Yeremia 50:27 - An Bibel Kernewek 20234 (Kernewek Kemmyn)

²⁷ Ledhewgh oll hy lodhnow, gesewgh i dhe vones yn-nans dhe'n ladhva. Go-i, aga dydh yw devedhys, termyn aga hessydhyans!

Yeremia 50:27 ပူးပေါင်းရင်းမြစ်များ

Job 18:20

Tus a'n howlsedhes a's teves marth a'y denkys, skruth a gemmer tus a'n howldrevel.

Salmow 22:12

Terewi pals re dheuth y'm kyrghynn, terewi krev a Bashan a omsett a-dro dhymm;

Salmow 37:13

An Arloedh a hwerth orto, rag ev a wel y dhydh ow tos.

Ysay 21:12

An goelyador a lever, ‘Yma myttin ow tos, ha nos ynwedh. Mar kovynnowgh, govynnewgh; Dehwelewgh, dewgh.’

Ysay 34:6

Yma dhe'n Arloedh kledha; lenwys yw a woes, gwalghys yw a vlonek, a woes eyn ha gever, a vlonek diwloneth hordhes; drefenn bos sakrifis dhe'n Arloedh yn Bosra ha ladhva vras yn pow Edom.

Ysay 34:7

Bualyon a goedh gansa, ha lodhnow gans terewi. Aga thir a yv goes lowr, ha'ga doust a vydh gwlyghys a vlonek.

Yeremia 12:3

Mes ty, A Arloedh, a'm aswonn: ty a'm gwel, ha previ ow holonn a-ragos. Gwra aga thenna yn-mes avel deves dhe'n ladhva, ha'ga fareusi erbynn dydh an ar.

Yeremia 25:34

Oulyewgh, hwi vugeledh, ha kria; omrolyewgh yn lusu, hwi arlydhi an flokk; rag dydhyow agas ladhva ha'gas keskar yw devedhys, ha hwi a goedh avel lester teg.

Yeremia 27:7

An kenedhlow oll a'n serv, ha'y vab, ha mab y vab, bys pan dheu termyn y dir y honan; ena lies kenedhel ha myghternedh veur a wra y gethhe.

Yeremia 46:21

Ynwedh hy gwer arvethys yn hy kres yw avel leughi peskys; rag i ynwedh re dreylyas ha fia war-barth, ny sevsons; rag dydh aga therroes re dheuth warnedha, ha termyn aga hessydhyans.

Yeremia 48:10

Milliges yw ev neb yw diek ow kul ober an Arloedh, ha milliges yw ev neb a with y gledha dhiworth skoellya goes.

Yeremia 48:15

Distruer Moab ha'y sitys re dheuth yn-bann, ha'y wer yowynk dhewisys res eth yn-nans dhe'n ladhva, yn-medh an Myghtern, Arloedh an luyow yw y hanow.

Yeremia 48:44

Seul a fi a'n browagh a goedh y'n pytt, ha seul a glamber yn-mes a'n pytt a vydh kechys y'n vaglenn. Rag my a dhre an traow ma war Moab yn blydhen aga hessydhyans, yn-medh an Arloedh.

Yeremia 50:11

Drefenn hwi dhe lowenhe, drefenn hwi dhe vos fest heudhik, hwi dhistruoryon ow ertach, kyn terlemmowgh avel denewes y'n aswels, ha kryghias avel mergh krev,

Yeremia 50:31

Otta, yth esov er dha bynn, A dhen balgh, yn-medh an Arloedh, Duw an luyow; rag dha dhydh yw devedhys, an termyn ma'th kessydhyav.

Yeremia 51:40

My a's dre dhe'n leur avel eyn dhe'n ladhva, avel hordhes ha boghes.

Kynvannow 1:21

I re glewas fatell wrug vy kyni; nyns eus dhymm konforter vyth. Oll ow eskerens a glewas a'm anken; lowen yns i drefenn ty dhe wul henna. Doroy an jydh a dherivsys, ha bedhens i kepar dell ov vy.

Diskwedhyans 18:10

I a sev a-bell der own a'y fayn, ow leverel, ‘Tru, tru, an sita vras, Babylon, an sita grev! rag yn unn our re dheuth dha vreus.’

Diskwedhyans 19:17

Ha my a welas unn el ow sevel y'n howl; hag ev a armas, ughel y lev, ow leverel dhe oll an ydhyn ow nija yn kres nev, ‘Dewgh, omguntellewgh war-barth dhe'n goen vras a Dhuw,