Yeremia 50:6 - An Bibel Kernewek 20234 (Kernewek Kemmyn)

⁶ Ow fobel re beu deves kellys; aga bugeledh re's ledyas yn stray, orth aga threylya dhe-ves war an menydhyow; i res eth a'n menydh dhe'n vre, i re ankovas aga horlann.

Yeremia 50:6 ပူးပေါင်းရင်းမြစ်များ

Salmow 116:7

Dehwel dhe'th powesva, ow enev, rag an Arloedh re beu da orthis.

Salmow 119:176

My re wandras yn sowdhan avel davas yw kellys; hwila dha was, rag ny ankevis dha worhemmynnow.

Salmow 23:2

Ev a wra dhymm growedha yn peurvaow gwyrdh; ev a'm hembronk ryb an dowrow kosel.

Salmow 32:7

Ty yw ow hovva, ty a'm gwith rag anken; ty a dheu a-dro dhymm gans kanow livreson. Sela.

Salmow 90:1

A Arloedh, ty re beu agan skovva a unn henedh dhe'n nessa.

Salmow 91:1

Seul a drig yn skovva an Ughella a bowes yn-dann woskes an Ollgalloesek.

Ysay 1:3

Ojyon a woer y berghennek hag asen presep y vester, mes Ysrael ny woer, ow fobel ny gonvedh.

Ysay 30:15

Rag yndellma y lever an Arloedh Duw, Sans Ysrael: Yn edrega ha powes hwi a vydh selwys, yn kosoleth ha fydhyans y fydh agas nerth, mes ny'n mynnewgh.

Ysay 32:2

Pubonan a vydh avel kudhva rag an gwyns, ha skovva rag an annawel, avel goverow dowr yn tir sygh, avel an skeus a garrek bras yn tir skwith.

Ysay 53:6

Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Yeremia 10:21

Rag an vugeledh yw gokki, ha ny hwilsons an Arloedh; rakhenna ny sewenons hag oll aga flokkys a vydh skattrys.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Yeremia 2:20

Rag nans yw pell ty a dorras dha yew, ha tardha dha rawyow; ha ty a leveris, ‘Ny wrav vy servya’; rag war bub bre ughel hag yn-dann bub gwydhenn las ty a wandras, owth horya.

Yeremia 2:32

A yll maghteth ankevi hy thegennow, po benyn bries hy gwisk? Mes ow fobel re'm ankovas, dydhyow heb niver.

Yeremia 23:1

Go-i an vugeledh a dhistru ha skattra deves ow feurva! yn-medh an Arloedh.

Yeremia 3:23

Yn hwir euver yw toell an breow, ha tervans an menydhyow: yn hwir y'n Arloedh agan Duw yma selwyans Ysrael.

Yeremia 3:6

An Arloedh a leveris dhymm ynwedh yn dydhyow Yosia an myghtern: A welsys an taklow dislel a wrug Ysrael? Hi yw yskynnys war bub menydh ughel hag yn-dann bub wydhenn las, hag ena hi re horyas.

Yeremia 33:12

Yndellma y lever Arloedh an luyow: Arta y'n tyller ma hag yw ynyal, heb den na best, hag yn oll y sitys, y fydh peurva rag bugeledh dhe ri powes dh'aga flokkys.

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Yeremia 50:19

My a dhri Ysrael arta dh'y beurva, hag ev a voes war Karmel hag yn Bashan, ha war vreow Efraym hag yn Gilead y nown a vydh gwalghys.

Ezekiel 13:10

Drefenn i dhe ledya ow fobel yn sowdhan, ow leverel, ‘Kres’, pan nag eus kres; ha pan vo fos tanow drehevys, i a'n gwynngalgh:

Ezekiel 34:14

My a's mag yn peurva dha, ha war venydhyow ughel Ysrael y fydh aga frasow. I a wrowedh yn peurva dha, hag yn prasow rych i a vydh megys war venydhyow Ysrael.

Ezekiel 34:15

My ow honan a vydh bugel ow deves, ha my a wrav dhedha growedha, yn-medh an Arloedh Duw.

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Matthew 10:6

mes kyns oll ewgh dhe dheves kellys chi Ysrael.

Matthew 15:24

Mes ev a worthybis, ow leverel, ‘Ny veuv vy dannvenys saw dhe dheves kellys chi Ysrael.’

Matthew 9:36

Hag ev, ow mires orth an routhow, a gemmeras truedh anedha, drefenn aga bos troblys ha diweres kepar ha deves heb bugel.

1 Peder 2:25

Rag yth esewgh ow mos yn sowdhan kepar ha deves, mes lemmyn treylys owgh hwi dhe'n bugel ha'n epskop a'gas enev.