Yeremia 50:42 - An Bibel Kernewek 20234 (Kernewek Kemmyn)

⁴² I a syns an warak ha'n guw, i yw fell ha ny dhiskwedhons truedh. Aga lev a romm avel an mor; i a varghogeth war vergh, settys yn aray avel gour rag batel, er dha bynn, A vyrgh Babylon!

Yeremia 50:42 ပူးပေါင်းရင်းမြစ်များ

Salmow 46:6

An kenedhlow a dervas, an gwlaskordhow a grenas; ev a ros y lev, an nor a deudhis.

Salmow 74:20

Gwra vri a'n kevambos, rag tylleryow tewl an nor yw leun a annedhow garowder.

Ysay 14:6

neb a weskis poblow yn sorr gans strokosow heb hedhi, hag yn konnar fetha kenedhlow gans arwask heb fronn.

Ysay 47:1

Deus yn-nans hag esedh y'n doust, A wyrghes, myrgh Babylon! Esedh war an dor heb tron, myrgh Kaldea! Rag ny'th henwir na fella tender ha bleudh.

Ysay 47:6

My a sorras orth ow fobel, my a dhisakras ow ertach; my a's ros y'th tiwdhorn, ny dhiskwedhsys truedh dhedha; war an re goth y hwrussys dha yew fest poes.

Ysay 5:28

Y sethow yw lymmys hag oll y waregow yw plegys; karnow y vergh yw reknys avel kellester, ha'y rosow avel an korwyns.

Ysay 5:30

Y'n jydh na ev a romm warnodho avel grommya an mor. Mar mirir orth an tir, awotta tewlder hag ankres; golow a vydh tewlhes gans an kommol.

Yeremia 30:14

Oll dha garoryon re'th ankovas; ny'th hwilons rag my re'th holyas gans goli eskar, gans keredh a dhen fell, drefenn bos meur dha anewnder, drefenn dha beghosow dhe ynkressya.

Yeremia 47:3

Orth tros stankya karnow y vergh krev, orth klattrans y jarettow, orth grommyans aga rosow, ny dreyl an tasow dhe sawya aga fleghes, mar wann yw aga diwleuv,

Yeremia 50:14

Omsettyewgh yn aray erbynn Babylon oll a-dro; hwi oll neb a bleg an warak, tennewgh orti, na sparyewgh sethow, rag hi re beghas erbynn an Arloedh.

Yeremia 50:9

Rag otta, my a dhifun kuntelles a genedhlow meur a dir an gogledh, ha'ga dri yn-bann erbynn Babylon; hag i a omsett yn aray er hy fynn; alena hi a vydh kemmerys. Aga sethow yw avel kasor sleygh na dhehwel gwag y leuv.

Yeremia 51:27

Drehevewgh baner y'n tir, hwythewgh hirgorn yn mysk an kenedhlow; pareusewgh an kenedhlow rag bresel er hy fynn, gelwewgh er hy fynn an gwlaskordhow, Ararat, Minni hag Ashkenaz; ordenewgh kaslewydh er hy fynn, drewgh yn-rag mergh avel hes lokustes.

Yeremia 8:16

Ronkow aga mergh a veu klewys a-dhiworth Dan: orth son kryghias aga mergh krev an tir kowal a grenas; i re dheuth ha gwastya an tir, ha pup-tra eus ynno: an sita ha'n re usi trigys ynni.

Ezekiel 26:3

rakhenna yndellma y lever an Arloedh Duw: Otta, yth esov er dha bynn, A Tyr, ha my a dhre yn-bann lies kenedhel er dha bynn, kepar dell wra an mor dri y donnow yn-bann.

Yoel 2:5

Kepar ha gans tros charettow, lemmel a wrons war bennow an menydhyow, avel tros flamm tan ow tevorya an sowl, avel pobel grev arayys rag kas.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

Diskwedhyans 16:6

Rag i a skoellyas goes an syns ha'n brofoesi, ha ty re ros dhedha goes dhe eva. Gwiw yns i a henna!’