Yeremia 50:44 - An Bibel Kernewek 20234 (Kernewek Kemmyn)

⁴⁴ Otta, ev a dheu avel lew a-dhiworth kaswydh an Yordan erbynn peurva a dhur der an vlydhen, a-dhesempis my a's chas yn-mes anedhi. Piw yw an den dewisys a apoyntyav rag hemma? Piw yw haval dhymm? Piw a yll ow chalenjya? Piw yw an bugel a yll sevel er ow fynn?

Yeremia 50:44 ပူးပေါင်းရင်းမြစ်များ

Salmow 89:6

Rag piw y'n nevow a yll bos kehaval dhe'n Arloedh? Piw yn mysk mebyon an duwow a yll bos haval dhe'n Arloedh?

Salmow 89:8

A Arloedh, Duw an luyow, piw yw galloesek avelos jy, A Arloedh? Yma dha lelder a-dro dhis.

Eksodus 15:11

‘Piw yw haval dhis, A Arloedh, yn mysk an duwow? Piw yw haval dhis, meur yn sansoleth, euthyk yn gwriansow splann, ow kul marthusyon?

Ysay 40:18

Piw dhodho yth hevelebowgh Duw, po py hevelep a vynnowgh y wul dhodho?

Ysay 40:25

Ytho piw dhodho y'm hevelebowgh, may fiv par dhodho? yn-medh an Sans.

Ysay 41:25

My a wrug dhe onan difuna dhiworth an gledhbarth hag ev a dheu, dhiworth an howldrehevel, hag ev a elow war ow hanow. Ev a stank war rewloryon kepar dell ve war leys, dell drett an priweythor an pri.

Ysay 43:10

‘Hwi yw ow dustunioryon’, y lever an Arloedh, ha'm gwas a dhewisis, rag may hwodhvowgh ha krysi dhymm, ha konvedhes, my dhe vos ev. Kyns my ny veu Duw formys, na ny vydh nevra war ow lergh.

Ysay 46:11

ow kelwel edhen-breydh dhiworth an howldrevel, an gour rag ow forpos a vro bell. My re gewsis, ha my a'n kowlwra; my re dewlis, ha my a'n gwra.

Ysay 46:9

Perthewgh kov a'n taklow koth a henys; rag my yw Duw, ha nyns eus ken; my yw Duw, ha nyns eus onan haval dhymm,

Ysay 48:14

Omguntellewgh, hwi oll, ha klewewgh: piw anedha re dhiskwedhas an taklow ma? An Arloedh a'n kar, ev a gowlwra y borpos war Babylon, ha'y vregh a vydh erbynn Kaldea.

Yeremia 12:5

Mar resys erbynn tus war droes hag i a'th skwithhas, fatell yllydh resek erbynn mergh? Ha mar koedhydh yn tir kompes, fatell wredh henna yn kaswydh an Yordan?

Yeremia 25:38

Ev re asas y govva avel lew; rag aga thir yw ynyal drefenn kledha an arwasker, ha drefenn y sorr fers an Arloedh.

Yeremia 30:21

Ha'ga fennsevigyon a vydh kemmerys a'ga honan, ha'ga governour a dheu a'ga mysk; my a'n dre yn ogas, hag ev a dheu nes dhymm, poken piw a vedha nesa dhymm? yn-medh an Arloedh.

Yeremia 50:15

Germewgh orti a bub tenewen, ‘Hi re omros; hy thouryow yw koedhys, hy fosow yw tewlys dhe'n dor.’ Rag hemm yw dial an Arloedh: diellewgh warnedhi, gwrewgh dhedhi an pyth a wrug hi.

Zekaria 11:3

Yma son oulyans an vugeledh, a-ban veu shyndys aga splannder. Yma son bedhygla an lewyon yowynk, rag bos shyndys meuredh an Yordan.

Niverow 16:5

hag ev a leveris dhe Koragh ha'y gowetha oll, ‘Y'n myttin an Arloedh a wra diskwedhes piw yw dhodho, ha piw yw sans, hag a wra dhodho dos nes dhodho; ev neb a dhewis ev a'n gwra dhe dhos nes dhodho.