Yeremia 50:1 - An Bibel Kernewek 20234 (Kernewek Kemmyn)

¹ An ger a gewsis an Arloedh a-dro dhe Babylon, a-dro dhe bow an Kaldeanys, dre Yeremia an profoes:

Yeremia 50:1 ပူးပေါင်းရင်းမြစ်များ

Jenesis 10:10

Dalleth y wlaskor a veu Babel, hag Erek, hag Akkad, ha Kalne yn pow Shinar.

Jenesis 11:31

Teragh a gemmeras Abram y vab ha Lot mab Haran, mab y vab ev, ha Saray y wohydh, gwreg y vab Abram, hag i eth yn-mes gansa dhiworth Ur an Kaldeanys mayth ellens dhe bow Kanan, hag i a dheuth dhe Haran ha triga ena.

Jenesis 11:9

Ytho, yth yw hy hanow gelwys Babel, rag an Arloedh dhe gemmyska ena yeth oll an bys, ha'n Arloedh a's skattras alena war enep oll an nor.

2 Samuel 23:2

Spyrys an Arloedh a gews dredhov, yma y lavar war ow thaves.

2 Myghternedh 17:24

Myghtern Assyria a dhros tus dhiworth Babylon, Kutha, Avva, Hamath, ha Sefarvaym, ha'ga gorra yn sitys Samaria yn le an Ysraelysi; hag i a gemmeras Samaria yn perghennogeth, ha triga yn hy threvow.

Job 1:17

Hag ev hwath ow kewsel, y teuth onan moy ha leverel, ‘An Kaldeanys a formyas tri bagas a ladron, hag a wrug omsettyans orth an kowrvergh ha'ga hemmeres, ha ladha an servysi gans min an kledha, ha my ow honan re dhienkas rag leverel dhis.’

Ysay 14:4

ty a gemmer an kows ma yn-bann erbynn myghtern Babylon, ha leverel: Fatell hedhis an turant! Fatell hedhis an omsettyans!

Ysay 23:13

Mirewgh orth pow an Kaldeanys; nyns yns i pobel na fella; Assyria a'n destnas rag goedhviles. I a dhrehevis aga thouryow-esedhva, ha destryppya aga palesyow, ha'y wul magor.

Yeremia 25:12

Ha pan vydh diwedh dhe'n deg blydhen ha tri-ugens, my a gessydh myghtern Babylon ha'n genedhel na, yn-medh an Arloedh, rag aga anewnder, ha tir an Kaldeanys, ha'y wul difeyth bys vykken.

Yeremia 27:7

An kenedhlow oll a'n serv, ha'y vab, ha mab y vab, bys pan dheu termyn y dir y honan; ena lies kenedhel ha myghternedh veur a wra y gethhe.

Daniel 1:1

Y'n nessa blydhen a reyn Yehoyakim myghtern Yuda, Nebukadnessar myghtern Babylon a dheuth dhe Yerusalem hag omsettya a-dro dhedhi.

Oberow 7:4

Ena ev eth mes a bow an Kaldeanys ha triga yn Haran. Hag alena, wosa y das dhe verwel, Duw a'n tennas yn-mes y'n tir ma mayth esowgh hwi trigys lemmyn.

2 Peder 1:21

Rag ny dheuth profoesans bythkweth dre volonjedh mab-den, mes tus movyes gans an Spyrys Sans a gewsis a-dhiworth Duw.

Diskwedhyans 14:8

Ha ken el, an nessa anedha, a holyas, ow leverel, ‘Koedha, koedha a wrug Babylon vras, hag a wrug dhe oll kenedhlow eva a'n gwin a sorr hy fornikasyon.’