Yeremia 5:3 - An Bibel Kernewek 20234 (Kernewek Kemmyn)

³ A Arloedh, a nyns yw dha lagas war an gwirder? ty re's gweskis mes ny wodhevons payn; ty re's diswrug, mes i re naghas degemmeres dyskybleth: i re wrug aga fasow kalessa ages karrek; i re naghas dehweles.

Yeremia 5:3 ပူးပေါင်းရင်းမြစ်များ

Jenesis 19:34

Ha ternos y hwarva an kynsa-genys dhe leverel dhe'n yowynka, ‘Awotta, my a wrowedhas de gans ow thas. Gwren ni gul dhodho eva gwin haneth ynwedh, ha ke tejy dhe wrowedha ganso, may hyllyn gwitha has der agan tas.’

1 Myghternedh 13:33

Wosa hemma ny dreylyas Yeroboam a'y dhrog fordh, mes arta ev a wrug oferysi rag an tylleryow ughel a-dhiworth oll renkasow an bobel. Piwpynag a vynna bos oferyas ev a sakras dhe'n tylleryow ughel.

2 Myghternedh 1:13

Arta an myghtern a dhannvonas tressa kapten a hanter-kans. An tressa kapten ma a yskynnas ha mos war dhewlin a-dherag Elias. ‘Gour Duw’, a bysis ev, ‘my a'th pys, re bo drudh ow bewnans ha bewnans an hanter-kans den ma y'th wolok.

2 Kroniklys 16:9

Rag dewlagas an Arloedh a wander dres oll an norvys rag krevhe an re hag yth yw aga holonn lel dhodho. Ty re wrug tra foll y'n dra ma; rag alemma rag ty a' fydh breselyow.’

2 Kroniklys 28:22

Yn prys y ahwer ev eth ha bos hwath moy dislel dhe'n Arloedh – an keth myghtern Ahaz ma.

Salmow 51:6

Otta, hwansek osta dhe wirder y'n rannow a-bervedh, hag yn-dann gel ty a dhysk dhymm furneth.

Salmow 51:8

Gwra dhymm klewes lowena ha heudhder, may lowenhaho an eskern a vrewsys.

Salmow 55:20

Ev re worras y leuv erbynn an re usi yn kres ganso; ev re dorras y gevambos.

Lavarow Koth 21:29

An drog wour yw tont y semlans, mes an den ewnhynsek a breder y fordhow.

Lavarow Koth 22:12

Dewlagas an Arloedh a with war wodhvos, mes ev a dhomhwel geryow an re dhislen.

Lavarow Koth 23:35

Ty a lever, ‘I a'm gweskis, mes ny berthis vy payn. I a'm kronkyas, mes ny'n godhvev. P'eur tifunav? My a hwila diwes moy.’

Lavarow Koth 27:22

Mar prewydh den foll yn morter war-barth gans greun barlys gans hordh brewi, nyns a y follneth dhiworto.

Ysay 26:11

A Arloedh, drehevys yw dha leuv, mes ny's gwelons. Gwelens i dha avi rag dha bobel ha perthi meth; gas dhe'n tan gwithys rag dha eskerens aga devorya.

Ysay 42:25

Ytho ev a dhinewis warnodho toemmder y sorr, ha nerth an gas. Ev a worras tan ynno a-derdro, mes ny gonvedhas, ev a'n loskas, mes ny'n kemmeras yn y golonn.

Ysay 48:4

Drefenn my dhe wodhvos dha vos gorth, ha'th konna dhe vos giowenn a horn, ha'th tal dhe vos brest,

Ysay 9:13

Mes ny dreylyas an bobel dhe neb a's gweskis, na ny hwilsons Arloedh an luyow.

Yeremia 15:7

Ha my a's gwynsell gans forgh-dhrushya yn yetow an tir; my a's gwrug anvap, my a dhistru ow fobel, a-ban na dhehwelsons a'ga fordhow.

Yeremia 17:23

Mes ny woslowsons, na plegya aga skovarn, mes kaleshe aga hilbenn, ma na glewsons, na degemmeres dyskybleth.

Yeremia 19:15

Yndellma y lever Arloedh an luyow, Duw Ysrael: Otta, my a dhre war an sita ma hag oll hy threvow oll an drogedh re gewsis er hy fynn, drefenn i dhe galeshe aga hilbenn ma na glewvens ow geryow.

Yeremia 2:30

Yn euver my re weskis agas fleghes; ny dhegemmersons dyskybleth. Agas kledha agas honan re dhevoryas agas profoesi, avel lew ow tistrui.

