Yeremia 5:9 - An Bibel Kernewek 20234 (Kernewek Kemmyn)

⁹ A ny wrav aga hessydhya drefenn an traow ma? yn-medh an Arloedh: hag a ny vydh ow enev diellys war genedhel a'n par ma?

Yeremia 5:9 ပူးပေါင်းရင်းမြစ်များ

Lavarow Koth 6:29

Yndella yth yw neb a a-ji dhe wreg y gentrevek; neb a's toch, ny vydh ev heb kessydhyans.

Ysay 1:24

Rakhenna y lever an Arloedh, Arloedh an luyow, an Galloesek a Ysrael: Ogh, my a vydh konfortys drefenn ow envi, ha tyli dial war ow eskerens.

Ysay 57:6

Y'n meyn leven a nans yw dha rann; i, i yw an prenn tewlys ragos. Dhedha i ty re dhinewis offrynn diwes hag offrynna offrynn greun. A vydhav diserrys gans an re ma?

Yeremia 23:2

Rakhenna yndellma y lever an Arloedh, Duw Ysrael, erbynn an vugeledh a vugel ow fobel: Hwi re skattras ow deves ha'ga fesya, ha ny woelsowgh warnedha. Ytho my a visit warnowgh drogedh agas gwriansow, yn-medh an Arloedh.

Yeremia 32:31

Rag an sita ma re beu acheson a'm sorr hag ow honnar a-dhia'n jydh may feu drehevys bys y'n jydh ma, ma's dileav a-dhiworth ow golok;

Yeremia 44:22

Ny ylli an Arloedh perthi na fella agas drog wriansow, ha'n taklow kasadow a wrussowgh; yndella agas tir a dheuth ha bos ynyal ha gwast ha molleth, heb annedhyas, kepar hag y'n jydh hedhyw.

Yeremia 5:10

Kewgh yn-bann dre rewyow hy gwinbrennyer, ha distrui; mes na wra diwedh leun: tennewgh dhe-ves hy barrennow: rag nyns yns i dhe'n Arloedh.

Yeremia 5:29

A ny wrav aga hessydhya drefenn an traow ma? yn-medh an Arloedh, a ny vydh ow enev diellys war genedhel a'n par ma?

Yeremia 6:11

Ytho leun ov vy a gonnar an Arloedh; skwith ov vy owth omfronna. Gwra hy dinewi war an fleghes y'n stret, ha war guntelles an wer yowynk maga ta: rag hwath an gour gans an wreg a vydh maglennys, an henavek ha'n den leun a dhydhyow.

Yeremia 6:6

Rag yndella re gewsis Arloedh an luyow: Terrewgh hy gwydh, ha krugyewgh gweyth-esedhva erbynn Yerusalem: Ogh, sita a falsuri! nyns eus marnas arwask ynni.

Yeremia 9:8

Aga thaves yw avel seth varwel; kewsel toell a wra: den a lever geryow kres dh'y gentrevek der y anow, mes yn y golonn kontrewaytya a wra.

Yeremia 9:9

A ny wrav vy aga hessydhya drefenn an traow ma? yn-medh an Arloedh: a ny vydh ow enev diellys war genedhel a'n par ma?

Kynvannow 3:42

Ni re gammdremenas ha rebellya; mes ty, ny wrussys gava.

Kynvannow 4:22

Kowlwrys yw kessydhyans dha sherewneth, a vyrgh Sion, ny wra ev dha witha yn divroedh na fella; ev re wrug dha gessydhya drefenn dha sherewneth, a vyrgh Edom, ha diskudha dha beghosow.

Ezekiel 7:9

Ny gemmer ow lagas pita ahanas, na ny'th sparyav; my a attal dhis war-lergh dha fordhow, ha'th taklow kasadow usi a-berth ynnos. Ena hwi a woer my dhe vos an Arloedh, usi ow kweskel.

Hosea 2:13

My a wra hy hessydhya rag dydhyow an Baalim, may leski offrynnow dhedha, hag omafina gans hy bysowyer ha'y gemmweyth, ha mos war-lergh hy haroryon, mes hi a'm ankovas, yn-medh an Arloedh.

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Levitikus 18:25

ha defolys yw an tir. Ytho my a'n kessydhyas rag y gammweyth, ha'n tir y honan a hwyj yn-mes y drigoryon.

Levitikus 26:25

Ha my a dhre kledha warnowgh dhe dhiella an kevambos; ha pan owgh hwi kuntellys war-barth a-berth yn agas sitys, my a dhannvon an pla yn agas mysk, ha hwi a vydh res a-ji dhe dhorn an eskar.

Nahum 1:2

An Arloedh yw Duw neb a berth avi, hag a gemmer dial; dialor yw an Arloedh ha meur y sorr; an Arloedh a gemmer dial war y eskerens, hag ev a with y sorr erbynn y envi.

Dewteronomi 32:35

Dial yw dhymm, hag attal, yn termyn may hwra aga throes trebuchya; rag ogas yw dydh aga therroes, ha'ga thenkys a fisten dhedha.

Dewteronomi 32:43

Germewgh yn lowen, kenedhlow, gans y bobel, rag ev a gemmer dial war woes y servysi, ha tewlel dial war y eskerens, ha dasprena tir y bobel.