Yeremia 50:15 - An Bibel Kernewek 20234 (Kernewek Kemmyn)

¹⁵ Germewgh orti a bub tenewen, ‘Hi re omros; hy thouryow yw koedhys, hy fosow yw tewlys dhe'n dor.’ Rag hemm yw dial an Arloedh: diellewgh warnedhi, gwrewgh dhedhi an pyth a wrug hi.

Yeremia 50:15 ပူးပေါင်းရင်းမြစ်များ

1 Kroniklys 29:24

Oll an soedhogyon ha'n gasoryon, hag ynwedh oll mebyon myghtern Davydh, a ambosas aga lelder dhe vyghtern Solomon.

2 Kroniklys 30:8

Na vedhewgh kales agas kilbenn lemmyn dell vedha agas tasow; ystynnewgh leuv dhe'n Arloedh ha dewgh dh'y sentri, re sakras bys vykken, ha servyewgh an Arloedh rag may treyllyo y gonnar dhiworthowgh.

Salmow 149:7

dhe gemmeres dial war an kenedhlow, ha gorra kessydhyans war an poblow;

Salmow 94:1

A Arloedh, ty Dhuw a dhial, ty Dhuw a dhial, omdhiskwa.

Ysay 59:17

Ev a wiskas ewnder avel hoberjon, ha basnett a selwyans war y benn; ev a wiskas dillas dial rag gwisk, hag omvaylya yn diwysykter avel mantell.

Ysay 59:18

Herwydh aga gwriansow, yndella ev a attal; sorr dh'y erbynnoryon, attal dh'y eskerens; ev a re attal dhe'n ynysow.

Ysay 61:2

dhe dhisklerya blydhen favour an Arloedh, ha dydh dial agan Duw; dhe gonfortya oll kynoryon;

Ysay 63:4

Rag yth esa dydh dial y'm kolonn, ha blydhen ow daspren re dheuth.

Yeremia 46:10

Rag hemm yw dydh an Arloedh, Duw an luyow, dydh a dhial, dhe dyli dial war y eskerens. An kledha a dhevor hag a vydh gwalghys, ha medhwys gans aga goes. Rag an Arloedh, Duw an luyow, a'n jeves sakrifis yn tir an gogledh ryb an avon Ewfrates.

Yeremia 50:14

Omsettyewgh yn aray erbynn Babylon oll a-dro; hwi oll neb a bleg an warak, tennewgh orti, na sparyewgh sethow, rag hi re beghas erbynn an Arloedh.

Yeremia 50:25

An Arloedh re igoras y arvji, ha dri yn-mes arvow y sorr, rag hemm yw oberenn an Arloedh Duw an luyow yn tir an Kaldeanys.

Yeremia 50:44

Otta, ev a dheu avel lew a-dhiworth kaswydh an Yordan erbynn peurva a dhur der an vlydhen, a-dhesempis my a's chas yn-mes anedhi. Piw yw an den dewisys a apoyntyav rag hemma? Piw yw haval dhymm? Piw a yll ow chalenjya? Piw yw an bugel a yll sevel er ow fynn?

Yeremia 51:11

Lymmewgh an sethow! Lenwewgh an goenyow! An Arloedh re dhrehevis spyrys myghternedh an Medys, rag y dowl a-dro dhe Babylon yw hy distrui, rag henn yw dial an Arloedh, dial rag y dempel.

Yeremia 51:14

Arloedh an luyow re dos re y honan: Yn sur my a'th lenow gans luyow avel hes lokustes, hag i a sev garm budhogoleth warnas.

Yeremia 51:24

My a attal dhe Babylon ha dhe oll annedhysi Kaldea rag oll an drog re wrussons yn Sion yn agas golok, yn-medh an Arloedh.

Yeremia 51:25

Otta, yth esov er dha bynn, A venydh a dhistruyans, yn-medh an Arloedh, a dhistru oll an nor; my a ystynn ow leuv er dha bynn ha dha dhraylya dhe'n leur a'n klegeryow, ha gul dhis bos menydh leskys.

Yeremia 51:30

Breselyoryon Babylon re hepkorras omladh, i a worta yn aga dinasow; aga nerth re fyllis, i res eth ha bos avel benynes; tan re beu gorrys yn hy annedhow, hy barrow yw terrys.

Yeremia 51:36

Ytho yndellma y lever an Arloedh: Otta, my a bled dha gen ha diella ragos. My a dhesygh hy mor ha gul dh'y fenten bos sygh;

Yeremia 51:44

My a gessydh Bel yn Babylon, ha kemmeres a'y anow an pyth re lonkas. Ny wra an kenedhlow frosa dhodho na fella; ynwedh fos Babylon re goedhas.

