myghtern Assyria, hag ev a dhug dhe-ves an Rewbenysi, an Gadysi, ha'n hanter-loeth Manasse, ha'ga dri dhe Halagh, Habor, Hara, ha dhe'n avon Gozan, bys y'n jydh ma.

2 Kroniklys 36:22

Yn kynsa blydhen Kyrus myghtern Persia, ow kollenwel ger an Arloedh kewsys dre anow Yeremia, an Arloedh a wrug dhe spyrys Kyrus myghtern Persia difuna, hag ev a dhannvonas kannas der oll y ruvaneth, hag yn skrif maga ta, ow leverel:

Ezra 1:1

Yn kynsa blydhen Kyrus myghtern Persia, may fe kollenwys ger an Arloedh dre anow Yeremia, an Arloedh a wrug spyrys Kyrus myghtern Persia dhe dhifuna, may tannvonna gwarnyans der y wlaskor oll, hag ynwedh ev a'n gwrug yn skrif, ow leverel,

Ysay 10:26

Arloedh an luyow a wra dhe skorja difuna er aga fynn, kepar dell weskis Midyan orth karrek Oreb, ha'y lorgh a vydh war an mor, kepar hag yn Ejyp.

Ysay 21:2

Gwelesigeth asper yw disklerys dhymm; an traytour a drayt, an gwastyer a wast. Yskynn, Elam, gwra esedhva, Media; my a wrug dhe oll hy hanasow hedhi.

Ysay 21:5

I a bareus moesow, i a les an strelyow; i a dheber, i a yv. Sevewgh, hwi pennsevigyon, olewewgh an skoes!

Ysay 41:25

My a wrug dhe onan difuna dhiworth an gledhbarth hag ev a dheu, dhiworth an howldrehevel, hag ev a elow war ow hanow. Ev a stank war rewloryon kepar dell ve war leys, dell drett an priweythor an pri.

Ysay 45:1

Yndellma y lever an Arloedh dh'y untys, dhe Kyrus, neb a synsis vy er y leuv dhyghow, rag fetha kenedhlow a-ragdho, ha dhe dhigelmi diwglun myghternedh, dhe igeri darasow a-ragdho, ha ny vydh yetys deges:

Ysay 45:5

My yw an Arloedh, ha nyns eus ken; a-der my nyns eus duw; my a'th arv, kyn na'm aswonnsys,

Ysay 46:11

ow kelwel edhen-breydh dhiworth an howldrevel, an gour rag ow forpos a vro bell. My re gewsis, ha my a'n kowlwra; my re dewlis, ha my a'n gwra.

Yeremia 25:25

hag oll myghternedh Zimri, hag oll myghternedh Elam, hag oll myghternedh an Medys;

Yeremia 46:3

Pareusewgh bokler ha skoes ha dewgh nes dhe'n vatel!

Yeremia 46:4

Hernessyewgh an vergh; yskynnewgh, marghogyon! Kemmerewgh agas savleow gans agas basnettow, gwrewgh dh'agas lonsow lentri, gwiskewgh agas kaspowsyow.

Yeremia 46:9

Yn-rag, hwi vergh, ha fyski yn fuskok, hwi jarettow! Gas an vreselyoryon dhe vos yn-rag: gwer Ethiopia ha Put hag a dheg an skoes, gwer Lud hag a denn an warak.

Yeremia 50:25

An Arloedh re igoras y arvji, ha dri yn-mes arvow y sorr, rag hemm yw oberenn an Arloedh Duw an luyow yn tir an Kaldeanys.

Yeremia 50:3

Rag yn-mes a'n gogledh y teu kenedhel er hy fynn, a wra hy thir ynyal, ha ny drig denvyth ynno, ha den ha best a fi dhe-ves.

Yeremia 50:45

Ytho klewewgh kusul an Arloedh erbynn Babylon, ha'n porposys re wrug ev erbynn tir an Kaldeanys: Yn sur an lyha a'n flokk a vydh draylys dhe-ves; yn sur ev a wra aga feurva ynyal ragdha.

Yeremia 50:9

Rag otta, my a dhifun kuntelles a genedhlow meur a dir an gogledh, ha'ga dri yn-bann erbynn Babylon; hag i a omsett yn aray er hy fynn; alena hi a vydh kemmerys. Aga sethow yw avel kasor sleygh na dhehwel gwag y leuv.

Yeremia 51:12

Sevewgh baner erbynn fosow Babylon; krevhewgh an goel; settyewgh goelyadoryon; pareusewgh an kontrewaytyansow; rag an Arloedh re dewlis ha re wrug an pyth a gewsis a-dro dhe annedhysi Babylon.

Yeremia 51:24

My a attal dhe Babylon ha dhe oll annedhysi Kaldea rag oll an drog re wrussons yn Sion yn agas golok, yn-medh an Arloedh.

Yeremia 51:35

Re bo diellys war Babylon an drog gwrys er ow fynn hag erbynn ow hig’, yn-medh annedhysi Sion. ‘Re bo diellys ow goes war annedhysi Kaldea’, yn-medh Yerusalem.

Yeremia 51:36

Ytho yndellma y lever an Arloedh: Otta, my a bled dha gen ha diella ragos. My a dhesygh hy mor ha gul dh'y fenten bos sygh;

Daniel 5:30

An keth nos na y feu ledhys Belshassar, myghtern an Kaldeanys,

Yoel 3:10

Mortholyewgh agas soghyow yn kledhedhyow, ha'gas higow-skethra yn guwow; Gwres an gwann leverel, ‘Kasor ov vy!’

Yoel 3:9

Deklaryewgh hemma yn mysk an kenedhlow: pareusewgh rag bresel sans, gwrewgh dhe'n vreselyoryon difuna. Des oll an soudoryon yn-rag, i yn-bann.

Levitikus 26:25

Ha my a dhre kledha warnowgh dhe dhiella an kevambos; ha pan owgh hwi kuntellys war-barth a-berth yn agas sitys, my a dhannvon an pla yn agas mysk, ha hwi a vydh res a-ji dhe dhorn an eskar.

Zekaria 14:12

Hemma a vydh an plag a wra an Arloedh y dhannvon dhe weskel oll an poblow re vatalyas orth Yerusalem; aga hig a beder hag i ow sevel war aga threys aga dewlagas a beder yn aga krawyow; ha'ga thaves a beder yn aga ganow.

Zekaria 14:2

My a wra kuntell oll an kenedhlow erbynn Yerusalem rag kas; ha'n sita a vydh kemmerys, ha'n chiow pyllys, ha'n benynes defolys. Hanter an sita a dheu yn divroedh, mes an remenant ny vydh treghys dhe-ves dhiworth an sita.