Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yeremia 50:29 - An Bibel Kernewek 20234 (Kernewek Kemmyn)

29 Gelwewgh sethoryon erbynn Babylon, oll an re a bleg an warak. Kampyewgh oll a-dro dhedhi; na esewgh denvyth dhe dhiank. Attelewgh dhedhi war-lergh hy gweythresow; kepar dell wrug hi, gwrewgh dhedhi – rag hi re eryas an Arloedh yn falgh, an Sans a Ysrael.

အခန်းကိုကြည့်ပါ။ ကော်ပီ




Yeremia 50:29
28 ပူးပေါင်းရင်းမြစ်များ  

Ytho Moyses hag Aron eth a-ji dhe Faro, ha leverel dhodho, ‘Yndellma y lever an Arloedh, Duw an Ebrowyon, “Pygemmys prys y neghydh omuvelhe a-ragov? Gas ow fobel dhe vones ma'm serfyons.


Piw a wrussys y skonya ha'y gabla, ha piw y trehevsys dha lev er y bynn, ha drehevel dha dhewlagas yn-bann? Erbynn Sans Ysrael!


Ty a omglewo saw y'th troktra; ty a leveris, ‘Ny'm gwel denvyth.’ Dha skians ha'th aswonnvos a'th toellas, ha ty a leveris y'th kolonn, ‘My! Nyns eus ken onan a-der my.’


Rag i a vydh gwrys kethyon gans lies kenedhel ha myghternedh veur, i ynwedh; ha my a attal dhedha herwydh aga gwriansow hag ober aga diwleuv.


Gwrewgh dhodho bos medhow, drefenn ev dhe omvoghhe erbynn an Arloedh; gesewgh Moab dhe omlagenna yn y hwyj y honan; hag ev ynwedh a vydh ges.


An browagh gwrys genes ha goeth dha golonn re's toellas, ty usi trigys yn folsyow an garrek, neb a syns ughelder an vre. Kyn hwredh dha neyth mar ughel ages an er, alena my a'th tre dhe'n leur, yn-medh an Arloedh.


My a settyas maglenn ragos ha ty a veu kechys, A Babylon, mes ny wodhyes; ty a veu kevys ha dalghennys drefenn ty dhe strivya erbynn an Arloedh.


Dewgh er hy fynn a bub tu; igerewgh hy greunjiow; bernyewgh hi avel graghellow greun, ha'y distrui glan; bedhes travyth gesys anedhi.


An den balgh a drebuch ha koedha, heb denvyth dh'y dhrehevel, ha my a enow tan yn y sitys, hag a gowllesk pup-tra a-dro dhodho.


Rag otta, my a dhifun kuntelles a genedhlow meur a dir an gogledh, ha'ga dri yn-bann erbynn Babylon; hag i a omsett yn aray er hy fynn; alena hi a vydh kemmerys. Aga sethow yw avel kasor sleygh na dhehwel gwag y leuv.


My a attal dhe Babylon ha dhe oll annedhysi Kaldea rag oll an drog re wrussons yn Sion yn agas golok, yn-medh an Arloedh.


Na esewgh an sether dhe blegya y warak, na gwiska y gaspows. Na sparyewgh hy gwer yowynk; kowldhistruyewgh oll hy lu.


Babylon a dal koedha drefenn an re ledhys a Ysrael, dell goedhas re ledhys oll an nor drefenn Babylon.


rag distruer re dheuth er hy fynn, erbynn Babylon; hy breselyoryon yw kemmerys, aga gwaregow yw terrys; rag an Arloedh yw Duw a attal, ev a attal yn leun.


Yth esa hy avlander yn hy lostennow, ny ombrederi a'y thenkys; rakhenna marthys veu hy therroes, nyns esa dhedhi konforter vyth. ‘Gwel, A Arloedh, ow anken, rag an eskar re dryghis!’


Attal dhedha aga gwrians A Arloedh herwydh ober aga diwleuv.


‘Ha'n myghtern a wra herwydh y vodh; ev a omughelha hag omvostya a-ugh pub duw, ha leverel taklow euthyk erbynn Duw an duwow. Ev a sewen bys may fydh kowlwrys an sorr, rag an pyth apoyntys a vydh gwrys.


Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.


mes ty a omughelhas erbynn Arloedh an nevow. Lestri y ji re beu dres a-ragos, ha ty ha'th arlydhi, dha wragedh, ha'th iswragedh re evas gwin dhiworta; ha ty re wormolas an duwow a arghans hag owr, brons, horn, prenn ha men, neb na welons na klewes na godhvos; mes an Duw mayth usi dha anall yn y dhorn, hag oll dha hynsyow, ny wrussys y enora.


Rag ogas yw dydh an Arloedh rag oll an kenedhlow. Kepar dell wrussys, yndellma y fydh gwrys dhiso jy; dha attal a dheu war dha benn dha honan.


Rag gwiryon yw dhe Dhuw dhe attyli galar dhe'n re a wra agas duwenhe,


neb a omsett hag omdhrehevel a-ugh pup-tra yw henwys Duw, po yw gordhys, mayth esedh yn tempel Duw, ow teklarya ev y honan dhe vos Duw.


Rag i a skoellyas goes an syns ha'n brofoesi, ha ty re ros dhedha goes dhe eva. Gwiw yns i a henna!’


Rewgh dhedhi arta kepar dell ros hi ynwedh, ha rewgh dhedhi dewblek a'y gwriansow: y'n hanaf may kemmyskas hi, gwrewgh kemmyska dewblek.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