Yeremia 51:1 - An Bibel Kernewek 20234 (Kernewek Kemmyn)

¹ Yndellma y lever an Arloedh: Otta, my a wra dhe dhifuna erbynn Babylon hag erbynn annedhysi Kaldea an spyrys a dhistruer;

Yeremia 51:1 ပူးပေါင်းရင်းမြစ်များ

2 Myghternedh 19:7

Ottavy ow korra ynno spyrys, ha pan glew kyhwedhel ev a dhehwel dh'y bow y honan; ha my a wra dhodho koedha der an kledha yn y bow y honan.” ’

Salmow 137:8

A Vyrgh Babylon, re bi ty ynwedh distruys, gwynn y vys neb a attal dhis kepar dell wrussys dhyn ni.

Ysay 13:13

Rakhenna my a wra dhe'n nevow krena, ha'n norvys a vydh shakys dhiworth y le, yn konnar Arloedh an luyow, yn dydh y sorr fers.

Ysay 14:14

my a yskynn a-ugh keyn an kommol; my a vydh kepar ha'n Ughella.’

Ysay 21:1

Profoesans a-dro dhe wylvos an mor. Kepar dell dremen hwaffys awelyow y'n Negeb, ev a dheu dhiworth an gwylvos, dhiworth tir euthyk.

Ysay 47:1

Deus yn-nans hag esedh y'n doust, A wyrghes, myrgh Babylon! Esedh war an dor heb tron, myrgh Kaldea! Rag ny'th henwir na fella tender ha bleudh.

Yeremia 23:19

Otta, korwyns an Arloedh! konnar res eth yn-mes, hag annawel ow troyllya: troyllya a wra war benn an debeles.

Yeremia 49:36

ha my a dhre war Elam an peswar gwyns a beswar korn nev; ha my a's skatter dhe oll an gwynsow ma, ha ny vydh kenedhel vyth dhedhi ma na dheu dhodho fowesigyon Elam.

Yeremia 50:21

Ke yn-bann erbynn tir Merathaym, hag erbynn annedhysi Pekod, ha'ga gorladha, ha'ga sakra dhe dhistruyans leun, yn-medh an Arloedh; gwra pup-tra re worhemmynnis dhis.

Yeremia 50:24

My a settyas maglenn ragos ha ty a veu kechys, A Babylon, mes ny wodhyes; ty a veu kevys ha dalghennys drefenn ty dhe strivya erbynn an Arloedh.

Yeremia 50:29

Gelwewgh sethoryon erbynn Babylon, oll an re a bleg an warak. Kampyewgh oll a-dro dhedhi; na esewgh denvyth dhe dhiank. Attelewgh dhedhi war-lergh hy gweythresow; kepar dell wrug hi, gwrewgh dhedhi – rag hi re eryas an Arloedh yn falgh, an Sans a Ysrael.

Yeremia 50:33

Yndellma y lever Arloedh an luyow: Mebyon Ysrael ha mebyon Yuda o arweskys war-barth; hag oll a's kemmeras yn kethneth a's synsis fast ha nagha gasa dhedha mos.

Yeremia 50:9

Rag otta, my a dhifun kuntelles a genedhlow meur a dir an gogledh, ha'ga dri yn-bann erbynn Babylon; hag i a omsett yn aray er hy fynn; alena hi a vydh kemmerys. Aga sethow yw avel kasor sleygh na dhehwel gwag y leuv.

Yeremia 51:53

Kyn yskynno Babylon dhe nev, ha kyn kerro hy ughelder krev, a-dhiworthiv distruoryon a dheu warnedhi, yn-medh an Arloedh.

Yeremia 51:60

Yeremia a skrifas yn unn rol-skrifa oll an anfeusi a dho war Babylon, oll an geryow ma yw skrifys a-dro dhe Babylon.

Ezekiel 19:12

Mes hi a veu diwreydhys yn sorr, ha tewlys dhe'n dor; gwyns an est a's desyghas; hy frut a veu destryppys, hy garr grev a wedhras; tan a's dybris.

Hosea 13:15

Kyn hwra ev doen frut yn mysk y vreder, gwyns an Est a dheu, gwyns an Arloedh ow tos yn-bann dhiworth an difeyth. Y fenten a vydh desyghys, ha'y buth a hesk. Ev a byll pub lester drudh a'n dresorva.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Zekaria 2:8

Rag yndellma y leveris Arloedh an luyow, wosa y wolewder dhe'm dannvon dhe'n kenedhlow a wrug agas pylla; rag piwpynag a wrello agas tochya a doch bew y lagas.

Oberow 9:4

hag ev a goedhas dhe'n dor, ha klewes lev ow leverel dhodho, ‘Sowl, Sowl, prag y'm helghydh vy?’