Yeremia 51:58

Yndellma y lever Arloedh an luyow: Fos ledan Babylon a vydh terrys dhe'n leur, ha'y yetow ughel a vydh leskys gans tan. An bobel a lavur rag travyth, ha'n kenedhlow a omskwith rag tan.

Yeremia 51:6

Fiewgh yn-mes a Babylon, re sawyo peub y vewnans! Na ewgh dhe goll drefenn hy anewnder, rag hemm yw termyn dial an Arloedh; ev a attal dhedhi hy gober.

Yeremia 51:64

ha leverel, “Yndellma Babylon a sedh; ny vydh ow sevel namoy drefenn an anfeusi a dhrov warnedhi.” ’ Hemm yw diwedh geryow Yeremia.

Kynvannow 5:6

Dhe Ejyp ni a ros leuv, ha dhe Assyria, rag kavoes bara lowr.

Ezekiel 17:18

Drefenn ev dhe dhispresya an ti, ow terri an kevambos, hag ow ri y leuv, ha gul oll an taklow ma, ny skap.

Ezekiel 21:22

Yn y leuv dhyghow y teu koelbrenn Yerusalem, dhe igeri an ganow rag an ladhva, dhe dhrehevel an lev y'n kri a vatel, dhe settya hor'bennow erbynn an yetys, dhe grugya gweythyow-esedhva.

Nahum 1:2

An Arloedh yw Duw neb a berth avi, hag a gemmer dial; dialor yw an Arloedh ha meur y sorr; an Arloedh a gemmer dial war y eskerens, hag ev a with y sorr erbynn y envi.

Matthew 7:2

rag gans an vreus may hwrewgh hwi breusi dredhi, hwi a vydh breusys, ha gans an musur may fusurowgh hwi ganso, y fydh musurys dhy'hwi.

Luk 21:22

rag hemm yw dydhyow a gessydhyans, pan vydh kowlwrys pup-tra a veu skrifys.

Romanyon 12:19

Na omdhialewgh, hwi garadowyon, mes rewgh le dhe gonnar Duw; rag skrifys yw, ‘Dial yw dhymm, my a attal’, yn-medh an Arloedh.

Romanyon 3:5

Mes mar tiskwa agan droktra ewnder Duw, pandr'a wren leverel? Duw dhe vos anewn pan y'gan kessydh yn sorr? (Avel den y kowsav.)

Dewteronomi 32:35

Dial yw dhymm, hag attal, yn termyn may hwra aga throes trebuchya; rag ogas yw dydh aga therroes, ha'ga thenkys a fisten dhedha.

Dewteronomi 32:41

pan lymmav lughes ow kledha, ha'm leuv a sett dalghenn ynno yn breus, my a dal dial war ow eskerens, hag attyli an re a'm kas.

Dewteronomi 32:43

Germewgh yn lowen, kenedhlow, gans y bobel, rag ev a gemmer dial war woes y servysi, ha tewlel dial war y eskerens, ha dasprena tir y bobel.

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

Yoshua 6:20

Ytho i a hwythas an hirgern. Kettell glewas an lu son an hirgern, i a armas gans garm vras, ha'n fos a goedhas yn hy le; ytho an lu eth yn-bann y'n sita, pub den ow mos yn tidro, hag i a gemmeras an sita.

Yoshua 6:5

Pan hwythons gans kern an hordhes, kettell glewowgh son an hirgorn, garmes oll lu gans garm vras; ena fos an sita a goedh yn hy le, ha gas oll lu dhe vos yn-bann, pub gour ow kerdhes a-ji yn tidro.’

Diskwedhyans 16:6

Rag i a skoellyas goes an syns ha'n brofoesi, ha ty re ros dhedha goes dhe eva. Gwiw yns i a henna!’

Diskwedhyans 18:6

Rewgh dhedhi arta kepar dell ros hi ynwedh, ha rewgh dhedhi dewblek a'y gwriansow: y'n hanaf may kemmyskas hi, gwrewgh kemmyska dewblek.

Diskwedhyans 19:2

rag gwir hag ewn yw y vreusow; rag ev re vreusis an hora vras a legris an nor gans hy fornikasyon, hag ev re dhiallas goes y wesyon warnedhi.’

1 Samuel 15:33

Mes Samuel a leveris, ‘Kepar dell wrug dha gledha benynes dhe vos anvap, yndella y fydh dha vamm anvap yn mysk benynes.’ Ha Samuel a hakkyas Agag dhe demmyn a-dherag an Arloedh yn Gilgal.