Yeremia 3:3

Rakhenna an kowasow re beu skonys, ha ny dheuth an glaw diwedhes; ha ty a'th o tal hora, ty a naghas kemmeres meth.

Yeremia 32:19

meur yn kusul ha nerthek yn gweythres; rag dha lagasow yw igor dhe oll an fordhow a vab-den, dhe ri dhe beub war-lergh y fordhow, ha war-lergh frut y weythresow.

Yeremia 35:13

Yndellma y lever Arloedh an luyow, Duw Ysrael: Ke ha leverel dhe bobel Yuda ha dhe annedhysi Yerusalem, ‘A ny vynnowgh degemmeres dyskans ha klewes ow geryow? yn-medh an Arloedh.

Yeremia 44:10

Ny's teva edrek, na ny borthsons own, na ny gerdhsons y'm lagha ha'm ordenansow a worris a-ragowgh hag a-rag agas tasow.

Yeremia 7:26

mes ny woslowsons orthiv, na ny blegsons aga skovarn, mes i a galeshas aga hilbenn. I a wrug gweth ages aga thasow.

Yeremia 7:28

Ty a lever dhedha, Homm yw an genedhel na veu gostydh dhe lev an Arloedh aga Duw, na ny dhegemmeras dyskybleth; gwirder res eth dhe goll, ha treghys yw a-dhiworth aga ganow.

Yeremia 8:5

Ytho prag y hwrug an bobel ma, Yerusalem, treylya yn kildennans pup-prys? I a syns fast dhe doell, i a nagh dehweles.

Ezekiel 2:4

Mebyon penn-kales yns i ha gorth aga holonn; yth esov orth dha dhannvon dhedha. Lavar dhedha, ‘Yndellma y lever an Arloedh Duw.’

Ezekiel 24:13

Y'th avlander yma fornikasyon. Drefenn my dhe assaya dha lanhe, mes ny vynnsys bos glanhes, ny vydhydh glanhes arta dhiworth dha avlander bys pan rov powes dhe'm sorr er dha bynn.

Daniel 9:13

Dell veu skrifys yn lagha Moyses, yma koedhys oll an droglamm ma warnan; mes ny dhiserrsyn tremmynn an Arloedh agan Duw, ow treylya dhiworth agan kammweyth hag ow konvedhes dha wiryonedh.

Levitikus 26:23

Ha mar ny vynnowgh bos dyskys gans an taklow ma, mes kerdhes kontrari dhymmo vy,

Amos 4:10

Dannvon a wrug vy warnowgh pla dell wrug yn Ejyp; ladha a wrug vy agas tus yowynk gans an kledha, war-barth gans agas mergh kemmerys yn preydh. My a dhrehevis fler agas kaslysyow bys yn agas dewfrik; byttegyns ny dhehwelsowgh dhymm, yn-medh an Arloedh.

Amos 4:11

My a dhomhwelis rann ahanowgh, dell wrug Duw domhwel Sodom ha Gomorra. Kepar hag yttew y fewgh, tennys mes a'n tan, byttegyns ny dhehwelsowgh dhymm, yn-medh an Arloedh.

Amos 4:6

Mes my a ros dhywgh glanythter a dhyns yn agas sitys oll ha fowt a vara yn agas tylleryow oll, ha ny dhehwelsowgh dhymm, yn-medh an Arloedh.

Amos 4:8

ytho diw sita po teyr a wandras dhe gen sita dhe eva dowr, heb bos disyghys; byttegyns ny dhehwelsowgh dhymm, yn-medh an Arloedh.

Amos 4:9

My a'gas gweskis gans kleves losk ha kleves melynheans y'n ys; agas lowarthyow ha gwinlannow pals, agas figbrennyer ha'gas olewbrennyer a veu dybrys gans an lokust yowynk; byttegyns ny dhehwelsowgh dhymm, yn-medh an Arloedh.

Sefania 3:7

My a leveris, ‘Ty a' fydh own ahanav yn surredi; ty a dhegemmer dyskybleth’; ena ny via hy annedh treghys dhe-ves gans an kessydhyans oll a wrav er hy fynn. Mes i a omdhegi yn freth, legrys oll aga gwriansow.

Romanyon 2:2

Ni a woer breus Duw dhe goedha yn hwir war an re a wra taklow a'n par na.

Ebrowyon 12:9

Pella, ni a'gan bo tasow war-lergh an kig dh'agan keredhi ha ni a wre vri anedha. A ny vydhyn hwath moy gostydh dhe Das an spyrysyon, ha bewa?