Yeremia 50:20 - An Bibel Kernewek 20234 (Kernewek Kemmyn)

²⁰ Y'n dydhyow na hag y'n termyn na, yn-medh an Arloedh, anewnder Ysrael a vydh hwithrys ha ny vydh nagonan; ha peghosow Yuda, ha ny vydh kevys nagonan; rag my a av an re a wrav aga gasa.

Yeremia 50:20 ပူးပေါင်းရင်းမြစ်များ

Salmow 103:12

mar bell dell usi an howldrevel dhiworth an howlsedhes, mar bell re worras ev agan kammwriansow dhiworthyn ni.

Salmow 17:3

Ty re brovas ow holonn; ty re wrug vri ahanav y'n nos; ty re'm assayas ha ny gevsys sherewneth ynnov; ny vydh ow ganow ow pegha.

Salmow 85:3

Ty re gemmeras dhe-ves oll dha sorr; ty re dreylyas dhiworth dha sorr fers.

Ysay 1:9

Mar ny assa dhyn Arloedh an luyow remenant byghan, y tothyen ni ha bos avel Sodom, y fien haval dhe Gomorra.

Ysay 10:21

Remenant a dhehwel, remenant Yakob, dhe'n Duw galloesek.

Ysay 33:24

Ny lever annedhyas, ‘My yw klav’; kammweyth an bobel trigys ynni a vydh gevys.

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Ysay 44:22

My re skubas dhe-ves dha dreuspassow avel kommolenn, ha'th peghosow avel niwl; dehwel dhymm, rag my re'th tasprenas.

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Yeremia 33:15

Y'n dydhyow na hag y'n termyn na my a wra Skorrenn a wiryonedh dhe sevel rag Davydh; ev a wra gwirvreus hag ewnder y'n tir.

Yeremia 33:8

My a's glanha a'ga hammhynseth oll may peghsons er ow fynn ha gul treuspass er ow fynn.

Yeremia 44:14

ny wra nagonan a remenant Yuda, yw gyllys dhe driga yn pow Ejyp, diank na skapya dhe dhehweles dhe bow Yuda dhe driga ena; kyn hwansons dehweles dhe driga ena, ny dhehwelons, marnas nebes fowesigyon.

Yeremia 50:4

Y'n dydhyow na hag y'n termyn na, yn-medh an Arloedh, pobel Ysrael a dheu, i ha pobel Yuda war-barth; i a dheu yn unn oela ow hwilas an Arloedh aga Duw.

Kynvannow 4:22

Kowlwrys yw kessydhyans dha sherewneth, a vyrgh Sion, ny wra ev dha witha yn divroedh na fella; ev re wrug dha gessydhya drefenn dha sherewneth, a vyrgh Edom, ha diskudha dha beghosow.

Ezekiel 18:22

Ny vydh kovhes er y bynn nagonan a'y dreuspassow re wrug; drefenn y wiryonedh a wrug, ev a vew.

Mika 7:19

Ev a gemmer truedh ahanan arta, ha trettya agan drogoberow yn-dann y dreys. Ty a dewl agan peghosow oll yn downder an mor.

Sefania 3:12

My a as ynwedh a-berth ynnos pobel boghosek ha gwann, hag i a hwila skovva yn hanow an Arloedh.

Zekaria 3:9

Awotta'n men a worris a-rag Yoshua! Yma seyth lagas war unn men, ha my a wra gravya skrifa warnodho, yn-medh Arloedh an luyow, ha my a wra remova pegh an tir ma yn unn jydh.

Niverow 23:21

Ny welir anewnder yn Yakob; na ny welas ahwer yn Ysrael. Yma an Arloedh aga Duw gansa, hag yma garm myghtern yn aga mysk.

Oberow 3:19

Rakhenna kemmerewgh edrek, ha treylyewgh may fo defendys dhe-ves agas peghosow,

Oberow 3:26

Ragowgh hwi yn kynsa, Duw a dhrehevis y was, ha'y dhannvon rag agas benniga orth agas treylya dhe-ves, yn kettep penn, dhiworth agas drogoberow.’

Romanyon 11:6

Ha mars yw a ras, nyns yw na fella a oberow, po ny via gras na fella gras.

Romanyon 5:16

Ha nyns yw an ro rydh haval dhe siwyans pegh an unn den na. Rag an vreus owth holya unn pegh a dhug dampnya, mes an ro rydh owth holya lies pegh a dheg ewnheans.

Romanyon 6:13

Ha na rewgh agas eseli dhe begh avel arvow anewnder, mes omrewgh dhe Dhuw avel tus dhastrehevys a vernans dhe vewnans ha'gas eseli dhe Dhuw avel arvow ewnder.

2 Peder 3:15

Ha synsewgh hirwodhevyans agan Arloedh dhe vos selwyans, kepar dell skrifas dhywgh agan broder karadow Powl, war-lergh an furneth a veu res dhodho,