Yeremia 50:39 - An Bibel Kernewek 20234 (Kernewek Kemmyn)

³⁹ Rakhenna enyvales gwyls a vydh trigys gans an owrgeun ha strusyow a vydh trigys ynni; ny vydh hi peblys arta bys vykken, na annedhys a henedh dhe henedh.

Yeremia 50:39 ပူးပေါင်းရင်းမြစ်များ

Ysay 14:23

My a's gwra yn perghennogeth rag sort, ha pollow dowr, ha'y skuba dhe-ves gans an skubell a gollva, yn-medh Arloedh an luyow.

Yeremia 25:12

Ha pan vydh diwedh dhe'n deg blydhen ha tri-ugens, my a gessydh myghtern Babylon ha'n genedhel na, yn-medh an Arloedh, rag aga anewnder, ha tir an Kaldeanys, ha'y wul difeyth bys vykken.

Yeremia 50:3

Rag yn-mes a'n gogledh y teu kenedhel er hy fynn, a wra hy thir ynyal, ha ny drig denvyth ynno, ha den ha best a fi dhe-ves.

Yeremia 51:26

Ny gemmerons ahanas men rag kornell na men rag selven mes ty a vydh ynyalder bys vykken, yn-medh an Arloedh.

Yeremia 51:43

Hy sitys yw devedhys ha bos euth, tir syghor ha difeythtir, tir le ma nag eus trigys denvyth, ha dredho ma na dremen mab-den.

Diskwedhyans 18:2

Hag ev a armas, nerthek y lev, ow leverel, ‘Koedhys, koedhys yw Babylon vras, ha devedhys yw trigva dywolow ha menowghva pub spyrys avlan, ha menowghva pub edhen avlan, ha menowghva pub best avlan ha kasadow.