Yeremia 50:21 - An Bibel Kernewek 20234 (Kernewek Kemmyn)

²¹ Ke yn-bann erbynn tir Merathaym, hag erbynn annedhysi Pekod, ha'ga gorladha, ha'ga sakra dhe dhistruyans leun, yn-medh an Arloedh; gwra pup-tra re worhemmynnis dhis.

Yeremia 50:21 ပူးပေါင်းရင်းမြစ်များ

2 Samuel 16:11

Ena Davydh a leveris dhe Abishay, ha dhe oll y wesyon, ‘Awotta, ow mab, neb a dheuth yn-mes a'm kolodhyon vy, a hwila ow bewnans; pygemmys moy lemmyn y hyll an Benyaminyas ma y wul! Gesewgh ev dhodho y honan, ha gesewgh ev dhe vollethi; rag an Arloedh re worhemmynnis dhodho.

2 Myghternedh 18:25

Yn tevri, a dheuth vy erbynn an tyller ma heb bodh an Arloedh rag y dhistrui? An Arloedh a leveris dhymm, Ke erbynn an pow ma ha'y dhistrui.’

2 Kroniklys 36:23

‘Yndellma y lever myghtern Kyrus a Persia: An Arloedh, Duw an nev, re ros dhymmo oll ruvanethow an norvys, hag ev re worhemmynnis dhymm may treheffiv chi yn Yerusalem. Piw pynag yn agas mysk a oll y bobel, re bo ganso an Arloedh y Dhuw, hag es ev yn-bann.’

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Ysay 44:28

neb a gews a Kyrus, ‘Ow bugel yw ev, hag ev a gollenow ow forpos oll’; ow leverel a-dro dhe Yerusalem, ‘Bedhes dastrehevys’, hag a-dro dhe'n tempel, ‘Bedhes hy selven desedhys yn y le.’

Ysay 48:14

Omguntellewgh, hwi oll, ha klewewgh: piw anedha re dhiskwedhas an taklow ma? An Arloedh a'n kar, ev a gowlwra y borpos war Babylon, ha'y vregh a vydh erbynn Kaldea.

Ysay 48:15

My, my ow honan re gewsis ha'y elwel, my re'n dros, hag ev a wra seweni yn y fordh.

Yeremia 34:22

Otta, my a worhemmynn, yn-medh an Arloedh, ha gul dhedha dehweles dhe'n sita ma; hag i a omladh er hy fynn, ha'y leski gans tan. Trevow Yuda my a wra ynyal heb annedhyas.

Yeremia 48:10

Milliges yw ev neb yw diek ow kul ober an Arloedh, ha milliges yw ev neb a with y gledha dhiworth skoellya goes.

Yeremia 50:15

Germewgh orti a bub tenewen, ‘Hi re omros; hy thouryow yw koedhys, hy fosow yw tewlys dhe'n dor.’ Rag hemm yw dial an Arloedh: diellewgh warnedhi, gwrewgh dhedhi an pyth a wrug hi.

Yeremia 50:3

Rag yn-mes a'n gogledh y teu kenedhel er hy fynn, a wra hy thir ynyal, ha ny drig denvyth ynno, ha den ha best a fi dhe-ves.

Yeremia 50:9

Rag otta, my a dhifun kuntelles a genedhlow meur a dir an gogledh, ha'ga dri yn-bann erbynn Babylon; hag i a omsett yn aray er hy fynn; alena hi a vydh kemmerys. Aga sethow yw avel kasor sleygh na dhehwel gwag y leuv.

Ezekiel 23:23

mebyon Babylon hag oll an Kaldeanys, Pekod, ha Shoa, ha Koa, hag oll mebyon Assyria gansa, gwer yowynk desiradow, i oll governours ha rewloryon, penngasoryon charettow ha soedhogyon ughel, i oll ow marghogeth war vergh.

Dewteronomi 33:27

Duw heb diwedh yw skovva, hag a-woeles yma an breghow heb diwedh. Ev a fes an eskar a-ragos, hag ev a lever, ‘Distru!’

1 Samuel 15:3

Lemmyn, ke ha gwask Amalek, ha distru glan pup-tra a's teves, ha na wra aga sparya; mes ladh gour ha benyn, flogh ha fleghik, ojyon ha davas, kowrvargh hag asen.” ’