Yeremia 50:36 - An Bibel Kernewek 20234 (Kernewek Kemmyn)

³⁶ Kledha erbynn an goelyogyon, mayth ellons ha bos fellyon! Kledha erbynn hy breselyoryon, may fons lenwys a euth!

Yeremia 50:36 ပူးပေါင်းရင်းမြစ်များ

Yeremia 49:22

Otta, ev a yskynn ha nija avel an er ha lesa y dhiwaskell war Bosra, ha kolonn breselyoryon Edom y'n jydh na a vydh avel kolonn benyn yn hy gwelivesi.

Nahum 3:13

Awotta, dha dus a-berth ynnos yw benynes; igerys a-les dhe'th eskerens yw porthow dha dir, tan a dhevor barrys dha yetys.

Ysay 44:25

neb a lett toknys oferysi-dhargan, hag a wra ges a goelyogyon; neb a dreyl tus fur war-dhelergh, ha gul foll aga godhvos;

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.

1 Timothi 6:4

yw goethus, heb konvedhes travyth, mes yma dhodho hwans anyagh dhe dhadhlow ha dhe dhisputyansow a-dro dhe eryow. Dhiworth an taklow ma y teu avi, strivyans, kabel, gogrysyow drog,

1 Timothi 4:2

yn falsuri gowleverysi, leskys aga howses gans horn.

Nahum 3:7

Hag y hwyrvydh, kemmys neb a vir warnas a blynch dhiworthis, ha leverel, ‘Nineve yw gwastys: piw a wra kyni warnedhi? A-ble hwilav konfortoryon rygdhi?’

Nahum 2:8

Mes Nineve – yma hy dowrow kepar ha poll dowr: i a fi dhe-ves; ‘Sevewgh, sevewgh’, a grions, mes ny dreyl denvyth.

Yeremia 51:32

an rysyow re beu sesys, ha'n gorthfosow leskys gans tan, ha'n soudoryon a's teves own.

Yeremia 51:30

Breselyoryon Babylon re hepkorras omladh, i a worta yn aga dinasow; aga nerth re fyllis, i res eth ha bos avel benynes; tan re beu gorrys yn hy annedhow, hy barrow yw terrys.

Yeremia 51:23

genes my a vrew an bugel ha'y flokk; genes my a vrew an tiek ha'y yew a oghen; genes my a vrew governours ha soedhogyon.

Yeremia 50:30

Rakhenna hy gwer yowynk a goedh yn hy flenys, hag oll hy breselyoryon a vydh distruys y'n jydh na, yn-medh an Arloedh.

Yeremia 48:30

My a woer y sorr, yn-medh an Arloedh; y vraslavarow yw fals, y weythresow yw fals.

Ysay 43:14

Yndellma y lever an Arloedh, dha dhasprenyer, an Sans a Ysrael: A'gas govis y tannvonav dhe Babylon, ha distrui aga fowesigyon oll, y'n gorholyon mayth esa aga kriow lowen ow tasseni.

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

2 Samuel 17:14

Hag Absalom hag oll gwer Ysrael a leveris, ‘Kusul Hushay an Arkyas yw gwell ages kusul Ahithofel.’ Rag an Arloedh re worhemmynnsa dhe lesta kusul dha Ahithofel, may halla an Arloedh dri drog war Absalom.

2 Samuel 15:31

Lemmyn y feu derivys dhe Davydh bos Ahithofel yn mysk an vrasoryon gans Absalom. Ytho Davydh a leveris, ‘A Arloedh, my a'th pys, treyl kusul Ahithofel dhe follneth.’