Yeremia 50:31 - An Bibel Kernewek 20234 (Kernewek Kemmyn)

³¹ Otta, yth esov er dha bynn, A dhen balgh, yn-medh an Arloedh, Duw an luyow; rag dha dhydh yw devedhys, an termyn ma'th kessydhyav.

Yeremia 50:31 ပူးပေါင်းရင်းမြစ်များ

Ysay 2:12

Rag yma dhe Arloedh an luyow dydh erbynn pubonan yw goethus hag ughel, hag erbynn pubonan yw eksaltys, hag i a vydh uvelhes;

Yeremia 21:13

Otta, yth esov er dha bynn, a annedhyas an nans, ha karrek an plen, y lever an Arloedh; hwi neb a lever, ‘Piw a yll dos yn-nans er agan pynn? ha piw a yll entra yn agan annedhow?’

Yeremia 48:29

Ni re glewas a woeth Moab – ha pur woethus yw ev – a'y ughelder, ha'y woeth ha'y valghder, hag a'y golonn howtyn.

Yeremia 49:16

An browagh gwrys genes ha goeth dha golonn re's toellas, ty usi trigys yn folsyow an garrek, neb a syns ughelder an vre. Kyn hwredh dha neyth mar ughel ages an er, alena my a'th tre dhe'n leur, yn-medh an Arloedh.

Yeremia 50:29

Gelwewgh sethoryon erbynn Babylon, oll an re a bleg an warak. Kampyewgh oll a-dro dhedhi; na esewgh denvyth dhe dhiank. Attelewgh dhedhi war-lergh hy gweythresow; kepar dell wrug hi, gwrewgh dhedhi – rag hi re eryas an Arloedh yn falgh, an Sans a Ysrael.

Yeremia 50:32

An den balgh a drebuch ha koedha, heb denvyth dh'y dhrehevel, ha my a enow tan yn y sitys, hag a gowllesk pup-tra a-dro dhodho.

Yeremia 51:25

Otta, yth esov er dha bynn, A venydh a dhistruyans, yn-medh an Arloedh, a dhistru oll an nor; my a ystynn ow leuv er dha bynn ha dha dhraylya dhe'n leur a'n klegeryow, ha gul dhis bos menydh leskys.

Ezekiel 29:3

Kows ha lavar, Yndellma y lever an Arloedh Duw: Otta, yth esov er dha bynn, A Faro myghtern Ejyp, an dhragon vras ow krowedha yn mysk hy avonyow, neb a leveris dhymm, ‘Dhymmo vy yw ow Nil; my a'n gwrug ragov vy ow honan.’

Ezekiel 38:3

ha lavar: Yndellma y lever an Arloedh DUW: Otta, yth esov er dha bynn, A Gog, chyf pennsevik Meshek ha Tubal.

Ezekiel 39:1

Ha ty, A vab den, profoes erbynn Gog, ha lever, Yndellma y lever an Arloedh Duw: Otta, yth esov er dha bynn, A Gog, chyf pennsevik Meshek ha Tubal;

Ezekiel 5:8

rakhenna yndellma y lever an Arloedh Duw: Mir, my ow honan, yth esov er dha bynn, ha my a wra breusow a-berth ynnos a-wel dhe'n kenedhlow.

Nahum 2:13

Awotta, yth esov er dha bynn, yn-medh Arloedh an luyow; ha my a lesk hy charettow y'n mog, ha'n kledha a lenk dha lewyon yowynk; ha my a worr diwedh dhe'th preydha y'n norvys, ha nevra namoy ny vydh klewys lev dha gannasow.

Nahum 3:5

mir, yth esov er dha bynn, yn-medh Arloedh an luyow, ha my a dhrehav dha lostennow dres dha fas; my a dhiskwa dha noethedh dhe'n kenedhlow, ha'th tisenor dhe'n gwlaskordhow.

Jamys 4:6

Mes brassa gras y re ev; rakhenna y lever, ‘Duw a sev erbynn tus woethus, mes dhe dus uvel ev a re ras.’

1 Peder 5:5

Y'n keth vaner, hwi, a dus yowynk, bedhewgh gostydh dhe'n henavogyon, ha pubonan gwiskewgh uvelder an eyl dh'y gila, rag ‘Duw a sett orth tus woethus, mes dhe dus uvel, y re ev gras.’

Diskwedhyans 18:8

Rakhenna, yn unn jydh y teu hy flaow, ankow, hag ahwer, ha divoetter, ha gans tan hi a vydh leskys, rag bos krev an Arloedh Duw neb a's breus.’