Yeremia 5:5 - An Bibel Kernewek 20234 (Kernewek Kemmyn)

⁵ My a wra mos dhe'n dus veur, ha kewsel orta; rag i re wodhva fordh an Arloedh, ha breus aga Duw.’ Mes i keffrys re dorras an yew, ha terri an rawyow.

Yeremia 5:5 ပူးပေါင်းရင်းမြစ်များ

2 Kroniklys 36:14

Ynwedh oll an pennoferysi ha'n bobel o fest dislel, owth holya oll taklow kasadow an kenedhlow; hag i a dhefolas chi an Arloedh re wrussa y sakra yn Yerusalem.

Eksodus 32:25

Ha pan welas Moyses bos an bobel gyllys anfronnys (rag Aron re's gasas dhe vos direwl, dh'aga meth yn mysk aga eskerens),

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Yeremia 2:20

Rag nans yw pell ty a dorras dha yew, ha tardha dha rawyow; ha ty a leveris, ‘Ny wrav vy servya’; rag war bub bre ughel hag yn-dann bub gwydhenn las ty a wandras, owth horya.

Yeremia 2:31

A henedh, gwelewgh ger an Arloedh. A veuv gwylvos dhe Ysrael, po tir a dewlder? Ytho prag y lever ow fobel, ‘Ni yw rydh dhe wandra; ny dheun dhis namoy’?

Yeremia 30:14

Oll dha garoryon re'th ankovas; ny'th hwilons rag my re'th holyas gans goli eskar, gans keredh a dhen fell, drefenn bos meur dha anewnder, drefenn dha beghosow dhe ynkressya.

Yeremia 6:13

Rag a'n lyha anedha bys y'n meurra pubonan yw hwansek dhe wayn anewn; hag a'n profoes bys y'n oferyas pubonan a wra falsuri.

Yeremia 8:7

Hwath an hwibon y'n nevow a aswonn y dermynyow; ha'n durenn ha'n wennel ha'n aran a aswonn termyn aga devedhyans; mes ny aswonn ow fobel vy breus an Arloedh.

Yeremia 9:3

I a bleg aga thaves avel aga gwarak rag gowyow: nyns yns kolonnek rag gwiryonedh war an nor; rag yth ons a dhrogedh dhe dhrogedh, ha ny'm aswonnons, yn-medh an Arloedh.

Ezekiel 11:2

Ena ev a leveris dhymm, ‘Mab den, an re ma yw an wer usi ow prasa sherewynsi hag ow ri drog-gusul y'n sita ma.

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Amos 6:1

Go-i an re usi attes yn Sion, ha'n re a omsyns saw war venydh Samaria, yw henwys kynsa an gwlasow, ha dhedha y teu chi Ysrael!

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Luk 18:24

Yesu a viras orth an den neb o devedhys ha bos trist, ha leverel, ‘Ass yw kales dhe neb a's teves rychys entra dhe wlaskor Duw!

Luk 19:14

Mes y sojets a wre y gasa hag i a dhannvonas kannasow war y lergh ow leverel, “Ny vynnyn an den ma dhe vos myghtern warnan.”